Monday, July 27, 2009

مقتطفات

اللي حطوا خبر انتحاره بالراي
متأكدين انه انتحر؟9
خلصت التحقيقات؟9
واذا متأكدين مو حرام يحطون اسمه؟ شذنب اي عايلة تتشوه سمعتها؟9
ولو كان الشخص هذا من عائلة او قبيلة اخرى هل كانت الراي راح تتجرأ وتحط الخبر؟9

====================

مسلم البراك
مؤسس ثقافة التأزيم والمشاكل في العمل السياسي
ماعمره اقترح او شرع
بس يمارس الدور الرقابي
وجان زين دور كامل
منقوص وانتقائي
شرار ماقال عنه شي ولاكلمه
العليم سنين وزير ولا حتى حط عينه بعينه
الحين يوم صارت الوزاره للعبدالله طلعت الفضايح
وينك ساكت عنها من زمان؟9

==========================

صالح القلاب
كاتب في الصفحه الاخيره لجريدة الجريده
كتب امس مقالة وصف فيها الملك حسين بن طلال بانه الراحل الكبير
ومدح
انزين هذا مو كان ضد الكويت بالغزو؟9
السؤال لو المقاله هذي بجريده ثانيه والا لو اللي كاتبها سين او جيم من اللي خبري خبركم جان مرت مرور الكرام من اللي خبري خبركم؟9

==========================

عبداللطيف الدعيج
يستغرب الهجمه الشمولية عليه
ويبا تقصوا الحقائق انا ماقصدتكم كلكم
الله
الحين صار التقصي والتدبر والتأمل
الحين صار احقاق الحق
وينكم يوم انكم انت وربعك زرعتوا هالاطباع بالناس
طبع التعميم في القذف
وطبع الرصاصة اللي ماتصيبك تدوشك
تقرون نص الحقائق او ماتقرون كلش
اي مستمسك على اللي ضدكم تاكلونه بلحمه ويلده
يوم انقلب السالفه وصارت عليكم
صار الطبع مو حلو


وبس


24 comments:

  1. nanonanoJuly 27, 2009 at 12:47 AM

    أنا ما أقدر أقول إلا

    حسبي الله و نعم الوكيل في قناة الراي

    ReplyDelete
  2. AnonymousJuly 27, 2009 at 12:53 AM

    مقتطفات
    تثير التعجب .. وعلامات العجب

    بالنسبة للخبر
    انا استغربت الصراحة
    مو بشارة ترى ..ومثل هالمواضيع
    مو سهله تتداول .. بين الاخبار
    و المدونات و الايميلات
    وحتى بمسجات التوت الاسود
    blackberry
    استغربت .. تخيل ولد خالتي حيل صغي
    مسويلي الخبر
    forword
    قعدت افكر ..لي هالدرجة وصلت فينا الشماتة ..و لا بلاغة شف

    هل هذا صار طبع الكويتيين

    ReplyDelete
  3. كويــتي لايــعه كبــدهJuly 27, 2009 at 2:10 AM

    الخبر منقول من برا الكويت وداخلها من الراي وغير الراي. خبر الفضيحة قبل الانتحار

    والبراك محد عنده عليه شيء الا سالفة شرار سيء الذكر؟
    وليش يركز البعض على شخص البراك بدلا من افعاله؟ لو كانت من غيره لكانت مقبوله؟

    والدعيج خذا ردود اكثر اللازم

    ReplyDelete
  4. الخيلاءJuly 27, 2009 at 2:29 AM

    قناه الراي سباقه بنشر مثل هالاخبار
    مايراعون انه هذي سمعت ناس

    ReplyDelete
  5. someone_q8July 27, 2009 at 7:40 AM

    السلام عليكم
    مقيولة ياخوي كل من يغني على ليلاه

    وكل ماتشوف لوية اعرف ان وراها مصيبة الله العالم فيها

    ReplyDelete
  6. JooJ o MaJooJJuly 27, 2009 at 9:01 AM

    و الله مادري اشقاعد إصير شيئ اقمت :(

    ReplyDelete
  7. YangJuly 27, 2009 at 4:42 PM

    مشكلة حرية الصحافة انها على ناس وناس.

    اما مسلم البراك فمخلص معاملات من الدرجة الاولى في جميع الوزارات, شنو معناة هذا ؟؟؟؟


    تحياتي

    ReplyDelete
  8. C'est La VieJuly 27, 2009 at 5:53 PM

    ايي والله وانت الصاج
    لا وحاطين اسم البريكان كامل وحاطين صورة بيتهم
    عشان اللي ما يدري يدري
    لا حول ولا قوة الا بالله
    الله يصبر اهله :(

    ReplyDelete
  9. سيدة التنبيبJuly 27, 2009 at 10:21 PM

    معك في كل كلمة

    ReplyDelete
  10. The SimperJuly 27, 2009 at 11:06 PM

    أول شي،، الله يكتبله الرحمة ان شاء الله و لأهله الصبر

    ثاني شي، أنا ما أشوف ان نقل خبر مثل هذا في وسائل الاعلام و الصحافة فيه أي شي من تشويه سمعة المرحوم. على الاقل انهم يذكرون اللي صار و للناس انهم يقرون و يعرفون شنو اللي صار بدل ما كل من يألف و يلف ويدور على اللي صار و تطلع ألف سالفة ثانية.

    اللي ودي أقوله ان تشويه السمعة إيي من الناس و مو من نشر خبر بطريقة مهنية بدون أي نقص لشخص المتوفي.

    ReplyDelete
  11. العرزالــــــهJuly 28, 2009 at 8:01 PM

    نانو

    كما تدين تدان

    ReplyDelete
  12. العرزالــــــهJuly 28, 2009 at 8:01 PM

    النور

    ولا منها فايده هالاخبار والله

    ReplyDelete
  13. العرزالــــــهJuly 28, 2009 at 8:05 PM

    كويتي

    نقل الخبر في اكثر من مكان لايغفر لمن نقله

    البراك انا عندي عليه اشياء مو شي واحد

    وبالتركيز على افعاله خذ عندك

    سالفة شرار

    سالفة العليم مابطل حلجه وياه

    اصلا ماعمره كلم وزير بدوي من الاخر

    بعدين انت تعرفني زين مو نوعي لو غيره ماغيره..اهو والا غيره اللي اشوفه صح اقوله واكتبه

    ReplyDelete
  14. العرزالــــــهJuly 28, 2009 at 8:05 PM

    الخيلاء

    السبق الصحفي مايكون بهالطريقة

    ReplyDelete
  15. العرزالــــــهJuly 28, 2009 at 8:05 PM

    سمون

    بس حرام والله حرام

    ReplyDelete
  16. العرزالــــــهJuly 28, 2009 at 8:06 PM

    جوج

    زمن اقشر

    ReplyDelete
  17. العرزالــــــهJuly 28, 2009 at 8:06 PM

    يانغ

    مسلم ينطبق عليه

    ابوي مايقدر الا على امي

    ReplyDelete
  18. العرزالــــــهJuly 28, 2009 at 8:06 PM

    سست

    وربي حرام

    وكما تدين تدان

    ReplyDelete
  19. العرزالــــــهJuly 28, 2009 at 8:07 PM

    سيده

    مع الحق انشالله

    ReplyDelete
  20. العرزالــــــهJuly 28, 2009 at 8:09 PM

    سمبر

    والناس شكو اصلا بهالخبر

    لايكون رئيس دوله والا شخص بيأثر على كل واحد فينا

    الله يرحمه راح يحاله عاد شلون راح مالنا شغل

    بعدين نعم يشوه سمعته

    لأن يمكن الريال ما انتحر والتحقيقات ليلحين ماطلعت

    ثانيا

    احنا بمجتمع عربي وكويتي وعارفين اطباعنا

    الخبر هذا يؤثر حتى على اهله وسمعتهم

    واذا انا وياك مانفكر جذي فالف واحد غيرنا يفكر بهالطريقه

    ReplyDelete
  21. bent el deeraJuly 29, 2009 at 1:52 PM

    صح لسانك

    ReplyDelete
  22. الأستاذ مزيكاJuly 29, 2009 at 4:09 PM

    الراي تفضح كل شي عادي متبعيين سياسةالباب المخلوع عند النجار
    بالنسبة لبروك مااعتقد قضايا الداو كيميكال والمصفاة الرابعة اللي وقف ضدها مع التكتل الشعبي في عهد الوزير العليم والغيت بالكامل ماادري ياخوي اعتقد انه نظيف اليد ولا جان الكل شرشحه واعتقد انه افضل الموجديين واصلا الحكومة خلتنا نصدق ثقافة التأزيم واحد يبي يستجوب خلوه على كيفة ليش البلد تنقسم وتوقف على كف عفريت الا الان للحين ماتدمقرطنا
    الكلمة الاخيرة من فضائل المدرسيين المصريين وآثارهم على المدى البعيد
    بديت اميل واحب ثقافة الازعاج نبي noise = no sleeping
    وحنا العرب الا الان نايميين ومكبريين المخده والله لايغير علينا

    ReplyDelete
  23. العرزالــــــهJuly 30, 2009 at 5:29 PM

    bent

    صح بدنج

    :)

    ReplyDelete
  24. العرزالــــــهJuly 30, 2009 at 5:30 PM

    الوسمي

    وجهة نظر تستحق التأمل والاحترام

    :)

    ReplyDelete

إنت شرايك؟