Friday, July 10, 2009

التعريف الكويتي للدكتور



مايتعب
مايمرض
ماينام
ماياخذ اجازه
بالدوام 24 ساعه
ماينسى
مخه
Google
يعرف كل الامراض حتى الوهمية اللي بمخ المريض
يعرف كل الادويه حتى اللي مو معترف فيها
يعرف كل النفسيات
يعرف كل الامور اللي بالدنيا غير الطب
.
.
.
وآخر شي مايثقون فيه
لووول
>
ملاحظه لزملاء المهنه: بيدشون ناس ويتحلطمون والدكاتره فيهم والصحه فيها..وكلامهم فيه جزء من الصواب بس احنا نعرف الطبخه

:P

48 comments:

حياتي هدف مو عبث said...

أهلاً العرزالة
عاد أنا منغثة من جم دكتور ودكتورة اللي يعالجون صديقتي
ماعندهم ضمير ولا إحساس
أصلاً مادري شلون صاروا دكاترة
:)

Q80 Blogger said...

الطب مو بس وظيفه

الطب شي اسلوب راقي واخلاق عاليه

موجودين عندنا هذول ؟

maha said...

العرزاله


كيف الأحوال


للأمانة في دكتور كويتي بمستوصف منطقتنا اثق باللي يقوله وخوش واحد


بس مثلك عارف الشر يعم

كويــتي لايــعه كبــده said...

بالكويت نحتاج قانون
malpractice

ومشكلة وزارة الصحة كما هي حال بقية الخدمات الحكومية ليست دائما بالدكاترة أو الموظفين لكن بالإدارة

kuwaiti_cool said...

الطب وظيفه ذات طابع انساني

بالكويت عندنا اطباء
لكن نفتقد الأنسانيه بالعمل

ودمتم

طموحة مملوحة said...

لووووول

زين اذا ماعرف ما يقول ماعرفشي لوووول

والله يالعرزالة لعبوا بخلقتي لعب هالدكاترة لوووول

بس ماعليه والله لمن كنت صغيرة على بالي الدكتور مايمرض كلش فكنت اقول بصير دكتورة لوووول


الله يعينك ... بس انتو دكاترة الكويت اليدد وايد دلوعين والله لووول

Dakhtar Blue said...

انا اشوف ان هذه نظرة بعض الدكاترة لنفسهم

وهني المشكلة

esTeKaNa said...

خلوق من كوكب آخر
:P~
اهم شي ان ما يثقون فيه
لول

الله يحفظكم ويعطيكم العافية

سيدة التنبيب said...

مع احترامي لتعريفك لكن أعتقد أنه يمكن اختصار التعريف الكويتي للدكتور بأنه ماكينة ما تخترب !

دمت و جميع الأطباء بخير:)

هوا said...

الدكاتره بالكويت؟

اللي يعملون بضمير ويكسبون ثقة المريض قله نااااادره

والباجي! الله ارحم

مَـــــعْــــمَــــعَـــــه said...

الدكتور الكويتي له كل احترام وتقدير ومحبه بس بشرط ان ما يستلم خفارات .... وصلك الايميل طال عمرك

-mate said...

عاد اتصدق ويانا واحد بالجامعة مصيبة .. نفس المواصفات اللي ذكرتها

ماشالله عليه، عشان مايصير فيه شي
:)

ابن زيدون said...

هذه ضريبة الطبيب فالخطاء لايغتفر وايضا الحكومه و الشعب ككل ما يفرقون بين طبيب خريج هارفرد و طبيب خريج الفلبين
الملخص انه:
مشكلة الكويتين التقيم عندهم ماله ستاندر معين :(
فالكل يقيم الشخص علي حسب اهواءه

I7na 3shagnaha said...

يبون ساحر مو طبيب

ولا ليه قال اكو شيء حاس في بس مو عارف اشرحه

يعني اذا انت مو عارف شلون الطبيب بعرف

3ndena very easy access to the dr in q8

3shan chithy mako respect

+

kil shay free of charge

so mako tagdeeer

صقر قريش said...

العرزالة ياحبيب قلبي انته

بإختصار التعريف الكويتي للدكتور هو:

سوبرمان!!.

عرفت:)

لك وحشة دكتور.

دكتور في مرض جديد

اسمه

مرض الطرطنقه:)

شنو هذا دكتور؟

دكتور اذا طاحت طيارة على راسي شسوي؟:

سؤالين جاوبهم مو إنت دكتور:).

صقر قريش said...

عرزاله:

اذا كنت متضايق شوف هالحلقة:

http://www.youtube.com/watch?v=pdWxXCzNpZE

تحياتي

another day said...

hi king

نسيت تقول بعد

لماتصير عنده عياده
لازم مايتحرك من مكانه
حتى عزكم الله
الحمام ممنوع

عادأنا ينرفزوني الناس اللي جذي

يعصبون ويتحلطمون جان ماشافوا الكتور بعيادته

يعني شنو إهو مو بشر
دم ولحم

بس الصوره اللي حاطها إعجبتني

تبين صورة الدكتور في عيون مرضاه

Glass Fabric said...

انا مستغربة شلون اكو ناس ليلحين
ادشوون كلية الطب
! :p

الـسـنـبـلـة said...

ان صحة العبارة فهذا التعريف ينطبق من أول ما يدش الطالب كلية الطب ..

باسم الله أول كورس توه داش الكلية لازم يعرف كل شي

و هذا ينطبق على طلبة الصيدلة بعد === احم احم

بوسند said...

في موضوعين الكل يفتي فيهم :

الطب و الشريعة :)

الله يجيرنا من اللي يفتي وهو لا يعلم .. ويتكلم قبل أن يتعلم

بالتوفيق دكتور

Um il sa3af wil leef said...

وما يبط جبدي إلا دكتور الأسنان ..اللي يفتي بكل شيء..باطنيه ..أنف وأذن وحنجره واللي تبيه ..أو دكتور التخدير..
:)

العرزالــــــه said...

حياتي

اي بس مو كلهم

احنا شكو!

العرزالــــــه said...

بلوقر

نعم نعم شنو شنو كلنا مو زينين

:(

العرزالــــــه said...

مها

مو هذي المشكله

:|

العرزالــــــه said...

كويتي

على قولتك

العرزالــــــه said...

كويت كول

تعمييييييييييييييم

العرزالــــــه said...

طموحه

مو كلنااااا
احلى شي انتوا اليدد دعل

عسى ماتحطين مصاصه بحلجي ههههه

العرزالــــــه said...

دكتور

افاااااااا

العرزالــــــه said...

استكانه

والله انتي اللي حاسه فييييناااا

العرزالــــــه said...

سيده

بالضبط!!

العرزالــــــه said...

هوا

تعليق عادل

شكرا

:)

العرزالــــــه said...

معمعه

لوول اي

وكل ماييت برد نادوني الانعاش

العرزالــــــه said...

ميت

لوول مارين علي هالاشكال

العرزالــــــه said...

ابن زيدون

هذي التعليقات والا بلاش

العرزالــــــه said...

احنا

5 ستاااااار التعليق

العرزالــــــه said...

صقر

يابعد جبدي

والله انت اكثر :))))

العرزالــــــه said...

انوذر

تعليقاتج دايما كنجججج

العرزالــــــه said...

جلاس

شكراااااااااااااااا

العرزالــــــه said...

السنبله

مو دايما

:\

العرزالــــــه said...

بوسند

بالضبط!! يبتها!

العرزالــــــه said...

ام السعف

لوول لاحرام مو كلهم

صقر قريش said...

حبيب ياعرزاله بس ماعرفتلي شنو معناة مرض الطرطنقة:).

العرزالــــــه said...

صقر

الطرطنقي هو الشخص الطرطنقي

بس مرض الطرطنقه

لك هاي شنو نورني!

فريج سعود said...

انا ما اثق الا بدكاترة المستوصف المصريين

JooJ o MaJooJ said...

و الله تبي الصح يوم يدتي الله يرحمها بالمسشفى و يونا الدكترة الصغاار كلش ماكنت ألقيهم ويه او ماأخد ابكلامهم انادي الدكاترة الكبلر هيهيهيه سووري بس أكيد غنتا دكتور شاطر
جووج

العرزالــــــه said...

فريج

حتى انااااا

ZooZ "3grbgr" said...

بعيد عن الموضوع

بعد اذنك

سؤالي يقول

شنو استخدمت عشان تسوي الصورة العجيبه؟؟

فوتوشوب صح؟؟

وناسه علمني

قبل بس خط احمر الحين ابداع

:")

ماكو احد يلاحظ غيري صح؟؟

:p~~

moodart.net said...

دكنور .. انا اعتقد انه فيه شريحه كبيره من الاطباء الكويتيين موظفين
وليسوا اطباء

يعني " زي مابيئول الكتاب" لااكثر ولا اقل
مافيه ابداع
علاوة على هذا .. الموظف الكويتي له سمات ثابته ابرزها الكسل