Tuesday, July 22, 2008

Sharm 1/3

بداية
نبارك للأخ
7aMaDeNoo
فوزه بمسابقة
Soundtracks
أهو الوحيد اللي يابهم كلهم
ويابهم كلهم صح
1- M.I.
2- Bad Boys
3- Dangerous Minds
4- desperado
5-pulp fiction
6-daredevil
7-star wars
8-Gladiator
9-indiana jones
10-007
11-braveheart
12-the godfather
13-superman
14-The Matrix
والجائزه
طب وتخير
:)
================
تقع في جنوب سيناء
واحده من 4 مناطق رئيسية تطل على خليج العقبه
باقي المناطق هي دهب والنويبع وطابا
وشرم الشيخ نفسها فيها 5 مناطق
نعمة باي وراس نصراني والنبق وأم سيد وشرم الميه
طبعا أشهر منطقه هي نعمه باي وفيها كل اللويه


أول ماوصلنا تفاجأت بالمسجات اللي تييني من سفارات الكويت بكل الدول المحيطه بشرم
سفارة الكويت ترحب بك في المملكه العربيه السعوديه
في لبنان
في قبرص
في تركيا
بس أقوى وحده كانت مالت كينيا
كينيا مره وحده!9
طبعا اللي يضحك بعد
مسجات من زين ترحب فيني بالكويت
أي كويت ياعمي
والمشكله الف مسج ياني يرحب فيني بالكويت
طول السفره

الشارع الرئيسي بنعمة باي

أحد الشوارع المتفرعه منه

Mexican Bar
مطعم وبار وديسكو وكل شي
طبعا عالشغله تنطبق على اغلب مطاعم شرم الشيخ
بس هذا اكله لذيذ
المنيو ماله نسخه من مال شيليز
بس وايد احلى
هذا بآخر الشارع الرئيسي بنعمة باي
بالليل يصير كله عروض ورقص فوق
فرايديز وهم فيه ديسكو
وكنتاكي وبيتزاهت وباسكن روبنز
لتل بودا
بار ومطعم وكل شي
هارد روك
بتاع كله
وفوقه مطعم أبو السيد
مطعم شعبي مصري
دلوني عليه جوج وماجوج
أول فندق في شرم
بنوه اليهود
على فكره اللي بدوا السياحه بشرم اهم اليهود قبل لايخلون سينا
بنوا هالفندق ووياه مدرسة تعليم الطبيعه ومركز انشطه وغوص

مطعم أبو السيد


شركسيه شموطي

بعد كله عدس
خلطه سريه شنو
لوحات داخل المطعم
إن جاعوا زنّوا
إن شبعوا غنوا
مطرح مايسري يمري

كل وفتح عينيك
أكله واتحسبت عليك

فرخه بين أربعه
مافيها منفعه

حمام وملوخيه
ووين الحمّام


السوق القديم

مباراة الأهلي والزمالك
الأهلي فاز
والجمهور مستانس
المطعم الإيطالي بفندق الفور سيزن

الجو كارت

المصري الوحيد اللي سألناه عن شغله وقال
معرفش
إي والله قالها
بدون بص وحضرتك وتأليف
معرفش وسكت

إحترس نفسك

منظر من الطياره
سبحان الله شلون الألوان من البرتقالي لين الكحلي


وبس نتابع بعدين

28 comments:

MO3ATH said...

واااو وناسه :)

اهم شي لوحات المطاعم فرخه بين اربعه لوووووول

بالعافيه عليك السفره والحمدلله ع السلامة

بانتظار الجزء الثاني :)

كويــتي لايــعه كبــده said...

عليك بالعافية السفرة

وخوش اجازه واستراحه


بس لو البوست بالمتر كان علوم!!!
:)
ء

joy said...

وااااااااااااااااااااااااااااااااااايييييييييييييييييييي
حدي حدي حدي استانست وكيّفت
ايونس بوستك
عليك بالعافية
اجازة سعيدة

ButterFlier said...

Gazra

kuwaitawy said...

العرزالة


تصدق عاد كنت ناطر بوستك هذا


اول شي حمدلله عالسلامة

وشكل الرحلة تونس والصور مرتبة ماشاءلله

الله يعطيك الف عافيه


لكن بوست رحلتي احلى من بوست رحلتك :))


بوست بوست

ما اكلمك عن الرحلة :)





تقبل مرووووووووووووري

7aMaDeNoo said...

hala halaaaaaa ,,, latgoli 6eb o takhayar tarani ma aste7i ;p

btw ana atabi3 ur blog akthar men sena ,, bas 3omri i never comment
bas lana a7eb el movies eb shakil khayali 3ashan chethi i commented 3ala ur last port ;p

ciao

Enter-Q8 said...

ممكن رقم المصري اللي قال معرفش
ببلغ عنه شكله يهودي من اللي ما اطلعوا من سيناء
اكيد عميل لهم
ماني مصدق مصري يقول معرفش

JooJ o MaJooJ said...

يهبلوووون الصور...
عليك بالعافيه..
اقول رحت المطعم اللي في
HILTON FAYROOZ؟؟
ترى وايد حلو


MaJooJ :)

JooJ o MaJooJ said...

أهلييييييين حمدالله علسلامة إشلون السفرة..شفت نيمو؟؟؟ أحس السفرة كلها ظحك يا ربي مصاروة خفطينا أنا اعيد بشرم شوقتني يبيلا أعيد الأمجاد :D
جوووج

nanonano said...

شكرا...أخيرا أحد برّد قلبي و وراني شرم...أنا خبري فيها سنة 93...و كنا ساكنين في فيروز هيلتون و هالمعاره كلها ما كانت موجوده

هذيان said...

حمد لله على السلامه

شلون شرم عسى ما أزعجوكم قوم بنو مصر

العرزالــــــه said...

معاذ

ان شاء الله

عاد انا سمعت كلامك وقسمتهم لأجزاء

:)

العرزالــــــه said...

كويتي لايعه كبده

الله يعافيك

لاتشوف البوستين اليايين عيل

تفصل فيهم دشداشه

:)

العرزالــــــه said...

جوي

الله يعافيج

ويعلج دوم مستانسه

:)

العرزالــــــه said...

بترفلاي

سلم حبيبي

العرزالــــــه said...

كويتاوي

مشكور حبيب قلبي

وبوستك شفته ماشاء الله شكلها الرحله روعه

عليك بالعافيه والله يحفظك

:)

العرزالــــــه said...

حمادينو

افا عليك

امر واشر :)

وعفيه عليك

كان في جم فلم محد عرفهم

وحياك الله بأي وقت

:)

العرزالــــــه said...

بو وليد

اي والله حتى انا استغربت منه

ماقدرت صورته على طول!

العرزالــــــه said...

ماجوج

مرينا يم الفندق

وايد حلو

بس ما امدانا نروح

شقينا شرم بالنص

ماكو مكان او شي مارحناه او سويناه

صرنا خبره فيها

العرزالــــــه said...

جوج

الله يسلمج

اي شفتها ولمستها بعد

يالله الله يسهل عليج وتسانسين

:)

العرزالــــــه said...

نانو نانو

حياج الله

وهلتون فيروز على حطته

بس وايد اشياء تغيرت وطلعت اشياء يديده

:)

العرزالــــــه said...

هذيان

الله يسلمج

لازم عاد ماتخلى

بس ماكو مقارنه مع باقي مناطق مصر

يعني ماكو ذاك النصب

ماكو طراره

ماكو احد يلحقك ويغصبك تشتري

شوي ارقى من الباجين

عليهم رقابه قويه

:)

أبــو بنــــدر said...

حمدالله على السلامه

Blog 3amty said...

:)

عليك بالعافية

العرزالــــــه said...

بو بندر

الله يسلمك

العرزالــــــه said...

بلوق عمتي

الله يعافيك :)

Om MoD said...

حمد الله على السلامة ..بصراحة ذكرتني بالذي مضى بس أحس إنها وايد تغيرت أنا رايحة تقريبا قبل 5 سنين :) بس معظم الرحلات هذي إهي بس عليك بالعافية :)

العرزالــــــه said...

om mod

الله يسلمج ياهلا والله

:)

الرحلات نفسها..بس تختلف اللويه اللي يسوونها اللي فيها ههههه

:)