شرم الشيخ 2/2

بسم الله الرحمن الرحيم

سيداتي آنساتي سادتي

ننطلق معكم في الجزء الثاني من رحلتنا الميمونه الى شرم الشيخ

ونبدأ حفلنا الكريم بعرض صورتين مهمتين لرحلة راس محمد مادري شلون سقطوا سهوا

هذا ممر صخري ونهاية كهف تحت الماي

على عمق 30 متر

منظر رهيب الصراحه وهذي سلحفة كتكوته

كبر راس مصورنا

بس ماشيه بحال سبيلها ماسوت شي

=======================
رحلة ثستل قورم

بصراحه من امتع الغوصات اللي غصتها بحياتي

هذي سفينه اسمها

Thistlegorm

حسب كلام الكابتن

في سنة 1941

سفينة بريطانيه كانت محمله بالسلاح والدبابات والمدافع والسيارات والسياكل والقطارات

يايه كمساندة للقوات الانجليزيه اللي كانت تحارب القوات الالمانيه

ولأن الالمان كانوا مسيطرين على قناة السويس فاضطر قبطان السفينة ان ايي البحر الاحمر من تحت

لف افريقيا كلها

المهم

وصل قريب الغردقة ووقف بمكان المايه فيه ضحلة نوعا ما على سفينه بهالحجم

وقعد ينطر الاوامر

مادري شلون الالمان استخبروا

ودزوا طيارتين

واقصف لاتقصف

واهم الانجليز عندهم مضاد طائرات هم ماقصروا فيهم

المراد

طياره طاحت والسفينه غرقت

كان فيها 39 شخص

ماتوا 9

ثمانيه من القصف

وواحد من اسماك القرش

يا وييييله

المهم

وتمت السالفه خشاشي لي بداية الثمانينات

في غواص محترف غوص سفن طبعانه

حدد موقع السفينه بالسر وراح لها بروحه

مينون وربي

Solo diver

محد وياه

نزل

اخذ جرس القبطان كاثبات انه لاقي السفينه اول واحد

ورد بيتهم

بس الريال مات

وماقال لحد

المهم

في بداية التسعينات في صيادين مصريين

كل مايقطون خيوطهم تشير

خلاص حبيبي مو الحيشان

المهم

نزلوا يشوفون شالسالفه والا هالسفينه اللي محد كان قادر يلقاها

يعني بالصدفه البحته

وتوهم يايين مستانسين بالاكتشاف جان تطلع مرتك انت يالغواص النحيس

وتقول لا يبا من قال

ريلي اول واحد لقاها والدليل هالجرس

وبس عاد صارت مزار

الحين قبل لا اكمل جيكوا قصتها الصجيه غير المحرفة من ويكيبيديا

لوول كلش ماحرف الكابتن

المهم

الشغله الاستثنائيه فيها انها بعيده

فوق الساعتين من شرم الشيخ

يعني مو كل يوم يطلعون لها

لازم كذا قروب وكل جم يوم

لأن مثل ما قلت لكم بعيده وتقريبا وصلنا الغردقه نشوف سواحلها

وبعدين يبيلها واحد غواص

احم يعني انا

لأن صج تيارات قويه تحت

حتى ننزل لها بحبل

ينزل واحد محترف قبل الكل ويربط حبل على مقدمة السفينه والكل ينزل واهو ماسك هالحبل بالنزله والصعده

بس حسافه ماكنا نقدر نوصل لموقع الطياره الطبعانه لأنها بعيده وعميقه حيل

هذي السفينه اول ماطلعت من بريطانيا

هذي محتويات السفينه
اضغط على الصوره لمشاهدة التفاصيل


مقدمة السفينه
اووووه
سمكة الايل!9
شقولكمشوفوا هذي اهي
جنها حية
Moray Eel


مدخل العنابر

من داخل فيها 3 عنابر

كل عنبر في شي

عنبر فيه الذخيره الحية اللي ماستعملت

وعنبر فيه السياكل

وعنبر فيه السيارات

هذي مشروع دبابه

كان في دبابتين وقاطرتين على سطح السفينه

للاسف ماقدرت اصور القطارات

الذخيره

العنابر من داخل

المشكله كنا نمشي باماكن ضيييييجه

باليالله تمر منها سيارات فورد
سياكل
طلعتنا من العنابر
الكابتن مودينا لكبينة قبطان السفينه

====================

البحر

هذي صور متفرقه لبحرهم

لاحظوا الوان قوز القزح سبحان الله على الماي

ماودكم تطبون؟ :)))

جبل الطور اللي الله كلم فيه سيدنا موسى عليه السلام

حمامات سباحه بنص البحر

=====================

رحلة السوق القديم

ماشالله عليهم سوق قديم

لما رحتله تأكدت ان اللي فجروه مو ارهابيين

ولا الوم اللي فجروه

لوما الوفيات والمصابين جان انا فجرته

المفروض يسمونه السوق الغثيث

ياملقهم

وياكرههم

طراره على استخفاف دم على شقولكم

كف كف

هني بالله من فضلك يكون رايحين مطعم اسمه

مطعم المصريين

يكون اقوى مطعم اكل مصري بشرم

سللللللللللللللللم حبيبي سلم

ابو الفشل

لا ورفيجي يقول للجرسون ابي شطه

يابلنياها بصحن ومن صجه يقول

خلوا بالكم دي شطه مش مربى

امش ياحبيبي شايفنا الجيش الشعبي شنو

طاعوا المنيو

لا وطايحين من عينه بعد ويا ويهه اهو ومنيوه

وبببببسسسسسسسسسسس

خلصت

وملصت

ويت الديايه وعنفصصصصصصصصصت

:)))))