Sunday, July 27, 2008

تــــــــــــــال

اول شي لازم اقولكم
انا معدتي ابو الحساسيه
وراثه
عادي ادش مكان اكل فيه ويا خمسه من ربعي
وانا الوحيد اللي اتسمم
او ان معدتي ماتتقبل الاكل ويحوشني تلبك معوي
المهم
فالمطاعم الهنديه ويا بهاراتهم تقتلني
واشاز اولهم
كليت فيه مره وذبحني واكست عليه
المهم اليوم قالولي عن مطعم قوي وقلت بغامر
اسمه
تــــــــــــــــــال
مكانه صوب شيك مادري بالم
ذيج الاماكن اللي بالبدع
يم ساراي
والصراحه مطعم قوي
وما عور بطني
الاكل فيه ذباح
والخدمه مو صج
قمة قمة قمة في الادب
ورخيص مقارنة بغيره
او يعني سعره زين

بالزاويه على اليسار

من بره

من داخل خوش ديكور
وايد حلو وراقي والمطعم مجكنم
لابج
القعده حلوه
اعتقد شكة مضاعد
ملوت الهنود
البرياني
برياني اللحم
خيال
مو صج
كتبت لهم نوته قبل ما اطلع
This Beryani was cooked in HEAVEN
ان البرياني مطبوخ بالجنه
وان ديكوركم حلو ووايد مؤدبين
تدرون شصار فيهم
المدير واللي لابسه بدلة عند الباب يوني ويتشكرون على اللي كتبته
مابقى احد ما استانس
بس طبعا دفعت الفاتوره
:)

44 comments:

Anonymous said...

انا رحت له مرتين وبكل مره عطوني مضاعد مالت الهنود :D
والقعده خياليه والأكل بعد خيال مره قعدنا فوق وكنا كوده شكثرنا فلجينا المكان قرقه وضحك وصراخه وزين منهم متحملينا كنا 17 وحده وكلنا عطونا مضاعد عرزاله أنصحك بالجاي الأخضر عندهم بعد الأكل جوو ثاني شكله بس يفتح النفس

kuwaitawy said...

هههههههههههه


عوافي انشاءلله

Anonymous said...

عوافي

مغل محل خووش مطعم
واذا معدتك حساسة ممكن تطلب يخففون البهارات

Anonymous said...

عوافي انشاءالله
شكلي بغامر واجربه

molok said...

بالعافية ..
المطعم مثل ماقلت ديكوره وايد حلو والخدمه حدها زينه .. بس أستغرب انك تقول انه احلى من آشاز .. اعتقد آشاز يفوقه بمراحل ..

عموما لعشاق الاكل الهندي كراون بلازا عندهم بوفية هندي كل احد .. أكل وتمتع :)

موفق

JooJ o MaJooJ said...

أييي سراي لذيذ ألذ من أشاز معنه نفس المالك...بس عاد الله يهداء هندي ابهل قييظ هذا ولا يتهظم باسبوع لووول روح البدع إذا صار الجو حلو او برد عجيبة القعدة هناك
اووو عوافي
جووج

enter-q8 said...

تهقى يبيله
عاد اعزوبي هالايام

بس فيني طبع ما احب اروح هالمطاعم بروحي
بشوف بو طارق
مع ان بيته ما يخلونه يتغدى بره
ياللا خلينا نسويله مشكله
و هم بالمرة
ارش عليه عطر نسائي
علشان يتم يروح وياي فترة هالعزوبية
و بعدين يتصرف

nanonano said...

عليك بالعافيه...كلامك صحيح...أنا ما أحب المطبخ الهندي عموما...بهاراته وايد قويه...بس تال جرّبته كان معقول جدا...حق وحده تكره المطاعم الهنديه...هذا كان أحسنهم

العرزالــــــه said...

غير معرف

ماشي اطلب الجاي الاخضر

بس ويا ويوههم كاتبلهم ورقه ويعني كلش

ماعطوني ولا مضاعد!

العرزالــــــه said...

كويتاوي

الله يعافيك

:)

العرزالــــــه said...

محسد

الله يعافيك حبيبي

مغل محل زين وفي وايد مطاعم حلوه

تدري شالمشكله

لما اقولهم مابي فلفل او شوي بهارات

يطلع حااار!

طلع عندهم اللي بفلفل نار واللي بدون نار بس اقل

تعريفهم للفلفل والحروره غير عنا

ياعمي اذا الايس كريم في الهند يحطون معاه فلفل

العرزالــــــه said...

غير معرف

الله يعافيك..جربه وماراح تندم :)

العرزالــــــه said...

ملوك

مو احلى من اشاز

بس اشاز مادري شلون مره كليت وكان حار وخلاص كرهته

بس بشوف مال الكراون بلازا بس عسى مو بهارات ولويه واتأزم عقبه

العرزالــــــه said...

جووج

سراي لبناني والا شنو؟

عاد عمري ماجربته

مع اني محب وعاشق للمطاعم

احب البربسه

:)

العرزالــــــه said...

بو وليد

عاد ها

موتروحون بروحكم!

هالله هالله بالعزيمه

العرزالــــــه said...

نانونانو

الله يعافيج :)

ايي لاحظتي ان اخف بهارات ملوته وخفيف على المعده

JooJ o MaJooJ said...

la sorry i mean tal..sarii mo zood

nanonano said...

طبعا لاحظت...هذا اللي خلاني أتقبله...خبرك الحين بحكم السن...المعده ما تستحمل تاكل كل شي
;)

Anonymous said...

حفنة حبه حلو هع كل وجبه لمدة ثلاث أيام

وماراح تشتكي من بطنك طول العمر

وادعيلي


(:

Mohammad Al-Yousifi said...

صج انك قديم

انا هم حاشتني نفس العملية مع آشز و قطعته فترة و لكني الآن عدت له و بقوة

ممتاز آشز و ممتاز تال و ممتاز مغل محل

ملاحظة

تال هو النسخة الكشخة من مطعم دعوات الاسطوري

Blog 3amty said...

عليك بالعافية :)

Eng_Q8 said...

صاير دليل سياحي هالايام

العرزالــــــه said...

جوج وماجوج

اي انا اقول

:)

العرزالــــــه said...

نانونانو

الله يعطيج الصحه وطولة العمر

:)

العرزالــــــه said...

مدو معتزل

حفنة حبة حلو؟

مافهمت

:)

العرزالــــــه said...

مطقوق

خلاص نخلي عشا باجر من شاز

العرزالــــــه said...

بلوق عمتي

الله عافيك حبيبي :)

العرزالــــــه said...

مهندسنا

ترا ليلحين ماحطيت عن رحلة الهاجن داز

:)

كويــتي لايــعه كبــده said...

انا اموت بالاكل الهندي
واذا تبي أفضل أكل هندي بالكويت... روح دعوات.
خذ النصيحه من متخصص
اروح لهم من 92 وحتى الستاف يعرفوني

ذكرتني ما رحت صار لي فتره... يبيله

بس هذا ما جربته

بروح له وبقول لهم زيارتي بسبب دعاية من مدونة العرزالة

خل يشوفون فوائد المدونات المختلفة

نغزه للحكومه

العرزالــــــه said...

كويتي لايعه كبده

انا مار علي هالمطعم..دعوات

وين صاير؟

لايكون اللي بدسمان؟

Anonymous said...

مجهوله
ماعطوج طوق بعد ويا المضاعد؟
حشا داشه سوق المعلم مو مطعم

كويــتي لايــعه كبــده said...

عند الفارة الأمريكية قبل
وانت جاي من طريق الفحيحيل-الاستقلال تاخذ يمين عند سفير بستكي كأنك بتروح لفندق السفير تاخذ فوق تحت ويكون آخر شيء على اليمين قبل لا توصل النفق.
له صعده واسم العمارات ابراج البشر والكاظمي

مكانه وديكوره متواضع لكن الأكل لا يعلى عليه

عوافي مقدما

كويــتي لايــعه كبــده said...

الفاره = السفاره

:)

mo3ath said...

بالعافيه عليك

ماجربته بس أشاز كان روعه وشكلي بروحه وبعدين بدور على مطعمك

خدامتنا مسافره مشتاق حق الاكل الهندي لوووول شكو خدامتنا مو هنديه عادي مشها :)

Sky Is Falling said...

bel3afyaa
7dee bjrbah.. abe m'9aa3ed :p

العرزالــــــه said...

كويتي لايعه كبده

اي اظن عرفته وماكل فيه بس من سنيييين

تسلم حبيبي :)

العرزالــــــه said...

معاذ

لوول

عليك بالعافيه مقدما

:)

العرزالــــــه said...

Sky is falling

الله يعافيج اي والله عجيب

بس ها

انا مو مسؤول الا عن البرياني

:)

حلم جميل بوطن أفضل said...

خوش مطعم بس آشاز يبقى أفضل

العيب في بطنك يا حلو

قيصر اللي ورا الشيراتون ،، فيه كباين بعد !!

Eng_Q8 said...

عاد هذي سالفتها سالفه :p

العرزالــــــه said...

حلم جميل

ويــــــــــه

انا قلت لحد اييب طاري قيصر

شخباري

مع ان من جم شهر ماكل فيه ليلحين محتفظ بخصوصيته :)

بس على ماقلت العله ابطني وانا ادري والله

:)

العرزالــــــه said...

مهندسنا

اففف

ههههههه

بس عاد لحد ينسى الحساب مرت اللوخ

لووول

LonDonY said...

الف عافيييه دووك

مرة طلبت ربيان+مشروم سوس
تدري شنو >> خيــــــ؟؟؟ــــال
كنت انا مع
>>
"لو حنا سافرنا الشوق يرجعنا"

المهم جرب وقولي

:)

العرزالــــــه said...

لندني

شغل عـــــــــــدل