Wednesday, May 20, 2009

Cinescape

يعني
افهم ان السينما تقص اجزاء مخلة من الفيلم
افهم انها تقص مقاطع تحس ان فيها طوالة وممكن تقلل عدد عروضهم اليومية وبالتالي مدخولهم
افهم ان سعر التذكره مايتناسب ابدا مع جودة عروضهم وافلامهم
وان زيادة سعر التذكره يتناسب عكسيا مع خدماتهم
افهم ان سعر كافتيريتهم اغلى من الغالي
وافهم ان ماكينة الكروت اللي يسمونها ذكيه اغبى من الغبيه وكله معلقه وتأخرك اكثر من حجر الشباك
لا وساعات المكينة تحرق كرتك من كيفها
وتعال جدد الا الفيلم طافك
المهم مالكم بالطويله
وافهم ان بعض ربعنا اللي يشتغلون بالسينما يعاملونك جنك ياي تطر منهم ماجنك داش بفلوسك وزياده
وافهم ان في افلام نازله السنه اللي طافت
وافهم ان اغلب افلامهم بايخه وماخذه 6 بالكثير من 10 بتقييم السايتات العالميه
افهم وافهم وافهم
اللي ما افهمه - غير ان لاجيء عاطفي رئيسهم مادري كان رئيسهم او شي جذي وياهم
2.9
من عشره؟9
COME ON!!

2007?
عسى بس ماينزلون رامبو الاسبوع الياي

:(((((((

34 comments:

Yin مدام said...

لووول

تصدق الأسبوع اللي طاف تشجعنا أنا ويانغ نروح السينما من شفناك تروح

قمت بطلت السايت
شفت هالفيلم وفيلم ثاني أقدم منه
جان نهون

لووول

إذا أنت تفهم اللي ذكرته
أنا لا فاهمة ولا أبي أفهم
ماكو سبب والله
لو ياخذون واحد من الشباب لا خبرة ولا غيرها بس هوايته أفلام ينجح أكثر منهم

Yang said...

كم مرة قلتلك اتركهم عنك, ما سمعت الكلام!!!!

تقول ماكو مكان تروحله ؟؟؟

تسوى عليك والا باكر رايح تشوف فيلم رامبو :))))

انا اقول بطل سينما واشرب زقاير احسن :))


تحياتي

Purplecious said...

لازم تطلع شركة يديده عشان تنافسهم... يخرب بيت الاحتكار


بس ترى الظليمة شينه يعني مو مقصرين بالافلام اليديده

عندك
Angels and Demons
شفته؟؟ أبي رايك لأن يعجبني ذوقك بالأفلام.. فيلم راسل كرو حلو؟

من زمان ما رحت السينما

و شدعوه بلندن و لا باريس افلامهم يديده!!! أغلبها قديمة

esTeKaNa said...

loool
عرزاله
اللاجئ العاطفي مشغول يكرم حليمة بولند عشرتعش مرة بالسنه
ويفتتح مليون معرض باسبوع
ماهو فاضي يشوف الافلام اليديده
بعدين شنو اللي يميز الكويت وسينما الكويت؟
وايد اشيا ما تنفهم
:Pp~

Deema said...

هو يصير ناخذ حقنا بالقانون و نرفع قضية دام الأدلة واضحة؟

واحد محامي لو سمحت

و واحد قاضي يحب الأفلام

مَـــــعْــــمَــــعَـــــه said...

والله قاعد لهم قعده يالحبيب من زود القهر

EXzombie said...

يا سيدي دافع انت 3 دنانير على فلم خرة مدته ساعتين و نص (150 دقيقة)و تروح الفلم و لا الكتلة البصرية الي بقت و حطوها لك مدتها ساعة و ربع يعني مطيرين لك نص الفلم... ليش ما ادري هل اهم مستخدمين مقص يهال بو وردة و لا شنو مو عارف

ودي اعرف منو الي ينقي الافلام؟

EXzombie said...

عرفنا منو ينقي الافلام

الضفدع كامل

Kuwait said...

شخصيا طلعت حرتي بالسينما لما كنت بأمريكا شحليلاتهم والله اهم شي تقعد مكان ما تبي وفلم مو مقطوع منه ولا نتفهوماكو استهبال شباب نظام قوووووويه وياااااااو ومادري شنو وماكو أصوات بجي بيبيات اعمارهم سنه ونص وماكو فيران تدابج تحت ريولك وماكو خياس ريحة أكل بيرجر كينج والا زيت وزعتر وتوابعهم وماكو حجاب بو عماره جدامك ما يخليك تشوف وماكو قرقه جانبيه وماكو هندي يوترك يحوس وراك اهو ولايته وماكو صوت وحده طقاقه تطق علج طول الفلم وماكو اثنين مواعدين قاعدين جدامك ويعطونك فلم ثاني غير الفلم الموجود وآخرتها يسوي شي اهيا ماتبيه وتهده وتمشي ويلحقها يراضيها ويردون حد امه راح عليك الفلمين :\
عشان كل الأسباب السابقـه المفروض محد يلومني لما اطلع اول ربع ساعه بالكويت والصج الصج ان صارلي اكثر من سنه مادخلت السينما ولا لي نيه :)

Q80 Blogger said...

وربي سينما فاشله

ماكو غير نسوي عليها حمله مقاطعه يمكن يحسون

حتى بمصر في اكثر من شركه ومنافسه على عرض الافلام وتقديم الخدمات
دامها بالساحه بروحها .. ماراح نشوف منها شي طيب

المقاطعه اهو الحل .. اشرايك ؟
:)

كبرياء انثى said...

ماكو الا حل واحد

سلط ضوء الداتا شو على اي طوفه تبي
ماعندكم اطوف حطلك رواق واعرض الفيلم الي تبي طبعا بعد ماتنزله من النت
وخل صبيكم يقعد عند الباب يقطع تذاكر حق الفريج
نفس سينمات قبل
وفك روحك

Frankom said...

اخوي حددّ ماعليك امر
أي رامبو فيهم ؟ الاول ولا الثاني ؟ علشان نكون على بينة

Zaydoun said...

ضرب الميت حرام وانا غاسل ايدي منهم من زمان

Zaydoun said...

ترى طرشت البوست حق مديرة التسويق في شركة السينما

العرزالــــــه said...

مدام

مو شسوي شسوي شسوي

ماكو شي بهالديره ننتحر يعني

:|

العرزالــــــه said...

يانغ

شربت وشربت وولعت بنفسي

ماكو شي ينفع مع هالعقليات

العرزالــــــه said...

بربل

الفلم حلو

ولو انه مايتقارن مع الكتاب

حاله حال دافنشي كود

وعلى طاري سينمات بره

مليون شركه تلقين الزين والشين

هني شركه وحده وشينه

العرزالــــــه said...

استكانه

DONT GET ME STARTED!

العرزالــــــه said...

ديمه

وواحد متهم يألف باختيار الافلام

اهو فلم اصلا

العرزالــــــه said...

معمعه

الفاضي يعمل قاضي يابعدي

العرزالــــــه said...

اكزومبي

كلمهم ياحبيبي شوفلك صرفه

فايز على شنو ماتقولي

هااا

العرزالــــــه said...

كويت

اييييييييي ذكرتيني نسيت اتكلم عن الاشكال اللي بالسينما!!

رحت فلم الرحلة الى مكه مالت اي ماكس

من كثر اليهال اللي يبجون حسيت اني رايح الرحله الى الحضانه

العرزالــــــه said...

بلوقر

القاعده تقول

طالما في مستهلك غبي

يدفع ولايدري

لأن فلوسه يايته بالساهل

ففي مستثمر يتلقى هالاشكال

قاطعته حاربته ماهمه

العرزالــــــه said...

فرانكم

خوش جول ذاك اليوم ها؟

العرزالــــــه said...

زيدون

تعليقك الاولي يصلح حق كل شي بالكويت

او تدري

يصلح للكويت بكبرها

بس ياخوي عسى مديرتهم موديرن

يعني تضبطنا بتذاكر شي تراضينا

والا اذا طلعت من النوع العربي لا بالله رحنا فيها صوري بكل مكان ممنوع ادشه

Anonymous said...

كااااااااااااااااك

لاجيء عاطفي

:)

انا بطلت ارووح سينما

دق على راجو يجييك اهو و جنطته و اجدد الافلام عنده بنص دينار


وان شريت زباده عطاك فلمين اب بلاش

لا و مترجم بعد


لا و مووووو مقطع بعد

العرزالــــــه said...

كات

ادري وربي ادري

انا رئيسهم اصلا

بس ابي اطلع اغير جو

وين اروح

دوانيه سينما شغل

الوضع انتحااار

Anonymous said...

هذاك اليوم منزلين فلم قدييييييييييم نازل من 3 سنيين

اللي قمت افرك عيوني اقول أخاف هذا فيلم جزء ثاني و انا مادري؟!؟

و مو من حلاته فيلم دايخ حالته بالويل

بس مايخالف على الأقل عندنا سينما، الحمد لله على كل حال

العرزالــــــه said...

danderma

اخيرا واحد يوافقني على نقطتي

Hussain.Makki said...

السينما بالكويت أخس من هالوضع عندهم عرزالة ، عادي عادي ..

أنا واحد شيّبت من السينما ينزلون فلم 2006 في نص 2008 !
يحطون فلم تقييمه 1 و 2 وأخس من جذي عادي ، ويقطعون حوارات لأجل الوقت !

يعني سوالف غباء لآخر درجة ممكنة!
الرابيدشير وإقطع :)

Mr_CHoCoLaTe said...

ههههههه صح لسانك

و هم نروح ما ادري ليش

العرزالــــــه said...

hussain

يامعود عطنا انفتيشن خل نسجل فيه!

العرزالــــــه said...

choch

لأن ماكو شغل!

Bashar said...

هاهاهاهااا...

والله فشله! انزين ليش جذي؟ طق مطاقق على الافلام الزينة اذا مقحطين بس زيدو العروض مالت الافلام الزينة عالاقل مو جذي...

بس تدري... شكله هذا طالعلهم مجانا وحطوا :)

انا اقول اذا جذي... سوا اعادة عرض حق الافلام الي صارلها جم سنه والناس ليلحين صج تبيها... اي شي بس مو جذي!