واحد-صفر على البحرين؟9
مستانسين؟9
إليكم هذه الحقائق عن المباراة إذاً:9
هذا أول فوز لنا على البحرينيين من 8 سنين
نسبة الاستحواذ 71:29 لصالح البحرينيّين
كل 10 باصات للهجوم..1-2 اللي وصلوا صح
نواف الخالدي انقذ 3-5 اهداف محققه غير الهجمات الخطره
من متى ننطر الحكم يصفّر واحنا على اعصابنا مع البحرين؟ العاده مانبيه يصفر ونبي نستمتع بالعرض
ومن متى نطلع مسيرات عشان فزنا على البحرين؟9
من متى لاعبي الاحتياط وطاقم المنتخب ينطرون المباراة تخلص واهم واقفين وماسكين بعض وكأنها المباراة النهائية؟9
اسوأ لاعبين من المنتخب البحريني كانوا اللي يلعبون بالدوري الكويتي
وحقائق عن الكرة الكويتيه بشكل عام:9
من 98..من 10 سنين..من عقد كامل من الزمن..جيل كامل..ماحققنا ولابطوله ولاتأهلنا للتصفيات النهائية المؤهلة لكأس العالم..3 بطولات كاس عالم..و3 آسيوية..و5 بطولات خليجيه..غير البطولات العربية واللي مني مناك واللي ناسيهم..ماحققنا ولا شي يذكر منهم
لاعبين المنتخب يتحملون جزء كبير من تردي اوضاع الكره الكويتيه..ماكو روح قتاليه..يتحاشون اقل احتكاك باللعب جنه أنديتهم بالدوري الاسباني مادري الانجليزي تنطرهم يردون بالسلامة..واخيرا..مافي واحد منهم براطمه وردييّن! الكل بكس احمر وشيشه واللي تبيه! شلون بالله تييله اللياقه
الله يرحم ايام ماكان اللاعب الخليجي يفرح لا نقّوه يمثل منتخب بلاده عشان ينزل الملعب ويشوف جاسم وفيصل وفتحي
الله لايسامح اللي صفوا خلافاتهم على حسابنا وحساب فرحة هالمواطن الكويتي المسكين
أخيرا:9
اسمحولي..بس ماراح انسى قهر 10 سنين بحظ مباراة وحده
مشكور يا نواف الخالدي انك زرعت نص ابتسامة ذبلانه على ويوهنا
ويا محمد ابراهيم..تبجي عشان فزت على البحرين؟ لافزت على السعوديه شبتسوي..تطلع مسدس وترمي راسك؟9
62 comments:
اي وناااسة
لا تخرب علينا
:p
وان شاء الله الكاااس
لا تحبطنااا
:((
على راسي يا العرزالة
قلت اللي بقلبي
المستوى فااااشل
و الله يعافي مساعد ندى اللي شنصت وياه
جم هجمة ضاعت على البحرين بالحظ
الضغط كله بحريني و لعبهم وايد احسن منا
لو منزل علاء حبيل جان رحنا فيها
المستوى أي كلام و بالقوترة فزنا
انعرف الحقائق
بس فزنا والا ما فزنا ؟؟
اليونان خذوا كاس اوروبا ولا العبوا ولا بطيخ احلى دفاع ومرتدات
وبعدين ياخي خل الناس تفرح من متى والبحرين اتهزأنا
المهم راح ناخذه وبتشوف
لوووووووووووووووول
وانت ليش معصب ؟
عرزااااااااله
اهم شي انهم يابو قول
وفزنا
وانشالله الكاس
اقول اخوي
طايحه من عينك البحرين ؟
لاتصدق روحك وايد ولا تستانس بإنجازاتكم
تراها ذكرى والذكرى ما بتهديك بطوله ولا شي
يكفي ان ثمان سنين ما حققتو نصر علينا
ولولا الحظ جان صارت عشر سنين :)
اقول بوس يدك جدام و ورى لانها ما راح اتكرر
وخل اخواننا الكويتيين مستانسين ولا تنكد عليهم بفلسفتكم الزايده
الانيموس الي فوقي
ليش حظ ؟؟؟
ياخي اذا لاعبينكم ما يعرفون يلعبون هذا مو ذنبنا
اللللللللللللللللللللله يرحم ايام قبل والله وصرنا مطقاقه
اقول لا تنسى خميس عيد وحمود سلطان والشباب اذا تعادلوا معانا جنهم ماخذين كاس العالم
وبنستانس وبناخذ الكاس
وفجوا روحكم من عمان
سلامت روحك اخوي بس انت بنفسك قلت حظ
يكفي ان امتلاك الكرة حق منتخبنا 71%
يمكن هجمه ولاهجمتين شفنا لكم
هذا انت قلتها يرحم ايام لوّل
ولوّل تحوّل يا نظر عيني :P
وإن شاء الله اللي فجنا من العراق أبطال آسيا
بيفكنا من عمان
ودمتم بودّ :P
اي والله آنا أأيدك بكل الكلام اللي قلته
ظغطي السيستوليك 200 والدياستوليك 150 ياخووك
الشوط الأول ماكو ولا كرة صح حق أحمد عجب، والنص سلاماااااااااات. وأغلب التمريرات تشتيت وكرات طائشة
أما الشوط الثاني أخس ولا هجمة تذكر غير شوتة وحيدة حق بدر المطوع
أما الفرص البحرينية عد وخربط
رفيجي يقوللي مو منرفزة إلا جول محقق بس شتتها مهاجم بحريني بالغلط
تبي الصراحة؟
مع إن فزنا، لكن عندي لعبنا جدام عمان بكثييييييييير
وإذا بيلعبون بهالطريقة 4-4-2 مادري 9-0-1
مالك أمل نفوز بالمباريات القادمة
إلا إذا اشنصت ويانا، والجسور قام يدعوا عند الشبك قبل الشوط
شاركلك سيرج
:)
لعبنا أحسن* جدام عمان
صحيح دكتور بس ترى هم احنا ضيعنا فرص محققه :) ولا تنسى الإعداد الفاشل ولا تنسى خسارتنا في كاس العالم كانت قاسية لآن كنا الأقرب وضغطنا منتخب البحرين نفس ما سواو امس :)
خل الناس تفرح كنا متوقعين الأسوأ :)
---
الأخ البحريني الله يصلحك انت ييب ميدالية علقها في اتحادك تالي تعال تفلسف :)
العرزاله والله احبك بس وراس امك لا اتحبطنا خل نستانس ولا اتصير مثل غيرك
اللى بس يتحلطم ويتبرطم
تفاؤل بالخير تجدوه
وان شاء الله هذي البداية والخير ياي
:)
الأخ البحريني نسيت أقولك ترى اذا احنا قعدنا 8 سنين على ما فزنا ترى قعدتوا 20 سنة على ما حققت أول فوز علينا :)
يالله هاردلك حبيبي
بل مايطوف عليك شي !!
يامعود استانس .. هدي شوي من زمان ما انزلت دموع الفرح .. والاول تحول .. واحنا عيال اليوم :)
ادري ان كلامك 100 % صح !!
بس شنسوي ياخوي نبي نستانس !!!
كاااااااااااااااااااك :)
عادي مااستبعدها يطلع مسدس ويرمي نفسه :) .. ودك !!!
اهم شي الشنب لا يتبلل من الدموع !!
وتحياتي ...
ويسلمواااااااااااااااااا :)
هههههههههه
اشفيك
جنك تحلل اداء البورصه
الكوووورة اجوان
وخل الناس تفرح حتى لو يوم واحد
يا عمي راضين نفرح ساعة لا خمس دقايق ما كو مشكلة
بس خل نستخدم كلمة ( فرحانين ) لا تندثر بعدين
لاحقين على الهم والغم
حفظك الله
ما عرفنالكم الحييين ؟؟
إذا ستانسنا عصبتوا
و إذا برطمنا قلتوا تفائلوا
حرام نستانس ؟
هذا هو الموج الأزرق لا تطب في بحرة تغرق...لييششششششش جذي إنتا حرام عليك شجعوهم حتان لو لعبهم مو زوود بس عالأقل يابو قووول ..او عمري إنتا ياألزرق قلبي خذتا يالأزرق :P
إييه او بعدين إسم الله عليه نواف الخالدي الله يعطيه العافية او يثبتا بصد الكورات و الله فنااااان لا تدقرون لاعبينا حرام عليكم
جوووج
ليس حسيته تحليل سياسي محكم
:Pp~
كلامك واقعي
بس خل الناس يا عرزاله يفرحون
والله يصلحك اخوي البحريني
انا اهل وحبايب
لا نوصل هذا المستوى
:)
هو وعلامك انقثيت ؟؟
اي مستانس المهم غلبنا ان شاء الله على العيال اللي يلعبون بالشارع ؟؟
تفائل مفيد و مافي داعي لتكسير المياديف !!
كفاية يكون سبب الفرحة عدم فوزما عليهم من 8 سنوات اعتقد هذا سبب كافي ؟؟
هي فرحة لمجرد الفرح، والا ترى ندري ان مستوانا لايزال متدني
مثل المقهور اللي يضحك على اتفه نكته لانه بيموت لو ماضحك
احنا بعد مخنوقيييييييييييين وبنموت لو مافرحنا اليوم
المضحك انه قول واحد اللي قلبنا فوق حدر!!!!ـ
خلى الشباب يطلعون مسيرات
والرادو ٣ ساعات شغال غناوي الازرق
هههههههه
انا اخنقتني العبرة صراحة على تشفق هالكويتيين
يا حبايبي نعيش على امجاد الماضي وميتين نبي نرد مثل ما كنا
والله تكسر الخاطر هالقلوب..... !!!ـ
انا الصراحة ما كانت عاحبتني طريقة لعب المنتخب مع البحرين بس لازم نعطيهم حقهم اللاعبين طبقوا خطة المدرب 100%
حتى لو ما عجبتنا يابت 3 نقاط :)
وعن الكرة الكويتيةمن صارت شنو الأنجازات كاس الخليج 9مرات مو انجاز كاس الخليج مثل معسكر تدريبي لمنتخبات الخليج,كاس آسيا مرة وتاهلنا كاس العالم مرة اللي عنده انجازات السعودية واليابان بالقارة كلها :)
شوف اهو فوز بطعم الخسارة
بس ما يمنع اننا نرجع للحقيقة ان الكرة
أجواااااال
ak-47
لا تنسى تأهل الأولمبياد 3 مرات :)
غير الميداليات الآسيوية و النهائية :)
وكأس الخليج لو معسكر جان ما استذبحوا عليه منتخبات الخليج :)
هي بطولة خاصة تجمعنا مع حبايبنا أهل الخليج له طعم غير و هم تجمعنا :)
حرااام كسر خاطري محمد ابراهيم
صج أهمة استحوذوا على الكرة 71 بس المهم انه فزنا
و الخالدي ما قصر بعد
لا يبا ما نسينا
لكن ما حنا عارفين نضحك والا نبكي
صرنا نرحب بأي شيء يدعى للفرح بهالزمن الناشف
!!!""أي شيء""
نسينا الوناسة شلون قايله
الله لا يسامح من افتعل هالحال فينا
العقل يقول يا ريت نخسر علشان احمد الفهد واسطبله ما ياكلونا باجر
لكن القلب يقول أزرق أزرق أرزق
هذا حنا الكويتيين بالنهاية ولله الحمد القلب صافي وما لك الا ديرتك حتى وهي بخمالها
---
الاخ البحريني انتو بالذات حبايبنا وهذه مجرد كرة قدم وتنافس شريف. علينا بالعافية على الفوز بدون مستوى. وعليكم بالعافية بالمستوى وان كان بدون فوز. تستاهلون ونستاهل وياكم كل خير.
حياتي هدف
ما اخرب عليكم بس انا اشوف شي ثاني
متفائل
عيزت وانا احجي بس وين اللي يسمع
كويت
مو معصب بس ما ابي الناس تنخدع بالفوز
مهندسنا
سوري طوفتك بالغلط
وينا وين اليونان
اليونان كانوا يلعبون بخطة دفاعيه محكمه وهجمات مرتده منظمه
صبا
انشاااله
غير معرف
اولا: اذا كنا نتغنى بالذكريات والبطولات فعلى الاقل عندنا تاريخ كروي نتحسف عليه بعكس البحرين
الكويت وصلت لكاس العالم وخذت كاس اسيا وكاس الخليج 9 مرات..بينما البحرين ولاشي مماسبق
ثانيا: انا تكلمت بالحقائق ومايبت طاري البحرين كدوله اقرا موضوعي عدل
علاقتنا الكروية بالبحرين تمتد من 1970
39 سنه
واذا ماقدرنا نفوز عليكم اخر 8 سنين فقبلها 31 سنه ماكان في مجال للمقارنه الكرويه بين البحرين والكويت والتاريخ يشهد
عندك المباريات بكأس الخليج او كأس اسيا او تصفيات كاس العالم او كاس العرب..ارجع للتاريخ وبتعرف شقصد
ومره ثانيه احترم نفسك واختار كلماتك
مهندسنا
علمه التاريخ
غير معرف مره ثانيه
احنا الاول تحول
انتوا ماكو اول عشان يتحول
ميت
هذا الكلام العدل
بوتشخيص
وين الفرص المحققه الله يهداك
عجب وخلف يتهم كرتين وطيحوا روحهم يبون بلنتي بدال مايستغلونهم
غير معرف
وربي الكلام من حر مافيني على الوضع الرياضي بالكويت
بوتشخيص
تصدق قلبك على قلبي
رديت عليه بدون لا اشوف تعليقك
كويت الخير
اذكر الله شنو بل..ترى متعقد منها
وافرح يبا افرح بس والله اخاف فرحتنا تقلب بجي اخر شي
ابو لطيف
افرح يبا افرح كثر ماتبي
انا بس كتبت رايي المتواضع
بترفلاي
ناقشت الموضوع وياك
جوج وماجوج
خلاص عشان الخالدي بسكت انا
استكانه
مو الكلام الواقعي اهو اللي يضيق الخلق
بس
اهو في مياديف عشان تتكسر
والله الفرحه بحد ذاتها ان فزنا على البحرين بهالطريقة تضيق الخلق
انونيمس بالعربي
شفت شلون
عرفت انا شقصد
اي كي
اذا ماطبقوا طريقة المدرب فتلك مصيبة
واذا طبقوا طريقة المدرب وكانت هذي عقليته فالمصيبة اعظم!
بعدين لما اتكلم عن الكويت انا قاعد اقارنها بالبحرين مو البرازيل..فالبطولات اللي ذكرتها لها تقدير في هالمقارنه
السمي
الا الكره حظ وشنص واداء من الخالدي
بوتشخيص
قوله قوله
فاشيونيستا
والله كان وضع محمد ابراهيم يكسر الخاطر
كويتي لايعه كبده
وايد عجبني تعليقك وتستاهل بوسه عليه
دكتور ممكن أفهم شنو قصدك لا تستانسون وايد ؟ يعني شكثر تبينا نستانس
بالضبط ؟
احنا ندري بكل اللي تقوله بس نسوي روحنا ما ندري .. و الفوز عطانا الأمل عشانا جذي فرحانين و مستانسين .. الله يديمها حتى لو ما في أداء و لا خطة و لا أي شي
ماتقولي اليونان شحسن منه فيه؟
دفاع حظ دفاع حظ دفاع حظ وخذو كاس اوربا مو الخليج .. تفائل ؛)
دكتورنا :)
هلا بالحبيب ..
كرة مساعد ندا
كرة المطوع
بلنتي المطوع حتى جمال الشريف اللي ما يواطنا قال ان بلنتي
بالمقابل فرصهم المحققه ترى ماهي وايد
الباجي كله لعب من بره بره و تشوت
تفائل يادكتور امس بغيت ازوع اخر الثواني من الخرعه لول :)
عسى دوم نفرح و يارب تكون بداية الأفراح
العقدة البحرينية و افتكينا منها
باقي لنا الحين العقدة القطرية ثم العقدة الاماراتية .. اذا فجيناهم ناخذ الكاس
@@
دكتوووور شفت حلقة خالد العبدالجليل أمس ؟؟
كانوا يتحجون عن الجراحيين بمستشفى العدان :\
عسى مو انت وياهم بس ;p
صج أكو جذي دكاتره ما يخافون الله بالمرضى :(
سيدة
استانسوا بالحد اللي ماينسيكم الجريمة اللي ارتكبت بحق الكره الكويتيه
كويت سكاي
على راسي
لكني لازلت عند رايي اليونان كانوا يدافعون ويهاجمون بالمرتدة بخطط احترافيه مو خرابيط
بوتشخيص
خلاص عشانك بتفائل وبشوف شيصير مع بوعرقه
سفيد
والله زمن صارت البحرين وقطر والامارات عقد لنا
كويت
مسخره مابعدها مسخره
لامو منهم
الموضوع الوحيد الي ريحني صج
لأن بقية المدونات كلها تحيي بالازرق ومستانسين مادري على شنو .!!! صج صج
يعني المفروض لفازوا بالمباراة هالشي عادي وتوهم ببداية المشوار .. لا تستانسون وايد
طموحه مملوحه
خلج طموحه انا ما صدقت العرزاله صف ويانا وتفائل
Post a Comment