Thursday, October 22, 2009

مجموعة ال٢٦

بناءا على زيارتهم للامير
الامير صرح بان موضوع القروض انتهى وماكو شي غير صندوق المعسرين
هالشي حرق كرت النواب ودمرهم سياسيا لان ماعندهم شي ينجحهم بالانتخابات غير هالسالفه
واللي يضحك ان كل اللي اعترضوا على زيارة هالمجموعه للامير قالوا
لو ان هالمجموعة متكلمه عن منح الكويت للدول
لو ان هالمجموعه متكلمه عن البنوك
اهاااااااا
يعني السالفة مو سالفة مبدأ وان طالما في ممثلين عن الامه انتوا شكو تتكلمون
لا لا لا
السالفه سالفة شنوالقضية اللي انطرحت
بعدين حتى لو بعض النواب كان منطلق من هالمبدأ
يبا لاترحمون الناس ولا تخلون رحمة الله تنزل
لا انتوا اللي تسوون شي ولا تبون غيركم يسوي
شنو شارين الشعب انتوا
سجن
يالله زييييييين
:p

10 comments:

حسام بن ضرار said...

والله كفو مجموعة الستة و عشرين

و خل اللي يعترضون هالنواب و اذنابهم اللي معترضين على المجموعه

هذيل اهل الكويت و هذيل حكامهم الكرام

ابوابهم مفتوحه للرعية دايماً

بينما هالنواب و اذنابهم يبون يكمكمون اصوات الجميع عدا اصواتهم هم عشان يزايدون على قضايا البلد على كيفهم

إذا بعض هالنواب غريبين على النسيج الكويتي و ما فاهمين طبيعة المجتمع الكويتي و الابواب المفتوحه .. فهذي مشكلتهم

لا يلجونا و يعورون روسنا

enter-q8 said...

السمي انا اللي قاهرني ان الكل يقول دولة مؤسسات و اخر شي تلش
اما السته و عشرين فاعتراضي عليهم شنو جمع الشامي علىالمغربي و شنهي القضايا اللي احملوها فقط لا غير


همسة الى العزيز حسام بن ضرار
اللحين هالمصطلحات الله يرضى عليك عممتها على الكل
اذناب و خارج النسيج ووو

عالفكره تم اللي اعترضوا اهل الكويت و لودققت عدل السته و عشرين ما يمثلون اهل الكويت كلهم و لا احد عطاهم تصريح يتكلمون باسم الشعب
النائب يمثل الامة كامله اما اهم حتى تياراتهم قالت ما تمثلنا و سلم لي على الناطق الرسمي يوسف الجاسم اللي كان يبي يقدم برنامجه على سكوب

AliMorning said...

مجموعة مواطنين قابلوا الامير وقالوا رايهم..

النواب شكو ؟

AliMorning said...
This comment has been removed by the author.
well_serviceman said...

وليش مستغرب؟ مو الطاحوس يقول لوزير الماليه إنه اذا ما مشيت سالفة القروض راح نستجوبك على تجاوزات ماليه؟

يعني بفهم ، اذا الوزير مشى سالفة القروض ، راح يحرقون التجاوزات الماليه ويسكتون عنها؟ ولا شسالفة؟

نواب آخر زمن!

Q8i Orchid said...

أنا بس ودي أعرف أشمعنى 26 ليش مو 30أو 50 أكثر أو أقل ..
يعني بس أهم اللي يحبون البلد وقلبهم عليها وبعدين أهم مايمثلون كل فئات الشعب ولا فوضهم الشعب يتكلمون بالنيابه عنا ..
أنا موضد أي تحرك لمصلحة البلد لكن لازم يكون بطريقه صحيحة لتعم الفائده ..
وفالنهائه أقول صح لسانك عرزالتنا العزيز :)))

مركبنا said...

صرعونا ولجونا بعض النواب وعلى راسهم البراك بتصريحاتهم النارية !
ضد هل مجموعه

صج ديره ما يبون احد فيها يبادر وينجز عشان ما يكشف للاخرين عجزهم !

حنطفيس said...

الشرهه موعليهم الشرهه عالخرفان اللي مصدقينهم

يصطفون مع نواب قبايلهم

حسام بن ضرار said...

Enter-Q8:

عزيزي ,, ما عممت و خصيت المعترضين تبعاً لحجج نوابهم الذين يهدفون لكبت اي صوت آخر سوى اصواتهم هم

مالهم حق يسكتون احد

و فوق هذا استخدمت اداة شرطية و بعضت المقصودين لما قلت:

إذا بعض هالنواب غريبين على النسيج الكويتي و مو فاهمين طبيعة المجتمع الكويتي و الابواب المفتوحه .. فهذي مشكلتهم

و لك احترامي و تقديري يالعزيز

enter-q8 said...

حسام لاحظ انك قلت هذيل اهل الكويت
يعني اللي معترض باي خانه مو من اهل الكويت
تقبل الخلاف يا سيدي
كل من له وجهة نظر
و النواب ليسوا بغريبين عن النسيج الكويتي حتى افسدهم ليس بغريب
لنه كويتي و وصل باصوات كويتيين