Saturday, August 15, 2009

مساكم وصبحكم الله بالخير جميعا :)

شلونكم يالربع
وشخباركم
اتمنى انكم تكونون بصحة وخير وعافية انتوا ومن يعز عليكم
:)
صارلي فتره كل ماييت بكتب بوست
اقول شكتب
شكتب بالله!9
سبحان الله مادري ساعات الواحد يكتب يكتب ويشتط
اخر شي يوصل لمرحلة التشبع
مثل اللي يكتب ويبي يشوف نتايج
يصبر مره وثنتين وعشر
اخر شي يعاف الشغله
مثل اللي يغسل ايده
طبعا انا ماقصد اني غسلت ايدي بالمره
او اني صرت من حزب المتشائمين على قولتهم
لكن سبحان الله ساعات الواحد تصير عنده اولويات بحياته
شي ابدا من شي
ترا قاعد اسولف وافضفض ماكو شي يعني اللي يبي ينطر الزبده ترا ماكو
كلها سوالف بسوالف
او خواطر
ولهت عليكم قلت اكتب اللي ابالي
المهم ارد لنقطتي
فاقولكم مادري هل هو لقلة الاحداث اللي تصير
او لتفاهتها
او الاثنين مع بعض
يعني احس ساعات الاحداث هي هي
اللي يختلف الاشخاص والزمن
خل عنكم ان الاحداث نفسها مثل ماقلت لكم مو مهمة وايد
او ان حلها صعب ومو بيدنا ساعات
مثل وزير تعبان
شنسوي بالله نفنشه
مهما كتبنا
رئيس الوزرا بنفسه مستمر شكثر صارله
ومن فشل لي الثاني
ولك مالديني ماخلى بطوله مايابها اخرتها اعتزل
بس شنقول
فاذا رئيس الوزرا
والقانون نفسه
والتطبيق هو هو
والواسطات
طبعا بعضكم قام يسوي سكان على الكلام
scan
لانه معيود وتعرفونه
المهم اقولكم
فالوضع على ماهو
جامد
نفس التجاوزات
نفس المطالبات
نفس الظروف
رمضان ايي
الناس تدوخ وتطخ
يمكن الفرق اللي لهوا بالسفرات
واللي بالدوام
واللي بالزواج
واللي باشاعات ونكت البلاك بيري المليقه
او برامج الاي فون حق اللي راكبين راسهم ومعاندين مايبون بلاك بيري
وغصب الاي فون مينون
غير اللي لقولهم هوايه تفيدهم او تونسهم ابرك من اوضاعنا السياسيه
سياسه!9
Did i just say seyasa!
تذكرت
مجلة الفرقان
والمهري
واول مره اسمع عن تجمع ثوابت الشيعه
خابر بس مال الامه
بس حلو يسوون لنا جو
مثل القادسية والعربي
الفرق ان المشجعين هالمره سريّين
ماكو القبقب
ولا عبدالكريم خليفه مادري شسمه الله يرحمه مال القادسيه
ولا العقل بالمقصورة شوي وينطله عرج واهو يشجع
الا على طاري الرياضه
يضحكوني الوطن
كل يوم ينزلون نص صفحه بالرياضه
تقارير
ومقالات عن الرياضه
جنه اسكت الحين الدوري الاسباني مادري منتخب البرازيل عندنا
غير ان محد فاهم شالسالفه
بس ان صالح الملا مو زين
واول كانوا يكتبون عن مرزوق
وان الدخيل زين
وعيال فهد الاحمد طبعا اللي معاهم انشالله بناخذ كل بطولات العالم
وكتب رضا السماك وياطلابة رضا السماك
ورد عليه اشكناني مال القبس
والنصار يدش دعوم بالنص
خبري يكتب بالسياسه مادري وين
على طاري السياسه ليلحين موجوده؟9
اهم شي اني قاعد اكتب على طريقة
عبدين داه ميدان
ميدان التحرير
اللي مايعرف الاغنيه يسأل اللي يعرف
نرجع لموضوع مهم اخر
ميخالف انا بفضفض واقط كل اللي عندي لأن عادي افصل خدمة النت عقب هالبوست
من عقب البلاك بيري الواحد وين قام يستخدم اللاب توب
ومع زيادة الخفارات والدوام
اي بعترف لكم بشي
اول شي هبيت بتويتر
Twitter
تالي ماقام اييب راسي
درته فيس بوك
ضايف اغلب المدونين
بس وايد مايدرون ان انا
او انا ما ادري انهم يدرون
بالحالتين انا مقزرها شورت نوتس
يعني اللي ايي على بالي بو كلمتين ثلاث اكتبه
بعدين هناك ماخذ راحتي شوي هني برستيج ولغه عربيه وحركات
طبعا ماعاد بيها لغه عربيه ويني وين بهالبوست طشرت كل القواعد
المهم اقولكم
فالموضوع الثاني اهو سالفة القوي اللي يدزدز رسايل
لمعضومة والفلكي السعدون
يالحلو
ليش تحسسني ان ليلحين بالسبعينات
ترا اخترعوا كمبيوتر
فيه وورد
السي دي بدينار من حولي
والطابعات الله ماكثرهم
الحين الغانم مسوين عرض الليزر بسبعين ملونه
شتبي
اطبع ودز
تكتب بخط ايدك ليش
اكو ثواره اكثر من هيك
اكتب اكتب اكتب
والميزه تقدر تمسح وترد تكتب
تحط لنك
الوان حركات
يصير تهديدك حليو
ونقدر نقراه عدل
بعدين ياغبي ليش تدز الرسايل مع البنغالي مادري بظرف
اخوي ايميل او فيس بوك او تويتر او بلاكبيري او 100 طريقة وطريقه
ليش العنوه
ويا الويه يعني انا زورو الخفي المخفي
ولك روح موت
المهم شبقى من مواضيع
اي ماشالله
الجو يهبل
خيال
بس ما اقدر اقول اكثر من جذي
لأن يقولكم الريح من روح الله
ولاتسبوا الدهر فاني انا الدهر - حديث قدسي عن الله
فالله كريم
ورمضان ياي
يأذن المغرب بعد ال 6
ماكو جاي عالفحم وقعده طويله بعد الفطور لأن صيف
ثمان خالصين اخوي
وين وين
طبعا افنيوز ماكي ردبول هذيله انسى برمضان
حتى الفاست فود راحوا فيها
والمجمعات
ما عدا طبعا
الحين اقولكم
ياجماعه ترا اللي توه فاتح 360 مو الصالحيه
برمضان يصير خيال
وستاربكس يطلع فاتورة كل السنه بهالشهر
انزين وبعد شبقى
ليلحين في احد قاعد يقرا؟9
المهم بس ماكو سوالف خلصت
مبارك عليكم الشهر مقدما
والله يحفظكم ويسعدكم وينولكم اكثر من اللي ابالكم
واشوف وشكم الحلو على خير
:)

14 comments:

ayo0oh said...

انا الي لي الحين أقرا :)))

وطبعا صاحب الكتابات الحلوة ماتتطوف حتى لو كان ما عنده سالفه
المهم بالنسبه حق الفطور برمضان ٦ ونص والله يسهل علينا ماكو كستنه وشوربه عدس

ورساله معصومه الظاهر الي كاتبها كويتي بس مخه مخ البنغالي
لان ما اعتقد في انسان غبي لي هالدرجة

esTeKaNa said...

لا اله الا الله محمد رسول الله
!!
الحين انت لو كل سالفه كاتبها بوست مو جان احسن لك وللجماهير اللي تنطر يوم الخفاره؟
:))

Anonymous said...

ذكرتني اب
Saturday night live
في وحده تتحجى نفسك لازم تشوفها لول
http://www.youtube.com/watch?v=WnlPghYokgQ

just kidding just kidding just kidding ;p

أهل شرق said...

قواق الله

حياتي هدف مو عبث said...

راسي افتر من سالفه لي سالفة
أنا مالي خلق أكتب شي لأنه يتلي حالة
كل شي مو مهم كل شي سخيف
أنا شكو والناس شكو فيني
مزاج متعكر لأقصى درجه
يعني ممكن جريمة قتل عشان المزاج يتغيّر مع اني اشك
وانا ادري منو انت بالفيس بوك
لأني ادري من زماان
المهم لازم احد يخترع شي يديد
عشان قبل لا ازهق من الفيس بوك يكون شي 2 جاهز
بس اصابعي اتعبت

Eng_Q8 said...

اسمه فهد عبدالكريم مو عبدالكريم خليفه

الاثول داز الرساله بخط ايده ومعاها صور مسويهم بالفوتوشوب شارلك هولمز ما يحل هالمعضله

الزين said...

صباحك رايق ان شاء الله

مبدع بهالبوست يالعرزاله


جريدة اسم الله عليك

:)

ZooZ "3grbgr" said...

او برامج الاي فون حق اللي راكبين راسهم ومعاندين مايبون بلاك بيري
وغصب الاي فون مينون











لا تنغّز

لا تتكلم عن موبايلات الكبار

آل بلاك بيري آل

:@

aL-NooR . said...

افتر راسي .. بس مالك شغل قريناه
يمكن هالبوستات تنفع .. حسيته قرقيعان
صبــــــاح التحلطم ..و الفضفضة
:D

**********************

Hussain said...

!!ماعندك سالفة !!

بسصراحة استمتع بسوالفك صج ماتنمل

Anonymous said...

شلونك ؟

another day said...

المهــم إنــك بخيـــر


ولا انتالله يهداك كــاتب 60ألف بوست ببوســـت


::))))

أتغشمــر لا تزعــل شكلك ع الطريــف زعولي
ya king

Anonymous said...
This comment has been removed by the author.
رزنامــــــة said...

الله يهداك مابقى شئ ما كتبته لوووووول
قسط ترى الاقساط ميزة الكويتيين
بس الظاهر ان بورمية اثر عليك وطيحت القروض وقطيت علينا كل مواضيعك