Thursday, April 2, 2009

اروح وارد بالسلامه

موقع روعه لصور الكويت في أوائل الستينيات
هنـــــــــــا

========================

يا جماعتي واهلي الكويتيين
منو اللي ركب بمخ البعض سالفة يبا مشها
يبا كله واحد طوفها
شنو شنو غصب
في اماكن واشياء ماتمشي
مخالفات او قوانين بالكمبيوتر والموظف يروح فيها
مشها ياعمي
يا يبا قرض الحكومه سبعين الف
ياعمي فيك الخير والبركه
شنو فيك الخير والبركه
ابوق واعطيك والا شنو
مساع واقف عند محل صغير للتلفونات بالجمعيه بدفع فاتورتي
والا مره وقفت تبي شغله فقلت حق اللي يشتغل خلص الاخت الاول
ايي يعني انا الايتيكيت والحركات
المهم
تبي تعطيه كرت ايزي مادري اكسبرس بو دينار وتزيدهم دينارين تاخذ بوثلاثه
شي جذي
يقولها المهم ياست مايصير
كرتج عليه علامة شركه غير شركتنا واذا بدلت لج بيحسبون اني اتلاعب بالكروت وابيع لحسابي
تقوله ياعمي مشها خلصني
يقولها يامدام والله يفنشوني
خل يفنشونك اللي يسمع عاد وزير
طبعا اهي قطت هالقطه حسبالها بضحك
وانا من داخلي مشمئز على الاخر من وقاحتها
فوق انها محتاجة شي مو قانوني
تبي تمسخره
والله عيب
انا الغلطان اللي مطوف هالاشكال جدامي
==============================
على الطاري
الكويت هي الدوله الوحيده بالعالم اللي يحق لمواطنيها التعدي بالقول او الفعل على غير المواطنين بدعم ومساندة القانون الا من رحم ربي
غابه والله غابه
==============================
وهم على الطاري
يا اخواتي العزيزات
يا اخواني الحبايب
ارحم ترحم
ارحموا من في الارض يرحمكم من في السماء
والله مو شطاره اللي يسويه البعض بالوافدين
اقسم بالله موشطاره
ناس متغربين وتاركين ديارهم وعايشين بظروف مايعلمها الا ربي
طايحين فيهم زف وتهزيء على غير معنى او سبب
يحترون من شي يطلعونه بهالمساكين
يعاملونهم يمكن اقل من الحيوانات
اي والله
لو واحد منهم عنده قطوه يمكن يدلعها
سب وشتيمه وطنازه واستهزاء واستحقار
نهي ونهر ونزر ويمكن حتى تعدي باليد
فليتذكروا
الله فوقنا
والله ربي يشهد على كل شغله
مو عيب الواحد يحن على هندي والا اي جنسيه كانت
يسمع له او يشوف حاجته
بالنهايه اهو او اهي انسان وله مشاعر حاله من حالك بالضبط
ياخي مو الا ترافجه
مو الا توريه خيرك
اكفيه شرك
اكفيه نفسك الخايسه من الصبح
اكفيه الزف اللي ماله معنى
بتعب لو بكتب وماراح اخلص
المشكله باللي يقولولي والله انت مسكين وعلى نياتك
هذيله يبا حراميه ونصابين و و و
ولاتعطيهم ويه ترا يمصخونها
انزين في منهم حراميه
مافي من الكويتيين
والا شرفاء روما
وبعدين ما اقول الواحد يتزوجهم او يسكنهم بغرفته
بس على الاقل يخفف عليهم شوي
واللي يقهر اللي يتفيخرون ليل نهار انه طق هذا او سفل بهذا او ضر هذا وقطع رزقه
مع ان تلقى الكويتي اهو الغلطان من فوق لي تحت
المصيبه الاعظم
لما تشوف باجي الحضور يثنون عاللي سواه
ويزيدونه من قصصهم العظيمه والمشرفه شلون كل واحد او وحده طلع قوته على هالمساكين
ارحم ترحم
ارحم ترحــــــــــــــــــــــــــــــــــم
=========================
رايح البحرين
بزنس ترب
مو صج طبعا
بس دايما اشوف الناس يقولونا
و كنت بجرب اقولها واشوف وناستها
:D
المهم
لااتشيطنون
يوم ورادلكم
اللي يبي شي من هناك يدزلي ايميل
وانا اجيك ايميلي لما ارد انشالله
:P
مع السلامه
:))

37 comments:

As YoU LiKE said...

تروح وترجع بالسلامة أولاً

بالنسبة للمقمين، انا استفز من حركة اللي يركب الخدم بأخر السيارة مع السبير فما بالك بالاشياء الثانية.

لكن في اشخاص يتضح فيهم النصب والاحتيال من اول مرة تشوفهم فيهم وتتعامل وياهم.. شنو نسوي وياهم ؟

mtfa2el said...

أنا مو بس جذي اللي يبط جبدي
هالهندي و لا المصري ولا أي وافد ياي بعقد و شغل و ياخذ فلوس على اللي يسويه
بأي حق عبالك يا اللي تتكبر عليه أنك أحسن منه ؟
و أشوف وايد منا يتضايقون لي راحوا أوربا و لا أمريكا و شاف بعضهم يعاملونه معاملة بايخة لأنه عربي
كما تدين تدان يا بو الشباب
و الجزاء من جنس العمل

أنا عاجبني هالبوست صراحة من زمان
http://viser-haut.blogspot.com/2009/03/blog-post.html

mtfa2el said...

و تروح و ترد بالسلامة
لا تنسانا من الحلوى و المتاي بعد مو تقول ايميل كاك قريت التعليق
:p

mtfa2el said...

و هذي زيادة
من لا يرحم لا يرحم
http://www.youtube.com/watch?v=nkJy7GEPjBY

mtfa2el said...

نبيها خمسة بعد
:p

Kuwait said...

أنا أبي متـاي بعدددد
مابي حلوى :\

تروح وترد بالسلامـه ..
باقي سوالف منظمة حقوق الانسان ما عليها كلام مابي امدح نفسي وايد اخاف تقولون مغروره ;p

Kuwait said...

متفااااااااااااااءل
@@
شهالزحمـه ؟

mtfa2el said...

لووول

مسوي زحمة و الشارع فاضي
بس عشان ما يقول ما دريت و نسيت ..خل يقرا قبل لا ينام و ييب حلوى حق كل المدونين و المدونات المسلمين و المسلمات

كبرياء وردة said...

حياك الله

تشرفنا وتنورنا

الا يبي شي ما يرده الا لسانه

تدللوا :)

Cat said...

بزنس تريب و البحرين و يوم يمعه ؟؟

كلش مش زاااابطه

muhrah said...

تروح و ترد بالسلامه ان شاءلله


المصيبه ان ما يستقوون الا على الفقاره
دليل ضعف لان القوي قوي على القوي و اللي بنفس مستواه و يقدر يرد علي بس هالمساجين الله يرحم حالهم ...

KQ8 said...

بالسلامه يالحبيب

يبا..فيه ناس جذيه وفيه ناس جذيه..مثل مافي كويتيين خيس اكو طيبين ومثل مافي وافدين محترمين اكو زباله

اخلص....وبعدين اشوك زفيت الصبي يوم نسى اييبلك جاي...

انيهااااههااايييي

حياتي هدف مو عبث said...

الحين في الميداني عندي جم فراشة موجوده في قسمي .. يولي جم مره أضبط تلفوناتهم
على الوقت ولا المنبه والأرقام وقعدت أفهمهم .. جان تيلي وحدة تقول وييي من صجج مجابلتهم قوليلهم خل يولون
ومن فراغج يعني اتعدلين موبايلهم
:/
قلت شكووو شي أعرفه ليش ما أساعدهم
وابلاااش وماراح أخسر شي
( مع ان تلفونهم نوكيا وانا ما أعرف له (
بس عاابلت فيه وصااار
جان ترد من ناقص الا هالهنوود بعد

انا هاهاهاها لا تعليق
لأن هالنوعية عارفتها
أنا غير أنا أنا
وأخر شي
طل
على طل


تروح واترد بالسلاااامة
عندهم سمج
:p

مَـــــعْــــمَــــعَـــــه said...

بالسلامه ان شاء الله وبالتوفيق بالبزنس

Hashemy said...

تروح وترد بالسلامه

وفعلا كما اشرت في ناس وايد تقلل من احترام الوافد وتبي تتعدى على القانون لدرجة انها صارت ظاهره موجوده بكل منطقه وبكل مكان


ياريت فعلا نعامل الناس مثل مانحب الناس تعاملنا يعطيك العافيه

نبي حلوى ترى ;p

TruTh said...
This comment has been removed by the author.
TruTh said...

يعطيك الف عافية على كل كلمة كتبتها

أشكرك من كل قلبي على البوست الانساني جدا

حيل اتضايق من كثر ما اشوف استحقار عيال الديرة لغير الكويتيين و كأن احنا فوق مستوى البشر،والله هالسوالف خلت الناس يكرهوننا

احنا لما نسافر ما يصدقون ان احنا كويتيين يقولون انهم متعودين على ان الكويتيين رافعين خشومهم و نفوسهم شينة

انا اتضايق حتى من المسميات اللي الكويتيين يسمون فيها باجي الناس

المصرييين= مصاروة
الفلسطينيين= فلسطن
اللبنانيين و السوريين= زلمات

ليش ما نسمي الناس مثل ما باجي الناس تسميهم

ليش الكويتي عباله على راسه ريشة؟؟
!!!

بس احس قرقت وايد لكن بصراحة شي في قلبي من زمان و بوستك خلاني افضفض فيه

تروح و ترد بالسلامة اخوي

وتسلم ايدك على البوست الراقي

chandal/danchal!! said...

مشكور على اللينك

الصور عجيبة
.
.
.
تروح وترجع بالسلامة
.
.
.
عندهم أجار بامية مو طبيعي!

Kuwait said...

TruTh
بعد قلبي انا اختلف معاج ..
ليـش ما تبيـنا نقول مصاروه دام اهم يقولون كوايتـه ؟
وين المشكلـه لما نقول مصاروه وفلسطن و زلمات ؟
ترى أقصاها مسميات :)
حبيبتي مو كل الكويتيين شايفين نفسهم على الناس :)
كـل ديره فيها الزين وفيها الشين ..
انا 7 سنين بألمانيا أشوف الشعب الألماني يعامل الأجانب وكأنهم من كوكب القرده ومحد انتقدهم !
صحيح مو الكل لكن 80% من شعبهم
انتي تقولين الكويتي عباله على راسه ريشه ..
بصراحه انا اشوف كوني كويتيه وايد أشياء تميزني لما اقارن ديرتي بباقي العالم يمكن تقولين من حبي لها اشوف هالشي بس والله دام حبها يخليني اشوفها احسن ديره بالدنيا فيازين هالحب :)
الفلسطن والمصاروه والزلمات والجاليات الآسيويه محصلين تقدير بالكويت مو محصلينه بديرتهم حتى ..

دام عرزالـه مو اهنـي ..
يـاجمــاعــه ترا باب النقـاش مفتـوح برعايـتي ;p
بـس اليــوم :\

حياتي هدف مو عبث said...

زلمات
مصاروه
فلسطن

مو مسبة عشان أحد يزعل
:)

Q8EL5AIR said...

والله انك طيب :)


اقول تكفة لاتنسى السمبوسة البحرينية ..!!


منو قال اني احبها .. الا ادمن عليها :)

تكفه وتكفه تهز الرجاجيل :)




وتحياتي ..
ويسلمواااااااااااااااااااا :)

another day said...

king 3erzala

تروح وترجع بالسلامه




هذي ديرة الحبايب

تروح وترجع بالسلامه دخترنا

بس لاتنسى ذوق سمبوسة بشير شي موطبيعي إذا إنت من الناس اللي تحب الفلفل

buy

why me said...

أبي حلوى
وأبي متاي



hehehe

ترد بالسلامه

بوسند said...

احتقار العمالة الوافدة ..

قضية ترفزني ..

شكرا ياعرزالة

وتروح وترد بالسلامة ..

..

بطريجك .. أبي بطل ... لقااااح:)

تحياتي

صبا said...

تروح وترد بالسلامه

طااافك الجو عندنا بالكويت
شي مو طبيعي

؛)

ابي حلوى مو تنسى
:)

مركبنا said...

تروح وترد بالسلامه

ولا تنسانا من الحلوى (=

صاج والله مساكين

اذا الواحد ضحك ولاتغشمر مع احد من الوافدين بغي يموت ...
شلون كويتي ويعكي ويه

جنا منزلين من السماء !!الكويتيين

الخيلاء said...

مي تو البحرين بزنس ترب

محد احسن من احد

:Pp


انروح ونرد بالسلامه
اهم شي السلامه مع المطبات الهوائيه
الي توقف القلب

حجر كريم said...

موضوع رائع ... بس من يسمع

انا بس بفهم

يعني الناس اللي يهزئون الوافدين

شنو الفرق عنهم؟؟

دينارين ولا ثلاثة

الي عنده خير من ربه بالحلال مايرفع خشمة عليهم

صاج

ارحم ترحم

TruTh said...

Kuwait

المشكلة ان هذي المسميات بس احنا نسميهم فيها

يعني باجي الناس يسمونهم بأسماءهم الطبيعية و ترى اسماءهم اللي ينادونهم فيها باجي الناس اهيا الأسماء الصحيحة باللغة العربية

مصري وفلسطيني جمعها باللغة العربية مصريين و فلسطينيين مو مصاروة و فلسطن

و الشي الأهم، لو كانت المسميات هذي طبيعية و محترمة،عمرنا شفنا بالتلفزيون شخص سياسي يطلع و يتكلم و يقول فلسطن و مصاروة و زلمات؟

و بعدين انا ادري ان مو كل الكويتيين شايفين نفسهم لكن واااااايد منهم امبلا شايفين نفسهم و الشي هذا منتشر حيل و الكل قام يلاحظه و لو ما كان شي ظاهر و واضح عيل ليش الأخ العرزالة كاتب عنه و قاعد يوصي الناس بالتعامل برحمة معاهم؟

و بالنسبة حق سالفة ان الكويتي عباله على راسه ريشة
اذا انتي تشوفين ان احنا الكويتيين متميزين عن غيرنا و احسن من غيرنا بوايد ،انا هم مثلج اشوف ان احنا الحمدلله من فضل رينا احسن بوايد من غيرنا و حبي للديرة ما يقل عن حبج لها لكن هذا مو معناه ان احنا نرفع خشومنا على الناس و نتكبر

الله قال في كتابه العزيز: (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ

مقياس التفاضل عند الله اهوا التقوى

و الدنيا هذي اختبار و دار ممر مو دار مقر ،و بالنهاية كلنا مردنا للقبر و التراب ،محد احسن من احد

الله عطانا النعم و قاعد يختبرنا،لكن للأسف وايد منا احنا الكويتيين فشلوا في الاختبار و طغوا و تكبروا على غيرهم

اتمنى لهم الهداية من كل قلبي

jibla said...

تروح و ترد بالسلامة
ودي تشوف هذا اللنك
http://sawsanah.blogspot.com/2009/04/blog-post.html

شوف الدكتورة الي قاعد تدعمها منو مفاتيحها الانتخابية
ما ضاق خلقي يوم شفتها عند ام صدة و سرحان و ديللي و ميللي
بس انت ما اعتقد هذي توجهاتك
شناوين عالديرة؟؟
تبون الملاحدة يصيرون ممثلينا و ولاة امورنا؟؟

Kuwait said...

تروووث ..
انا حدي مستعيله الحين بطـلع بس لي عوده للرد على تعليقـج :)
عرزاله لاتشيــل الموضوع الي برعايتي إلا لما أرد على تروث ;p

Kuwait said...

تـروث ..
بعد قلبي هـل مسمى كوايـته ضمن اللغـه العربيـه ؟؟
نفس الشي المسأله كلها مسميات ..
ما أختلف معاج ان في البعض يعاملونهم معامـله سيئه لكـن اذا كانت الدولـه بكبرها تعاملـهم معاملـه حسنـه وين الإساءه بهالشي؟؟
اذا الوافدين تنزاد رواتبهم ويتم مناقشة زيادة رواتبهم حالهم حال الكويتي لما يزيدونه يزيدونهم ويستفيد من الرعايه الصحيـه بقيمة بسيطـه ويحصل على تعليم لعيالـه بالمدارس الحكومـيه واقامـة اسرته معاه على اساس الالتحاق بعائل هالإمور كلها مسهلـه لهم والدوله حفظت لهم كرامتهم ومن حق الوافد ان يشتكـي حتى على الكويتي الي أساء له بموجب القانون ويدش الوافد المخفر ويشتكي ويسحبون الكويتي للتحقيق هذا كلـه موضوع حفظته الدوله لهم ..
تخيلي ان الدستور الكويتي نص في الماده 29 على ان النااااس سواسيه في الكرامه الانسانيه وما قال الكويتيين بس ماحدد نهائيا سواء كويتي والا مصري والا هندي والا غيره ..
المادة 29

الناس سواسية في الكرامة الانسانية، وهم متساوون لدى القانون في الحقوق والواجبات العامة، لا تمييز بينهم في ذلك بسبب الجنس او الاصل او اللغة او الدين.

هذي النقطـه تحسب لصالح الكويت ترى ..
غير ان الكويت ماحطت ضرايب لا على المواطن ولا على الوافد بينما هالوافدين بدولهم نص دخلهم يروح على الضرايب :)
الكويت انصفتهم بأشياء وايد ولكـن معاملـة الشعب مع هالوافدين الدولـه ما تقدر تحكمـها ..
اذا بتقولين اكو بعض الدول الأجنبـيه عندها جهات مختصـه تراقب معاملـة ابناء الدولـه مع الأجانب أنا أحددلج هالجهات تراقب معاملتهم مع السياااااااااح فقـط ..
للمواطن في ذيك الدول الحق في التقاضي اذا الدولـه حاسبـته على معاملـته مع وافد مقيـم وهذا واقع وموجود لان الدوله لها الحق انها تحاسبه على معاملته الموزينه مع السياح فقـط لان جزء كبير من اقتصاد تلك الدول يقوم على عوائد السياحه فيها :)
أما الكويت أغلب الي فيها وافدين بقصد العمل ونسبة السياحه عندنا ضئيله وتكاد تكون معدومـه ..
وترى في وافدين فوق شينهم قوات عينهم قاعدين عندنا ويسبون فينا ومحد قالها لي انا شفتها بعيوني :)

Kuwait said...

عرزالـه ولكم بـاك اكيد الحين انت رديت ..
انا يايـه اخذ المتاي مالي وأعطيك بلوقك الي بعهدتي وأسحب رعايتي عن هالبوست وأتوكل على الله ;p

كويــتي لايــعه كبــده said...

روحة وردة بالسلامة ان شاء الله

خل اللي يعاملون البشر بطريقة الله منعنا منها يجربون الغربة وبعدين يصير خير


أقول... حلوى عمانية ما عليك أمر
:)

ولد الديرة said...
This comment has been removed by the author.
ولد الديرة said...

روحة بلا ردة























إلا بالعافية طبعا :>

ترى سالفة الإحتقار بالنفس البشرية لكن اللي يردعها القانون

احنا النفس اسكت واللي يطبق القانون منفس

ShLaLaT said...

البحث عن الكنز
لعبتنا اليديده

http://shlalat.blogspot.com/2009/04/find-treasure-game.html