Saturday, July 4, 2009

عموما

البراك يرد على الخرافي الخرافي يرد على البراك البراك يرد على الخرافي
.
سعدون يرد على الصرعاوي الصرعاوي يرد على سعدون سعدون يرد على الصرعاوي
.
هايف يرد على القلاف القلاف يرد على هايف هايف يرد على القلاف
.
بورمية يرد على الشمالي الشمالي يرد على بورمية بورمية يرد على الشمالي
.
المسلم يرد على المحمد المحمد يرد على المسلم المسلم يرد على المحمد
.
الجويهل يرد على الطاحوس الطاحوس يرد على الجويهل الجويهل يرد على طاحوس
.
مرزوق يرد على السعدون السعدون يرد على مرزوق مرزوق يرد على السعدون
.
اذا اللي مفروض يكونون صفوة المجتمع هذي سوالفهم
يتهاوشون اكثر من يهال المدارس
وين تبونا نتطور
عموما
هذا مايطلبه المشاهدون
او
المخرج عاوز كده
مادري اي وحده فيهم
اعتقد الاثنين
:)

22 comments:

Q80 Blogger said...

الثانيه

المخرج عاوز كده

Fahad Al Askr said...

اليهال يتهاوشون ويحاربون ويصاحبون بدون مسجات

بومريوم said...

هذول فسوة المجتمع مو صفوة

الخيلاء said...

احنا المشاهدون ما طلبنا و عليه علينا

:)

حمودي said...

انت شرايك شالحل ؟

بو حامد said...

لا والله هذا لا المخرج عاوز كده ولا ما يطلبه المشاعدون

هذا ضياع للأولويات ونتيجه عدم التنسيق بين الكتل والنواب على ترتيب الأولويات وإقرار القوانين المتفق عليها ولا خلاف عليها بين الجميع

ma6goog said...

و النتيجة مكانك سر

أهل شرق said...

المخرج له دور أساسي

وفي نفس الوقت الممثلين الجدد يبون

يصيرون ابطال من اول فلم

كويــتي لايــعه كبــده said...

أولا "المخرج" غير و"الجمهور" غير ومثلك عارف

ثانيا بعض الأمور تستلزم رد
ولا تصير مثل اللي يسمي كل من لم ينبطح للحكومة بـ"نائب تأزيم". اللي يسمع يقول ان الحكومة مسوية اللي عليها لولا ازعاج الشعب وممثليه

فريج سعود said...

انت ما تحب افلام الأكشن المحلية ؟

مَـــــعْــــمَــــعَـــــه said...

دكتور ترى مو ناسيك والله ودزيتك الايميل مرتين عن طريق اللنك اللي على اليمين " للتواصل " بس المحاولتين بائوا بالفشل وراح ادزلك اياه عن طريق الهوت ميل باقرب فرصه

تحياتي

العرزالــــــه said...

بلوقر

انا اقول هيج

العرزالــــــه said...

فهد

اي والله

العرزالــــــه said...

بومريوم

hehehehe

العرزالــــــه said...

الخيلاء

امبلى من خلال التصويت لهالاشكال

العرزالــــــه said...

حمودي

ياخي انت كله توهقني

الحل عندي وانا بوهندي بس اخاف اتكلم انعدم

العرزالــــــه said...

بوحامد

وهالضياع بينهم لأن كثير منهم مو كفو

واللي وصلهم منو مو الناخبين المشاهدين!

العرزالــــــه said...

مطقوق

وانت الصاج للخلف در

العرزالــــــه said...

اهل شرق

صح لسانك

العرزالــــــه said...

كويتي

لاقلت جذي ولاجذاك

ولو الموضوع فيه ممارسة للدور الرقابي جان قلنا زين

بس مثلك شايف الوضع

العرزالــــــه said...

فريج

اموت فيها

العرزالــــــه said...

معمعه

انا ايميلي على الهوتميل!