يعني
افهم ان السينما تقص اجزاء مخلة من الفيلم
افهم انها تقص مقاطع تحس ان فيها طوالة وممكن تقلل عدد عروضهم اليومية وبالتالي مدخولهم
افهم ان سعر التذكره مايتناسب ابدا مع جودة عروضهم وافلامهم
وان زيادة سعر التذكره يتناسب عكسيا مع خدماتهم
افهم ان سعر كافتيريتهم اغلى من الغالي
وافهم ان ماكينة الكروت اللي يسمونها ذكيه اغبى من الغبيه وكله معلقه وتأخرك اكثر من حجر الشباك
لا وساعات المكينة تحرق كرتك من كيفها
وتعال جدد الا الفيلم طافك
المهم مالكم بالطويله
وافهم ان بعض ربعنا اللي يشتغلون بالسينما يعاملونك جنك ياي تطر منهم ماجنك داش بفلوسك وزياده
وافهم ان في افلام نازله السنه اللي طافت
وافهم ان اغلب افلامهم بايخه وماخذه 6 بالكثير من 10 بتقييم السايتات العالميه
افهم وافهم وافهم
اللي ما افهمه - غير ان لاجيء عاطفي رئيسهم مادري كان رئيسهم او شي جذي وياهم
2.9 من عشره؟9
COME ON!!
2007?عسى بس ماينزلون رامبو الاسبوع الياي
:(((((((
لووول
ReplyDeleteتصدق الأسبوع اللي طاف تشجعنا أنا ويانغ نروح السينما من شفناك تروح
قمت بطلت السايت
شفت هالفيلم وفيلم ثاني أقدم منه
جان نهون
لووول
إذا أنت تفهم اللي ذكرته
أنا لا فاهمة ولا أبي أفهم
ماكو سبب والله
لو ياخذون واحد من الشباب لا خبرة ولا غيرها بس هوايته أفلام ينجح أكثر منهم
كم مرة قلتلك اتركهم عنك, ما سمعت الكلام!!!!
ReplyDeleteتقول ماكو مكان تروحله ؟؟؟
تسوى عليك والا باكر رايح تشوف فيلم رامبو :))))
انا اقول بطل سينما واشرب زقاير احسن :))
تحياتي
لازم تطلع شركة يديده عشان تنافسهم... يخرب بيت الاحتكار
ReplyDeleteبس ترى الظليمة شينه يعني مو مقصرين بالافلام اليديده
عندك
Angels and Demons
شفته؟؟ أبي رايك لأن يعجبني ذوقك بالأفلام.. فيلم راسل كرو حلو؟
من زمان ما رحت السينما
و شدعوه بلندن و لا باريس افلامهم يديده!!! أغلبها قديمة
loool
ReplyDeleteعرزاله
اللاجئ العاطفي مشغول يكرم حليمة بولند عشرتعش مرة بالسنه
ويفتتح مليون معرض باسبوع
ماهو فاضي يشوف الافلام اليديده
بعدين شنو اللي يميز الكويت وسينما الكويت؟
وايد اشيا ما تنفهم
:Pp~
هو يصير ناخذ حقنا بالقانون و نرفع قضية دام الأدلة واضحة؟
ReplyDeleteواحد محامي لو سمحت
و واحد قاضي يحب الأفلام
والله قاعد لهم قعده يالحبيب من زود القهر
ReplyDeleteيا سيدي دافع انت 3 دنانير على فلم خرة مدته ساعتين و نص (150 دقيقة)و تروح الفلم و لا الكتلة البصرية الي بقت و حطوها لك مدتها ساعة و ربع يعني مطيرين لك نص الفلم... ليش ما ادري هل اهم مستخدمين مقص يهال بو وردة و لا شنو مو عارف
ReplyDeleteودي اعرف منو الي ينقي الافلام؟
عرفنا منو ينقي الافلام
ReplyDeleteالضفدع كامل
شخصيا طلعت حرتي بالسينما لما كنت بأمريكا شحليلاتهم والله اهم شي تقعد مكان ما تبي وفلم مو مقطوع منه ولا نتفهوماكو استهبال شباب نظام قوووووويه وياااااااو ومادري شنو وماكو أصوات بجي بيبيات اعمارهم سنه ونص وماكو فيران تدابج تحت ريولك وماكو خياس ريحة أكل بيرجر كينج والا زيت وزعتر وتوابعهم وماكو حجاب بو عماره جدامك ما يخليك تشوف وماكو قرقه جانبيه وماكو هندي يوترك يحوس وراك اهو ولايته وماكو صوت وحده طقاقه تطق علج طول الفلم وماكو اثنين مواعدين قاعدين جدامك ويعطونك فلم ثاني غير الفلم الموجود وآخرتها يسوي شي اهيا ماتبيه وتهده وتمشي ويلحقها يراضيها ويردون حد امه راح عليك الفلمين :\
ReplyDeleteعشان كل الأسباب السابقـه المفروض محد يلومني لما اطلع اول ربع ساعه بالكويت والصج الصج ان صارلي اكثر من سنه مادخلت السينما ولا لي نيه :)
وربي سينما فاشله
ReplyDeleteماكو غير نسوي عليها حمله مقاطعه يمكن يحسون
حتى بمصر في اكثر من شركه ومنافسه على عرض الافلام وتقديم الخدمات
دامها بالساحه بروحها .. ماراح نشوف منها شي طيب
المقاطعه اهو الحل .. اشرايك ؟
:)
ماكو الا حل واحد
ReplyDeleteسلط ضوء الداتا شو على اي طوفه تبي
ماعندكم اطوف حطلك رواق واعرض الفيلم الي تبي طبعا بعد ماتنزله من النت
وخل صبيكم يقعد عند الباب يقطع تذاكر حق الفريج
نفس سينمات قبل
وفك روحك
اخوي حددّ ماعليك امر
ReplyDeleteأي رامبو فيهم ؟ الاول ولا الثاني ؟ علشان نكون على بينة
ضرب الميت حرام وانا غاسل ايدي منهم من زمان
ReplyDeleteترى طرشت البوست حق مديرة التسويق في شركة السينما
ReplyDeleteمدام
ReplyDeleteمو شسوي شسوي شسوي
ماكو شي بهالديره ننتحر يعني
:|
يانغ
ReplyDeleteشربت وشربت وولعت بنفسي
ماكو شي ينفع مع هالعقليات
بربل
ReplyDeleteالفلم حلو
ولو انه مايتقارن مع الكتاب
حاله حال دافنشي كود
وعلى طاري سينمات بره
مليون شركه تلقين الزين والشين
هني شركه وحده وشينه
استكانه
ReplyDeleteDONT GET ME STARTED!
ديمه
ReplyDeleteوواحد متهم يألف باختيار الافلام
اهو فلم اصلا
معمعه
ReplyDeleteالفاضي يعمل قاضي يابعدي
اكزومبي
ReplyDeleteكلمهم ياحبيبي شوفلك صرفه
فايز على شنو ماتقولي
هااا
كويت
ReplyDeleteاييييييييي ذكرتيني نسيت اتكلم عن الاشكال اللي بالسينما!!
رحت فلم الرحلة الى مكه مالت اي ماكس
من كثر اليهال اللي يبجون حسيت اني رايح الرحله الى الحضانه
بلوقر
ReplyDeleteالقاعده تقول
طالما في مستهلك غبي
يدفع ولايدري
لأن فلوسه يايته بالساهل
ففي مستثمر يتلقى هالاشكال
قاطعته حاربته ماهمه
فرانكم
ReplyDeleteخوش جول ذاك اليوم ها؟
زيدون
ReplyDeleteتعليقك الاولي يصلح حق كل شي بالكويت
او تدري
يصلح للكويت بكبرها
بس ياخوي عسى مديرتهم موديرن
يعني تضبطنا بتذاكر شي تراضينا
والا اذا طلعت من النوع العربي لا بالله رحنا فيها صوري بكل مكان ممنوع ادشه
كااااااااااااااااك
ReplyDeleteلاجيء عاطفي
:)
انا بطلت ارووح سينما
دق على راجو يجييك اهو و جنطته و اجدد الافلام عنده بنص دينار
وان شريت زباده عطاك فلمين اب بلاش
لا و مترجم بعد
لا و مووووو مقطع بعد
كات
ReplyDeleteادري وربي ادري
انا رئيسهم اصلا
بس ابي اطلع اغير جو
وين اروح
دوانيه سينما شغل
الوضع انتحااار
هذاك اليوم منزلين فلم قدييييييييييم نازل من 3 سنيين
ReplyDeleteاللي قمت افرك عيوني اقول أخاف هذا فيلم جزء ثاني و انا مادري؟!؟
و مو من حلاته فيلم دايخ حالته بالويل
بس مايخالف على الأقل عندنا سينما، الحمد لله على كل حال
danderma
ReplyDeleteاخيرا واحد يوافقني على نقطتي
السينما بالكويت أخس من هالوضع عندهم عرزالة ، عادي عادي ..
ReplyDeleteأنا واحد شيّبت من السينما ينزلون فلم 2006 في نص 2008 !
يحطون فلم تقييمه 1 و 2 وأخس من جذي عادي ، ويقطعون حوارات لأجل الوقت !
يعني سوالف غباء لآخر درجة ممكنة!
الرابيدشير وإقطع :)
ههههههه صح لسانك
ReplyDeleteو هم نروح ما ادري ليش
hussain
ReplyDeleteيامعود عطنا انفتيشن خل نسجل فيه!
choch
ReplyDeleteلأن ماكو شغل!
هاهاهاهااا...
ReplyDeleteوالله فشله! انزين ليش جذي؟ طق مطاقق على الافلام الزينة اذا مقحطين بس زيدو العروض مالت الافلام الزينة عالاقل مو جذي...
بس تدري... شكله هذا طالعلهم مجانا وحطوا :)
انا اقول اذا جذي... سوا اعادة عرض حق الافلام الي صارلها جم سنه والناس ليلحين صج تبيها... اي شي بس مو جذي!