Saturday, April 18, 2009

BB vs Iphone vs PPC

مؤلف يكتب القصه ويعدلها الف مره

يعرضها على منتج ويالله يوافق بعد شد وجذب

يدورون لهم على مخرج فلتة زمانه

يقعد فتره يفكر شلون يركب الممثلين على النص

ايون الممثلين ويقرون النص وغير لاتغير

كنسل حط شيل ضيف

يبدون التمثيل وتعال شوف كمية الناس اللي تشارك بصناعة الفلم

مؤثرات وصوت واضاءه وهندسه ولويه

داعمين رسميين وستوديوهات

تصوير سنه او سنتين ولويه

من مشهد لي الثاني

والقصه مترابطه

ابداع وعبقريه

توصل للحظه اللي المؤلف انعصر وسوا كل هاللويه عشان يوصلها

بفكره بتمثيل الممثلين بصوت الموسيقي العبقري بمؤثرات صاحب التأثير الداهية بالاخراج الخيال

لحظة المشاعر

اللحظه اللي يكش فيها شعر جنبك

لحظة الاوسكار

بهاللحظه

بهالثانيه اللي الفلم كله يدور حولها

.

.

.

.

.

.

.

هاهاااااااااااااااااااااااااااااااااااااااااااااااااااااااي

هذا موجنه فلان

$#^%$&%*&^$!#$$#(%

ياشبابنا الحلو

اذا ماتعرف انجليزي

احساسك ميت

ياليت

تدور على سلسلة افلام اللمبي وماتدش غيرها

او عندك احمد حلمي

عادل امام

افلام هنديه

مسرحيات

مخدرات

سجن

بس تكفه

ابوس ايدكم

يكفي قاعد ندفع 3 دنانير والفلم مقصصين ثلاث ارباعه

تكفون يالربع

انطموا بهاللحظه

ادري طول الفلم سوالف واذا واحد نص ونص يشرح لباقي القروب المتخلف شقاعد يصير ولو ان كله غلط

وادري في ناس تدش بنص الفلم وتبيك تشرح لها تاريخ ام من يابت الممثل

بس رحمونا بهالمشهد بس وسولفوا باقي الفلم

بس شكلي بسوي حملة وطنيه

نبيها مشاعر

ياهيلق

ياخمه

يا..ودي اسب لي باجر

شتبون داشين شتبووووووووووووون

أدفع لكم قيمة تذاكركم

بس روحوا اي مكان ثاني

روحوا ارتكبولكم جريمه

روحوا موتوا

المهم خلونا نستمتع شوي

يكفي الديره مافيها وايد اماكن سياحيه

ااااخ

بغيت انتحر امس

:\

=====================

BlackBerry vs Iphone

صارلي فتره افكر اخذ هذا والا ذاك والا

Pocket PC

ابي شي يدش انترنت بس مو شغل زين اللي شاقيني شق فواتير يحسب لك على البايت

يعني مثل البلاكبيري اللي جنه 14 دينار شهريا وخلصنا

وهم الاهم ابي شي يقرا الكتب الالكترونيه

Ebooks

مثل الاي ميت

I-mate

المشكله اني اول مطيح بهالتلفونات بس الحين غاط عنهم ومادري ايهو احسن واحد بالثلاثه اللي قلت لكم عنهم

والصراحه مالي خلق ادور بالنت
فابي نصيحتكم وشنو مميزات كل واحد

وبعد سوالف اي نوع واي فيرجن
يعني بلاكبيري

Bold vs curve
d

وفي شي يديد جنه بعد

والاي فون

V2.1


V3.0 ويقولون بينزل

او البوكيت بي سي واذا يعلق والا لا

انترنت + قاريء للكتب

نصيحتكم

تراني
برقبتكم

:)











:)

30 comments:

Anonymous said...

لا اييك واحد عباله دمه خفيف ويقط قطات عشان يظحك القاعه

Eng_Q8 said...

اشفيه عادل امام ؟؟

وانا حدي نوكيا

Kuwait said...

@@
ترى مو انا الي أمس بس ممكن أكون بفلم ثاني :\
بس ما أعلق يعني عادي أشيل قشي وأطلع وكل من ينافخ لاني قاعده اطوف جدامهم يعني شسوي أطيرررررررر @@
ما أتحمل ساعه ونص قاعده على نفس الوضعيه واطالع فلم حتى لو القصـه شنووووووووو طبعي هيك ملول على قولـة يدتي ;p

كويــتي لايــعه كبــده said...

i-Mate
اذا تحتاج اوفيس وياك وشغل
word excel etc.
وكل شيء مايكروسوفت يعلق! راسمالها ري-ست

iPhone
اذا انترنت ووناسه فقط

Blackberry
اذا بتسوي نفسك كشخه

-mate said...

اي والله عيزنا ولاعت جبودنا .. ماكو إلا تروح أيام الإسبوع ما تلاقيهم

قلتلي

؟؟I-mate

إذا تبي إنسويلك عرض قولي، ترى آنا الوكيل الحصري
:)

Q8yUK said...

Blackberry Bold

واقطع بس البطارية لك عليها شوي

:)

Miznah said...

LOL
!صح
عشان جذي انا ما اروح السينما هني
cartoon ممكن

-------

BB - Curve

Fahad Al Askr said...

على الفيلم، أشوة إن اللي تبيه تحصله دي في دي وبنص دينار، وعيش حياتك بروحك بالدار ليش الكسافة

أنا صار لي خمس سنين ما أروح سينما بالكويت، لكن مرة لزم علي واحد نروح حق فيلم عادل إمام الأخير رحنا مشت الأمور تمام، قالي نعيد الكرة مع بات مان، رحنا وتأكدت إن قراري مال مقاطعة السينما بالكويت كان صحيح وكامل الدسم بعد

مرة رحت فيلم سلام دوغ مليونير برة الكويت، بدون مبالغة القاعة فيها أكثر من 500 آدمي، تقط الإبرة تسمعها طول الفيلم، بس ذولاك أوادم، وهني ما عندك إلا النماين اللي تحجيت عنها

بخصوص التليفون طال عمرك، عليك بالبلاك بيري بولد، وما جاك بوجهي

Q80 Blogger said...

انا اقول نوكيا زين


عندي واحد من الشباب جذي .. لا تدش معاه فلم .. يسأل بكل شي وماكو استيعاب .. لي درجه ليش لابس احمر اهني !!!!
يبه كيفه لابس ولا فاصخ اسكت خلنا نركز !!

Hashemy said...

اتصور الافضل انك تشوف موبايل يكون في اوبريتين سيستم غير الوندوز لانه في البوكت بي سي الوندوز يعلق وايد

صح كل شي فيه بس يعلق وايد

اتصور الاي فون بهالامور يمدحونه وايد
اوبريتنج سستم قوي مميزات وايد للانترنت واي بود فوق هذا

وبخصوص السينما انطر شوي ونزل الفيلم من النت وايد افضل لانه الرقابه قامت تقطع حتى الاحداث الرئيسيه بالفلم مو بس مشاهد اباحيه او مسبات

كبرياء انثى said...

خلني ساكتة عن السينما والله هذاك اليوم حاطين فيلم بالتلفزيون الاسبوع الي وراه نزل بالكويت ليييييييييييييش؟
ولا الشباب وضحكتهم العبيطة حطلك
dvd
ونظام الصوت وشوفه بالبيت
وبعدين شفيها كمبيوترات صخر؟

ضوء المطر said...

سلامات سلامات
تنتحر مرة وحدة اسم الله عليك
خل يولون
..
ولا تروح بالويك اند ولا العطلات رح تلاقي الاماكن كلها تخف فيها الزحمة..
..
انا الويك اند اخصصه للأهل
والطلعات والتمشيات تكون في وسط الاسبوع

enter-q8 said...

شوف موترولا
http://imgs.idnes.cz/mob_prakticky/A030625_RUDI_KROLLOP_MOTOROLA-DYNATAC__N.JPG

او
نوكيا
http://www.portablegadget.com/wp-content/uploads/2007/07/old_cellphone2.jpg
الاخير في منه اللوان

العرزالــــــه said...

حمودي

اي صج نسيت هذيله

ملوت طق

العرزالــــــه said...

مهندس

رديت عليك بالديوانيه

العرزالــــــه said...

كويت

اللي يدش ويطلع هم سالفه بس تنبلع مو مشكله

العرزالــــــه said...

كويتي

وعشان جذي قصيت الحق من نفسي وخذيت

HTC HD

العرزالــــــه said...

mate

خلص زمانه وراحت عليه يالشيخ

العرزالــــــه said...

Q8yuk

مشكلته تعبان من ناحية

Ebook reader

العرزالــــــه said...

مزنه

والله انا ما اروح الا تغيير جو

العرزالــــــه said...

العسكر

بره الكويت يتفاعلون مع الفلم بس تفاعل ايجابي يخليك تدش جوه اكثر

بعدين انا ما اشتري الافلام انزلهم بس احب اغير جو بالطلعه

العرزالــــــه said...

بلوقر

هالنوعيه ماروح وياها اي فلم الا اذا بوطقه

العرزالــــــه said...

هاشمي

كلامك على راسي بس البوك ريدر ماعلى البوكت بي سي

العرزالــــــه said...

كبرياء انثى

اي كمبيوترات صخر؟

العرزالــــــه said...

ضوء المطر

اول انا جذي

شكلي برد على طريقتك

العرزالــــــه said...

السمي

لووول انا من قريت اولد سل بالعنوان عرفت السالفه

Anonymous said...

انا اعتزلت السينما بالكويت من زمان عشان أول شي الأفلام مقصصه مادري شالطبخه وثاني شي عشان هالموضوع

ولا يصير وراك بنات داشين الفلم على مود استعباط

صدقني تنقهررررررر

ولا لا اييون عايله معاهم يهال حق فلم 18 وفوق لووول

يعني فوضه وشحقه اعذب نفسي
بالبيت وايد احسن
سولك هوم سينما

العرزالــــــه said...

posha

سالفة اليهال هذي بعد خوش سالفه

دشيت فلم رحلة الى مكه

سووه رحلة الى الحضانه

Q8PEN said...

دكتور ..
كل طلاب الطب اللي قريب يتخرجون جك بم شارين البي سي .. عشان الكتب
اقولها لك من الاخر
بلاك بيري فقط لبلاك بيري مسنجر والباجي حده عادي يعني مو انت اللي تصير اجتماعاتك بالايميل

وااي فون اروع جهاز تصفح على الاطلاق لكن ما تقدر تنزل الكتب فيه

اذا الكتب اولوية اشكره اخذ البي سي .. عاد ترا مو وايد يعلق لا تبالغون
وعلى فكره الاي فون اذا اخترب وادري نادر يخترب احسن لك طق اصبع :) نصيحتي لك البي سي

العرزالــــــه said...

بو ايمن

هلا بالحبيب

اي انا كان عندي كذا بوكيت بي سي

وخلاص خذيتلي واحد

HTC HD