Saturday, May 16, 2009

ماهو تشاؤم أو إحباط..بل هو الواقع

انا متأكد إن وايد منكم حاليا متسمرين امام شاشات التلفزيون او متواجدين في المقرات الانتخابيه
على اعصابكم
منو يفوز ومنو يخسر
انشالله فلان يفوز وانشالله فلان مايخسر
لكن بحسبة ثانيه وبنظره اعم للموضوع
قعدت ادور بين قوائم المرشحين في مختلف الدوائر
ماياني الحماس لسبب بسيط
ماقدرت القى حتى عشر مرشحين يستحقون عضوية البرلمان وماتحمله من مسؤوليات وواجبات
فما تحمست ان فلان يفوز وفلان يخسر
هذا وصل او ذاك
صبه حقنه لبن
ووضع مؤسف والله
تذكرت قبل عشر سنوات او اقل
كنا نتابع نتايج الانتخابات بالتلفزيون في خيمة صغيره
تدرون مع منو
مع احمد الربعي الله يرحمه
ذيج الحزه وذيج الاسامي اللي الناس يتفاعل وياها ويحترق قلبه اذا خسرت او مافازت
عموما
الله يستر على الكويت
انا بتابع الدوري العراقي وايد ابرك لي

ضغطوا على الصوره اقروا اسامي الفرق

غزو غزو مو دوري

بس باقي يلعبون على استاد الصداقه والسلام

35 comments:

Kuwait said...

@@
ابو التحبيييييييييييييط انت
بروحي متحبطه وقاعد تزيدنا :(

Anonymous said...

wallah 9aj

esTeKaNa said...

النظرة نسبية
!!
من نعتقد ان لا يستحق
في نظر آخرين يستحق
والأرض التي انجبت الربعي رحمه الله عليه ،أكيد قادره على انجاب غيره
الله يطرح البركه ويجمع بين قلوبهم لما فيه خير يارب
:)
حبيت:
صبة حقنه لبن
وبمعنى آخر:
تيتي تيتي مثل ما رحتي جيتي
:Pp~

العرزالــــــه said...

كويت

نو نو نو

هذا الصج

العرزالــــــه said...

4

:(

العرزالــــــه said...

استكانه

صدقيني الكلام الفعلي بالعالم يصير نظري وتنظيري عندنا

النظره النسبيه هذي ما اعتقد تنطبق على اللي قاعد نشوفه

خربوا حتى النظريات

:(

mellow said...

أتفق مع إستكانة
و بنفس الوقت أتفق معاك
إلي نازلين كلهم تقريباً و صلوا المجلس و تابعنا أدائهم

و هذا إلي خلاني ما أصوت اليوم
:(

ما هقيت إني ما أصوت بس...

إيييييييييييه شقول؟
بوراكان و ولادة عبروا عن وجهة نظري بطريقة أوضح

العرزالــــــه said...

ميلو

لا تتفقين مع احد بس وياي

شوفي الاسامي شوفيها الله يخليج

اذا مو نفس العام اسوأ

شتوقعين النتايج؟

حل المجلس بثلاث ساعات

العرزالــــــه said...

فريق دهوك وبس

العرزالــــــه said...

وياه الحدود بعد

esTeKaNa said...

عرزالة
@@
يا حافظ خل ميلو تتفق وياي عن خاطري
شنو هالبيزنطية؟
يا تتفق وياك يا ما يصير
:pP~
عرزالة انا اللي ابي اقوله فعلا الوضع ماهو زين كثر مانتمنى
بس ما يصير نصير مثل الأمة العربيه عايشين على أطلال الماضي وكنا وكان عندنا
لابد نتفائل اكيد بين هالويوه كلها
في جم واحد زين
:)
وخل الناس تتفق وياي

العرزالــــــه said...

استكانه

شوفي فرق الدوري العراقي

نفس اسامي بعض النواب

بالله وين اتفائل

ساره النومس said...

نبي حريم :(

العرزالــــــه said...

طموحه

كلنا والله

esTeKaNa said...

عرزالة انت لو سامع يدتي اليوم جان عرفت اشلون تتشائم:
هذا يبمبع مابيه
وهذا امه عراقيه مابيه
وهذا اسمه ماعرف اقوله مابيه
وهذا يصارخ على الحكومه قص يقص لسانه مابيه
!!
لما قررت ان ما تسوا العنوا
كل شي ما تبيه
:(
والحين انت تقولي شوفي اسامي الدوري العراقي

هههههههه
اذا المقياس اسامي
لا طبنا ولا غدا الشر


تمنياتي لفريق دهكوك بالانتصار
:Pp~

Kuwait said...

شوف أصوات أسيييييييل
مشلله فووووووووووق
@@
بس اهو لا يوصل صندوق كيفان واحنا بخير ;p

بو عبدالملك said...

( لا صلاح الدنيا الا بالدين)

مَـــــعْــــمَــــعَـــــه said...

اياك واليأس من وطنك


احمد السعدون عن عشر اعضاء زينين يا دكتور

كويــتي لايــعه كبــده said...

التغيير لن يكن جذري ولا شامل بحكم ان أغلب الأسماء مكررة وما نحتاجه هو نقلة بمستوى الوعي الشعبي عن طريق التوعية

المصيبة الأكبر هي ان الناس تصوت بأغلب الحالات حسب العائلة والطائفة والقبيلة... لما كل الحديث عن حسن الاختيار والتصويت للكويت وغيره من كذب لا أدري!؟

ولد الديرة said...

شكثر نتيجة الحدود ودهوك؟

ماني قادر انام بعرف

خبرك بيتنا كله دهوكاوي

ولد الديرة said...

شوف دختر

نتائج الإنتخابات تدري شتذكرني فيه

في مستشفى يكون ممرض هو الدكتور و الفراش هو الممرض و الممرض هو فني الأشعة

موفقين

bo rashed said...

العرزاله
اسيل كمشت خشم حدس
لووووووووووووووول

Mr_CHoCoLaTe said...

هههههههههه

انت حدك خارج نطاق التغطيه

عاد منو فاز بالدوري هي هي

mtfa2el said...

DONT SMILE! :(((((((((((((((

لووووول

يبا انا استغرب من الناس صراحة اللي شادين حيلهم تقاؤل و الكويت بتتغير

يا جماعة مو زين الواحد يتفائل وايد بناس مو كفو و بعدين ينصدم

تفائل بنفسك تفائل بأهلك تفائل بالحياة اللي بتعيشها

بس لا تتفائلون بالجمبازية اللي داشين المجلس

العرزالــــــه said...

استكانه

لووول الله يخليها يدتج لو كل الناخبين نفسها جان الكويت بخير والله

العرزالــــــه said...

كويت

وصل صندوق كابل وهم فازت

العرزالــــــه said...

صلاح

صح لسانك

العرزالــــــه said...

معمعه

ايــــــــــــــــه

الله كريم

العرزالــــــه said...

كويتي

اااه ثم اااه ثم ااااه

بس لو الانتحار حلال

العرزالــــــه said...

ولد الديره

لا يا ولد الديره

لا ياحبيبي واخوي وقرة عيني والله

لما يكون المريض اهو الطبيب

والطبيب اهو المريض

وااه ياقلبي

العرزالــــــه said...

بوراشد

اسكت حدي حاقد على اللي نقلها وماقال ان السيد العرزاله اهو المخترع الاصلي

العرزالــــــه said...

مستر

فريق الباجه

العرزالــــــه said...

متفائل

المؤمن كيس فطن

بس وين

Blog 3amty said...

ها أشلونك الحين بعد النتائج؟

العرزالــــــه said...

بلوغ عمتي

والله ياخوي الغالي يبيلي شوي استوعب

:)