د.أسيل العوضي

حيّد رأيك في موضوع ترشيح المرأه

ثم اترك ماترى في جماعة التحالف الوطني أو الليبراليّين

تناسى كل الأمثلة السيئة للمرأه..فللرجال مثلهن نصيب

ولاتنشغل في تحليل هيئتها أو اسمها..ولوفعلت لقاطع كل منا انتخابات الرجال!9

فقط..استمع جيداً لماتقول

أنصت لكلماتها

فلعمري إنها بألف رجل.. ونائب!9

لاحوووووول

شكلنا ماراح نخلص

انا قلت التحدي يوم 28/3

الموافق السبت اللي طاف الاول من ربيع او مادري جم التاريخ الهجري مابي أألف

عندكم منتديات وايد قاروه او الارياق وغيرهم

شوفوا بذاك اليوم والتاريخ بالضبط

منو صاد صيد قوي..او سئلوا أي أحد طلع بهاليوم تالي تحلطموا علي

اي والله

قاعدين تتشمتون وموعاجبكم الصيد

:P

ترا الحداق مايات وارزاق..يعني كل سمجه لها مايتها ويومها وضربتها

مو سوبر ماركت تدش تنقي اللي تبيه وتطلع

لالالالا حبيبي لالالالالالالا

بس دام السالفه مفتوحه وفيها صور قبل هالتاريخ

فبحط بعض الصور هم انا

مقتطفات من مسيرة النور

البعض البعيض من الكثره الكثيره

بزفر لكم المدونات

استممممممممممتعوا

مع كل الشكر والتقدير للاخوات العزيزات ديللي وميللي والزين على مشاركتهم لنا بالصور والحلوه اولا

وعلى روحهم الرياضيه والعاليه بهالجم موضوع اللي طافوا ثانيا

العاده الحداقه مسرع مايعصبون ولا انا احسن منك

بس اهم عفيه عليهم روحهم حلوه وتحية كبييييره مني الهم ولك

ولكم على تحملكم للزفر اللي دار اليومين اللي طافوا

وهيج الريس

:)

ملاحظه: قبل لا احد يقول انه شايف اي صوره بمكان ثاني ترا انا اصور ويا الربع بس ما احب انزل صور الصيد اللي انا طالع فيها.. اهم ينزلون صورهم مع صيدنا عادي

المراد اي صوره مكرره ترا انا وياهم بالطلعه والصيد

:P

بس الله يرضى جذي خليتوني اشيل ويهي من كل الصور جني شسمه

:/

شعوم ونويبي وبطان ووحر وخوفعه كتكوته 11/3/2009

شعوم من اللي يحبهم قلبكم طلعه ثانيه 16/3/2009

شعوووووووووووووووووم ونويبي ووحر وبطان نفس الطلعه 16/3/2009

شعم مجنون طلعه ثالثه 14/3/2009

شعم قليل ادب طلعه رابعه 23/2/2009

هلا بالشباااااب
هلا بيك هلا وبجيتك هلا

اي معزه

جنه ينم وياهم بالصوره مو خو

يداااام للطبيخ 11/1/2009

يا الهي 12/3/2009

ياخرااااشي اي ده ايييييي ده يزاااااعي


حتى نلتقي

محدثكم

يامعامل الناس بغرور..ومن طبع هالدنيا تدور

العنوان ماله شغل بالبوست كلش
بس احب الاغنيه
عموما
وبدون مقدمات طويله
هذي طلعة التحدي اللي قلت لكم بطلعها
ملخص سريع

الاوله بسم الله..لا اله الا الله
هذا اول شي واحنا طالعين وانا متوتر اقول لا شسمه واتفشل واتلثم

هني تفاءلت لما شفت الطير واقف على حيله يحيينا ويدعولنا بالسلامه بطلعتنا

والا هم هذيله بويهنا
اقلبها طلعة قنص؟ لا لا مايصير وراك تحدي

دشينا صبينا بانزين بشرق
ادور ديللي وميللي ماميش

بسم الله نفتح الجنطه او العده
الوان بعد ديروا بالكم

والغم البحر خيوط.. 100,00 خيط قطيت امس
اصيد يعني اصيد

واول مانبر الخيط و هووووووووووووووووووووووب
لا لا قويه
مادري منو هذا بس عجبتني صورة الهامور قلت احطها بالبوست

المهم اكمل
ومن هالمكان اطالع الديره
اقول يارب يارزاق
ارزقني بشي اوايه فيه الناس
مادري راح ارد اليوم والا بقط نفسي بحر
اي اكيد اذا ماكو صيد
النار ولا العار يبا

وهوبلالالالالالالالالالالالالالالالالالالالالالالالالالالالالالا

هوبليتيييييين 3 4 5 مليوووووووووووووووووون
طبعا لوحاط وياهم الجموم
جان طبع طرادنا

وبس هني طريج الرده

على قولة بوخليف
فزنا عليييييهم فزنا عليييهم

وهني مجموع الصيد
لوووووووووووووووووووول تخيلوا صج
جان واحنا بنص البحر قاظ الطراد وغرقان من الوناسه
بس بكل الاحوال
الله يعلم ان امس واولت امس
اللي اهم 28 و27 /3
ان البحر كان نااااااااااشف مامن سمج
لقاط مني مناك قلييييل واحجام عاديه
هذا مو بس احنا وايد ناس حوالينا وهم ناس نعرفهم طالعين بنفس اليوم
سبحان الله مو مايتها
بس مع ذلك حاولت كثر ما اقدر اني ابيضها وما اتلثم
والا الجموم (ادري جمعهم جموه بس ما احب الكلمه)9
خليناهم لربعهم
:P

حداق هااا

الاخت العزيزه ديللي وميللي منزله موضوع عن الحداق

انزين شالسالفه

انا اقولكم

الرياييل بالكويت

بعضهم بعضضضضضضضضضضضضضضضضضضضهم

لونت حرف حرف من كلمة بعضهم عشان لاتاكلوني

بعض الرياييل بالكويت

غالبيتهم يبا زين

مايصير ان الحريم او البنات احسن منهم بشي

خاصه اذا شي او مجال رجالي اكثر من ما انه حريمي

مع ان بعض البنات والحريم احسن من وايد رياييل بمجالاتهم

وحتى لو مساكين ماتحرشوا فيهم وكافين خيرهم شرهم

بس انه مايصير يعني مايصير

مو موضوعنا

امبلى موضوعنا

المهم

وبما اني من هالرياييل والعياذ بالله

وبما ان مايصير اهي تعرف بالحداق مثلي لا والزين وياها بعد

مادري عاد انا ماجلان مادري بن عيدان وانا مادري

الله يفكنا بس من بترفلاير لايدش ويقرا هالموضوع

المهم مرت اللوخ

فلازم انزل موضوع انتقامي

طبعا انا تفلسفت وعلقت عندها وخلصت يعني شوفيني انا اللي اعرف

بس هم لازم اسوي شي

شسوي شسوي

صور حداق قويه ما اقدر انزل لأني علقت عندها ان صيدنا اليوم مو ذاك الزود

انزين شالطفاقه

بتنزل موضوع شرفي بتدافع فيه عن نفسك مع ان محد تحرش فيك..وتخرب على روحك بنفسك؟9

شكو معلق عندها وفاضح نفسك شكوووووووووووو

الحين بالله شلون انزل صور حداق مالت قبل جم يوم او قديمه وفيها صور قويه؟9

ما اقدر

لأني وبكل بساطه..فضيحه!9

المهم للمره الاخيره

الحل كالاتي

بس بيني وبينكم لايوصل لهم

باجر بنزل بحيل الله

وبدعواتكم ودعوات المسلمين

بصيد ذاك الصيد اللي يحبه قلبكم

ومن الحين اقولكم السمج كله لكم ابلاش

لأن الموضوع اكبر من اليدام

الموضوع موضوع رد اعتبااااااار

كيفكم رد اعتبار يعني رد اعتبار

فدعواتكم

وصلواتكم

وانشالله اصيد ذاك الصيد اللي يبرد حرتي

واذا ماصدت

بنزل بوست متلثم فيه

وماراح تشوفوني لين تنسون السالفه

بس مو قريبا وترقبوا مثل مابعض الناس ماسكينها علي

مو كويت طبعا

المهم

توني قايل المهم للمره الاخيره ادري

لحد يقول الحمدلله والشكر!!9

هذا يزاي قاعد اسولف لكم؟9

امشي؟9

لا والله جد امشي ما اكمل البوست؟9

اي حسبالي

انزين

انا صج عاد بمشي الحين

تعبان وبريح شوي

ورانا انتقام باجر

دعوااااااااااااااااااااتكم

والسلام عليكم

:)

مرسي الزناتي اتهزم يارجاله

قبل جم يوم قريت موضوع عند كويت الخير

انه موضوعه مال الباسكن روبنز انباق

وحاطينه بمنتدى المؤشر بدون ذكر للمصدر

طبعا طقيت الصدر كالعاده وسجلت عندهم قلت بدش وبحتج

حضرتهم ماوافقوا على الاشتراك الا عقب 4 ايام

لما دشيت وحطيت تعليقي..مابغيت الا عمري

الكل يجامل راعية الموضوع ويدافع عنها على حسابي

وضرب فيني يمين يسار

تمسخر على استهزاء على شقولكم

شي يضحك

واحد يغلط علي لما ارد عليه يقولي انت مشترك جديد تعلم شلون تكلم الاقدم منك

واللي يقول اصلا الموضوع تافه مو من حلاته

واللي يقول انتوا داشين تسوون دعايه لمدوناتكم

ابي احد يطب وياي

ابي اشوف مدونجي

ابي احد شسمه

مااااااااااااكو

كله منتديجيه

وهات ياضرب

بس ابشركم

جات سليمه

لما شفت اسلوب القوه مافاد قمت اساحل

قلت يمكن يفيد واطلع بكرامتي

خاصه ان كويت الخير شكله ليلحين مايدري عن اللي قاعد اسويه

عاد انا طول عمري هذا طبعي

افزع للناس واهم مايدرون ولايهون اخوي كويت الخير

اقصد اتليقف واخر شي اكلها بروحي

شكو شكوووووووووووووووو

الريال ماعنده لسان يعني

والله حاله

عموما

كل اللي طبوا علي بالموضوع اللي طاف معاقبين

يمنع عليهم التعليق لمدة بوستين

هذا واللي وراه

اما اللي طبوا وياي فلهم جائزه

يختارون اي موضوعين وانا اكتبهم

ادري مو جريدة النيويورك تايمز ولاني محمد حسنين هيكل بس هذا الموجود

وانتوا وكيفكم عاد

:PP

سؤال للحريم وخاصه للمنقبات

ليش بعضهم لما يسوقون لازم يمسكون السكان بايدين تقول اسكت مقطعه التدرول
لا وتنام عليك
واخر شي تعصب
ليش
ليش
ليش
؟

HILARIOUS!

شوفوهم كلهم

ماراح تندمون ولاتضيعون وقتكم كللللللللللللللش

مو طبيعيين!!9

Traitor

إذا تبي تعرف الفرق بين اللي يسمي روحه مسلم واهو مايدري شالطبخه
وبين المسلم الحقيقي اللي يعرف روح الاسلام
فاحضر هالفيلم
روعه وحبكه مو صج
:)

وعشان جذي عمري ماقيدت ولا راح اقيد

قولوا اذا خليت خربت

قولوا الدنيا ليلحين بخير

قولوا ليش متشائم وخلك متفائل

قولوا البركه بجيلنا واحنا بنغير

انا اقول الا من رحم ربي ولكن الغالبيه والغالب حدوث مايلي

وقت الانتخابات

الدينين--> يزكون بعض--> يتحالفون-->يكسرون ابعض-->يخسر جم واحد-->يتهاوشون

الليبراليين--> يزكون بعض--> يتحالفون-->يكسرون ابعض-->يخسر جم واحد-->يتهاوشون

البدو--> يزكون بعض--> يتحالفون-->يكسرون ابعض-->يخسر جم واحد-->يتهاوشون

الشيعه--> يزكون بعض--> يتحالفون-->يكسرون ابعض-->يخسر جم واحد-->يتهاوشون

المستقلين--> يزكون بعض--> يتحالفون-->يكسرون ابعض-->يخسر جم واحد-->يتهاوشون

نواب الخدمات--> يزكون بعض--> يتحالفون-->يكسرون ابعض-->يخسر جم واحد-->يتهاوشون

وبعد ماينجحون بفضلنا

الدينين-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم

الليبراليين-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم

البدو-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم

الشيعه-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم

المستقلين-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم

نواب الخدمات-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم

وبعد ماينحل المجلس للمره المليون

نرجع نصوت لنفس الاشخاص اللي كنا مانبيهم يوصلون

المشكله لا بالحكومه

ولا بالمجلس

ولا بالدستور

ولا بالوضع الاقتصادي

ولا بالشيوخ

ولا بالمنتخب

ولا بالنواب

ولا بالبيروقراطيه

ولا بشي

المشكله مثل ماقالوا وايد

المشكله فينا احنا

كل شخص فينا

انا وانت ياللي تقرا

نعم انت

نقول كلام مانطبقه

نرفع شعارات احنا مو قدها

بالكلام..نشكي ونحارب كسر القانون والتافهين اللي يصوتون ويساندون الناس على اسس خاطئه

بالفعل..اغلبنا نكسر القانون بشكل يومي ونساند ونصوت على اسس خاطئه وشنيعه

انا اقول الحل يبدي فيني وفيك انت ياللي تقرا

وفي كل واحد تقعد وياه وتكلمه

تفهمه ان دوره مو هين

دوره مهم

احنا كلنا مانوصل مليون

لو كل واحد يبدي بنفسه ما اعتقد نحتاج اجيال عشان نتعدل

لو كل واحد تكون عنده الشجاعه ان يوقف باي مكان..دوانيه..بيتهم..بالشغل

يوقف ويتكلم بالكلام الصح

يوقف ومايهمه يقولون هذا شعنده

او هذا شفيه يتفلسف

كلام الكويتيين طبعا لما يكونون في سكرات الغباء الدائمه ولما يتضايقون ان في احد وده يشغل مخهم المصين المغبر اللي عمره ما

اشتغل

قوم وتكلم

وع اللي حوالينك

واختر الناس الصح على الاسس الصح

تالي تعالي وتحلطم

تالي تعال وقول الديره متخلفه

وحتى نلتقي على موائد المرشحين

الله لو يدرون اني مو مقيد

عاد انا ما اروح مقرات المرشحين

بس يوم الانتخابات دايما امزج واروح اماكن الانتخابات

والكل يعطيني اكل وبرد ومادري شنو وكروت

حسبالهم صج

:)

اعتقد

من المعيب أن تُوظف الايات القرآنيه الكريمه والاحاديث الشريفه في غير مواضعها

خاصة اذا كانت مواضع فيها ضحك او تسمح بتجاوز الادب مع الله تعالى ورسوله صلى الله عليه وسلم

أفيتجرأ أحدنا ليضع كلام أميره في غير موضعه؟9

بل هل يقوى على فعل ذلك مع مديره في العمل؟9

مالكم لاترجون لله وقارا!9

ثم إنني أعجب كل العجب ممن يعرف تلك الكمية الكبيرة من الآيات والأحاديث، ثم يترك العمل بها الى السخرية بها ومنها

أفنكون ممن قال الله عز وجل فيهم

مثل الذين حملوا التوراة ثم لم يحملوها كمثل الحمار يحمل أسفارا؟9

===========================

استقالت الحكومة أم لم تستقل

حُلّ المجلس أم لم يُحل

دورك هو

أصلح نفسك..وادع غيرك..ودع القافلة تسير

وقل كمن قال

علمت أن رزقي لن يأخذه أحد غيري فارتاح قلبي

وعلمت أن عملي لن يعمل به أحد غيري فاشتغلت به

رفعت الأقلام وجفت الصحف

===========================

الحين خنريح شوي من الكلام الانشائي ونعطيكم آخر الاخبار

:)

قبل اسبوعين

بين قاروه وام المرادم

شفنا هالاسود من بعيد

قربنا..نحسبه دقس

والدقس من فصيلة الدلافين..لونه اسود ومو أليف نفس الباجي

والا المفاجأه

Killer Whale!

نعم لم تخطئ بقراءة الكلمة

مو

Whale shark

اللي ينشافون وايد بالكويت لالالالالا

KILLER WHALE!

كانوا 5

ثلاثه كبار واثنين ويا عيالهم

قربنا بنصورهم علبو اهم شوي بعاد

واحد منهم..العود

غاص تحت الماي واحنا ماندري وحاطين كاميراتنا بعيد بنصوره

جان يطلع فجأه تحت ريولنا

شصار فينا

تخسبقنا

اللي يسوق داس بيوخر

تدرون شسوا؟9

طق طقتين بذيله ونزل تحت الطراد

سمت نفسه صار طول الطراد

26 قدم!

اي والله ماجذبت تقريبا 9 امتار

واحنا ندوس واهو ويانا بس من تحت

مادري يلعب مادري يبي يوخرنا عن عياله وبنفس الوقت يكسر الطراد وينزلنا ياكلونا سناك

اي هذيله مفترسين مو حبايب

طبعا صورنا وايد صور وفي فيديوات توضحه اكثر بس المشكله كلهم فضيحه فسوري ما اقدر احطهم

:P

وهذي صورة الخرعه اللي كنا حاطين الكاميرا بعيد وطلع تحتنا

صورته وانا طايح لي ورا

:P

طبعا للي مايدري

هالمخلوق مايعيش بالخليج ونادري جدا رؤيته فيه

كل جم سنه يعني ويحطونهم بالجرايد

وهو احد اقوى مخلوقين بحريين

واهو و

Great white shark

شوفوا الفيديو اللي باللنك وراح تعرفون ليش اليرايير تهاجم الغواصين خاصه اللي يلبسون زعانف تخليهم يحسبونهم جلاب بحر

بس الكلر ويل اقوى

وهو نفسه اللي يستعملونه بالعروض بامريكا

وهذا فيديو يبين شنو اهو حبيب

================

عندي قناعه

ماكو احلى من القهوه اللي انت تسويها

من قال قهوه؟9

:)

===================

اخيرا

نشكر الاخوان في الاتحاد الوطني لطلبة الكويت فرع امريكا وممثلهم رئيس الاتحاد الاخ صالح التنيب على مجهودهم في انتاج هالفلم الوثائقي الرائع

لتحميل الفلم

P.S: معليش كويتي لايعه كبده امسحها بويهي

لهالدرجه زعلي جايد

خليت الحكومه تستقيل

عاد صايد لهم خوش شعوووم

:\

==================

من يقدر يوصل لزوز ويعطينا اخر اخبارها

نبي نتطمن على والدتها الله يشافيها

==================

لنقاش أفضل

أربع لاءات

لا رأي مسبق

لا مقاطعه

لا استهزاء

لا انفعال

=================

اكمل تالي

عشان كويتي لايعه كبده لايقول بوستاتك يا كلمه يا بالمتر

:)

قريبا

لحد يزعل

:)