Thursday, August 27, 2009

ملاحظه على الطاير

لما قناة سكوب عرضت برنامج
صوتك وصل

وايد ناس تضايقوا واعترضوا وطالبوا بوقف البرنامج وهذا اللي صار
عشان اعضاء وحكومة..بشر فيهم الزين والشين..وغير معصومين من الغلط
ولما وقفوا البرنامج
عرضوا واحد غيره
يتطنز على الدين من خلال الطنازه على تصرفات الدينين طبعا
لاتقولولي التصرفات المبالغ فيها لا كان في تصرفات دينيه صريحه وسليمه
مع ذلك وايد ضحكوا واستانسوا
سبحان الله
يثور الدم للخلق
ولايثور لدين خالقهم
مالكم لاترجون لله وقارا

12 comments:

Frankom said...

شفت ربع حلقة من صوتك وصل اما البرنامج الثاني ماشفته بتاتا
بس خلني اقولك شغله .. كون اللي يضحكون ويعضيون ترى اهمه نفسهم ماتغيروا

وبالنسبة لسؤالك عن الدين والدينين
لا تلوم الناس لوم الدينيين انفسهم اللي يابوا الكلام حقهم

اغلب الدينيين صارت اوراقهم مكشوفه وللاسف على افا الاسلام

زمن وصخ

نمووول said...

الخلق وراهم ظهر الدين محد يحامي له
ماشفت ولا واحد من الي ذكرتيهم بس شفت
اعلان صوتك وصل الله كريم

يمهل ولا يهمل

شكراً ..

ayo0oh said...

بصراحه مايستحون

سكوب قناة تفكيك الوحة الوطنية

انا لاني ملتزمه بالدين ولا شي

بس الشي الوحيد اللي تربينا عليه أن الدين خط أحمر مانقرب صوبه

ودايما الشر يعم والخير يخص

وربي حسيبهم

esTeKaNa said...

أنا اكتشفت للأسف ان كثير منا يفتقد الثوابت الصحيحة والأولويات اللي يحامي عليها
!!
افتتاحية القبس قبل كم يوم كتبت عن الوحده الوطنية ودست بين الكلام ان ما يهز الوحده اننا نبحث عن من هم الصحابة حتى لا يتم التطاول عليهم بعد كل هذي السنين وهذا امر من العبث لأن مو مهم
!!
ولا احد تكلم يا عرزاله
وكأن هالصحابة بشر عاديين
وكأنهم ليسوا بصحابة اشرف خلق الله اللي اوصانا أن لا نتعرض لهم بأي كلمه
وكأن الوحده الوطنية قائمة على التطاول عليهم سبحان الله
!!
ما تكلم احد يا عرزالة ولا استنكر ذاك المثال اللي ماله داعي
بس لما صار مسلسل وتعرض لشخصيات عامة قامت الدنيا وقعدت
:(
وحتى الضحك على اللحية وعلى تقصير الثوب وما شابه
اذا كنا ما نقدر نلتزم بالسنه
لا يعني ان نضحك ونستهزأ بسنة اشرف خلق الله عليه الصلاه والسلام


:(

SHOOSH said...

شنو البرنامج الثاني ؟؟

الخيلاء said...

استغفر الله

سكوب ينوا و قعدوا

و برامج التقليد افقدت نكهتها و عفويتها و صارت تستخدم للتقليل من شان الاشخاص و الاستهزاء فيهم

الـسـنـبـلـة said...

أنا اضم صوتي لاستكانة

و ياليت وقفت على التقليد و بس

السالفة صار فيها تجني و كذب على بعض الشخصيات و الطعن بأمانتهم و إخلاصهم

انا ما أقول إلا " ويل لكل همزة لمزة "

well_serviceman said...

العرزاله ، ترى الوضع طبيعي

برأيي الشخصي هذي حركه قديمه من قناة فاشله لرفع عدد المشاهدين والدعايه بدون دفع المال!

شلون؟ سو قضيه من ولا شي وخل الناس تكتب بالجرايد والنواب يتفاعلون ويزداد عدد المشاهدين ، لا أكثر ولا أقل!

أهل شرق said...

هذي نتيجة بلد مسؤولينه متخلفين

كل مسئول حاط لذاته خط أحمر

مَـــــعْــــمَــــعَـــــه said...

يا دكتور هذا اسفاف فكري وانحطاط لا اخلاقي وبالفعل اثبتت القناة انها مأوى لكل ساقط ولاقط

ويا دكتور ترى ما نرضى على العم احمد السعدون ولو البوست عقب رمضان جان قلت بفجر .... ما لم يقله مالك بالخمر

كويــتي لايــعه كبــده said...

ملاحظة في مكانها

محمد said...

من يقرأ التاريخ ... يجد أن الاستهزاء سلاح الضعفاء وشذاذ الآفاق ...ما ابي اوصفهم باوصاف اكثر من جذيه مع انها لايقه لهم

شكراً على غيرتك ... وغيرة قراء مدونتك

وعسى ربي يوفقك لكل خير