أخيرا
نصل لآخر بوست عن شرم الشيخ
وهو عن الرحلات غير البحريه
طبعا هني آنا حاط 4 رحلات
لكن شرم فيها غير البحر والسوق والتمشي وهالرحلات
فيها رحلات وايد
الجمال والحصن
وجبل موسى واقدم دير في العالم
ووايد رحلات
===============
الرحلة الأولى: الأكوا بارك
طبعا في ثنتين
هذي بمنطقة الهضبه
والكليو بارك عند نعمه باي
ما رحتها بس يقولون ان هذي الاكوا بارك العاديه اللي انا رحتها احلى
وفيها فنادق تقدر تسكن فيها وكل يوم تدش الاكوا بارك وتاكل وتشرب ابلاش
وتبعد عن نعمه باي واللويه 5 دقايق
وأحلى مافيها انها نظيفه
ومافيها المايه الحلوه اللي عندنا بالاكوا بارك
فاهميني عاد
==============
الرحله الثانيه: رحلة البقيات
تطلع ساعتين صوب الجبال بالبقيات
تشرب جاي عند البدو
وتشوف الغروب من فوق الجبل
طبعا القروب 30 بقي
ولازم نمشي ورا بعض
الا الكويتيين مانعرف
كله طالعين من القروب ودايسين
القايد مالنا صار مينون واهو يلحقنا
بجيناه يقول اكيد انتم كوايته
مو لأن كل ما اسأل واحد عن الرحله هني يقولي عسى ما مشيت ورا القروب
ويطلع الكل مسو حركتنا
اي والله
يعاملك المصري جنك اول مره بحياتك تشوف هالمركبه
استراحه
احلى شاي على الفحم
الصعود للقمه
المنظر من فوق=====================
الرحله الثالثه: العشاء البدوي
رحلة بالسياره نص ساعه
نوصل مثل الوادي بين الجبال
من تغرب الشمس يشبو الشموع الموزعه على الجبال
شكلهم حلو
وبالنص قعده تسع 50 شخص واكثر شوي
عشا
وينزلون شيشه وجاي رايح راد
وعروض على المسرح جدامك
الجبل منور بالشموع
==========================
الرحله الرابعه: ألف ليله وليله
هم بالهضبه
خمس دقايق من نعمه باي
على فكره نعمه باي 10 دقايق من المطار
المهم
المهم
مكان كبير مثل القصر
يعتبر ملحق للأكوا بارك بس منفصل عنه
يعتبر ملحق للأكوا بارك بس منفصل عنه
وفيه اكثر من مكان يقيمون فيهم العروض
خيل وسحر ورقص و و و و
مثل مدخل المدينه الترفيهيه صح
عرض الخيولحركات يسوونها الخياله
يقلبون مادري شيسوون
قبلها طبعا عرض عن مصر
والليتات شابه طافيه عن التماثيل اللي جدامنا
من ابو الهول لين الفراعنه لين بنيانهم
خوش عرض حلو
واحلى مافي المسرح انه في الهواء الطلق
واللي يضحك كل ما المذيع يمدح مصر بالانجليزي
ويقول مصر اعظم بلد الله خلقها
الاجانب يضحكون
مسخره
وهذا يرقص الخيلبس حسافه حاول يخليها تويل ماصارت
وهذا المسرح الثاني نروحله عقب مانخلص الاول
عيز يرقص فوق راسي يبي بقشيش
وهذا المسرح الثاني نروحله عقب مانخلص الاولهم في الهواء الطلق
والحلو فيه ان دار ماداره مطاعم واسواق
تقعد بمكانك واييك العشا او الشيشه
واتطمش
عيز يرقص فوق راسي يبي بقشيشعمك اصمخ
وبس انتهينا بكلمتين
17 comments:
تمقلوا بهالمواضيع الثلاث ملوت شرم وبهالصور لين تقولون بس
حللوا التعب اللي تعبته وانا اصور صور لي ولربعي وصور لكم بروحكم مافيها احد
عاد مني لين يتحلل كل شي
جني قمت اقط خط وخيط
سلام عليكم
:)))
هههههه انا صراحه حللتها عدل
مارحت شرم الشيخ وابوي كل شوي يقول يابنت شرم الشيخ وانا ماكوو مابي دوله عربيه
فاستانست يوم شفت الصور ماله داعي اروح كافي علي هالشوفه
:p
يعطيك العافيه ماقصرت
واهم شي انت استانست :)
yen6eeeeeek el 3afyaa...ebtalasht fenaa :p la khoosh 9uwar khef6enna :** kel matmat 6al3 9uwar menne mennaaak khan shof :D
jooj
والله يعطيك العافيه
سفرتنا واحنا قاعدين بالحر والغبار
بالعافيه عليك السفره والبقيات
يبيله مخيم :p
بصراحة
يعطيك العافية
خوش شيء
بس احسن شيء الراقوص اللي طنشته وما عطيته بقشيش
انت تدري شنو بيشلخ الكوايته قراض وتسفل
بس هم زين سويت فيه :>
عاد الحين يبيلك إجازه بعد هالبوستات الطويله
:)
وين هالمره؟ نبويورك عند المصري اللي تعرفت عليه بالجزء الثاني؟
يعطيك العافيه
وتستاهل أحلى من هالسفره
نااايس
خوش رحله صراحه
سيليزيا
والله لو انا مكانج اروح وانا مغمض عيني
انا لفيت الدنيا وين ماتبين رحت
هذي من احلى الدول اللي زرتها الصراحه
يمكن ارد اروح بعد شهر
:)
جوج وماجوج
لا انا بس هذا حدي
باجي الصور مشفره
:p
معاذ
اي مخيم اي بطيخ
اليوم رحت ام المرادم
ضاق خلقي
وين بحر شرم ووين بحرنا
اخخخ بس لو انبادلهم
ولد الديره
جذي جذاك اهم عيايره
واحد يقولي انتم من السعوديه احس ناس
قتله لا ياباشا انا كويتي
قال وماله اجدع ناس
كويتي لايعه كبده
حبيب قلبي اي والله يبيلي اجازه ثانيه من التدوين هدوا حيلي الثلاث بوستات :))
سنعه
واذا رحتي بتستانسين اكثر على الطبيعه :)
هذا الي يفتر فوق راسك اكو منه عشرين مليون بمصر
عليك بالعافية ويعطيك العافية
فريج سعود
افف افف افف
بكل مكان
بالفندق بألف ليله وليله بالمطاعم بال بال
والله تنفع معد برامج اخوي العرزالة :) ما شاء الله خوش تغطية صراحة ... ان شاء الله تكون سويت ريفريش حق نفسك وتبدع لنا اكثر ...
مشكور عالتغطية :)
الدوانيه
حياك الله يالحبيب
:))
Post a Comment