Thursday, October 29, 2009

خلااااااااص


الصراعات والعناد المؤقتين بين المسؤولين دائما مايتحملها المواطن وتتحملها التنميه
هذا بكل دول العالم
اما بالكويت
نتميز بان هالصراعات لو تستمر بعمر المسؤولين اللي ماشالله مايخلص
فمافي اي مشكله
يحترق المواطن
يحترق البلد باللي فيه
ويتم الصراع
مثل الرياضه اللي كنا نتميز فيها
من اكثر من عشر سنين
واحنا مابين الخلافات وسوء الفهم وركبت الراس والعناد بين عيال العم على الفداوية
واللي على اثرها انحرم جيل كامل من ممارسة ومتابعة هالرياضه
===========
اليوم رحت اسوي جم معامله
شي مستحيل
الفساد وصل درجه ان مراقبين الدوامات مو مداومين بكذا وزاره
والوضع اصبح لايطاق
الدول الطاردة لابناءها عادة تكون فقيرة اوديكتاتوريه
الا الكويت
============
على الهامش موضوع متصل
من زمان ابي اكتب عن فساد البعض بالداخليه
اللي يهدون دواماتهم بالاماكن الحساسه اللي يصير فيها احتكاكات ومشاكل
مثل المستشفيات والملاعب وغيرها
ويتفرغون لملاحق البنات والتفاتيش صوب القز
وهالصوره اللي خذيتها من مدونة ولد الديره تشهد
شوفوا الهوشه
وشوفوا الصمنديقه مادري السمنديقه اللي نازل من دوريته وواقف ورا وحاط ايده بمخابيه
والله عيب عليه
بتقولولي شسوي بروحه
اقول على الاقل يحشم نفسه ويقعد بدوريته
وين الاسناد عنه
وبعدين حتى لو بروحه
شاللي بيخلي احد يتعرض له ومايحترم بدلته
غير اللي شجع هالحوش على عدم احترام القانون وان يبا سو اللي تبيه واحنا نطلعك بواسطه



25 comments:

Pinklemon said...

Hathii lkuwait sal 3ala enebeii ;s
tara siij eli ga3ed e9eer bedera shay mo 6abe3eii kil youm lazem fe nejra aw hosha etha ma legaw shay 3ala ay shayy esawoon SALFFA !! allah yaster mn ilyaay

فريج سعود said...

اسال الي بمخافر الجهراء يقولون لك انهم تعودا ينطرون الهوشة تخلص بعدين يتدخلون

Enter-Q8 said...

بالعكس زين سوى و قعد يطالع الهوشه و يحط نفسه شاهد اثبات
هذول طال عمرك شلة الفروسية مالت الفروانية
انا اشوف هالصورة تمثل واقع الكويت
طبعا من كل فئاته
بدو و حضر و شيعة و سنه و وو
بعدم احترام القانون

Blessed Orchid said...

ماقول غير :
من أمن العقوبة أساء الأدب ..!!
و اذا كان رب البيت بالدف ضارب فشيمة أهل البيت الرقص .. فإذا كان المسئولين والكبار متسيبين ولا يراعون ذمة ولا ضمير عند القيام بالاعمال الموكلة اليهم والفاشل والمهمل أهو اللي يترقى بالواسطة والمحسوبية في حين ان الكفاءات والمتميزين يحاربون وبشدة شتتوقع يكون تعامل وتصرف الموظفين اللي تحتهم ؟؟
للأسف أصبح هذا هو الحال السائد وأصبح كل ماهو عكس ذلك شاذ وخاطئ .. اختلت الموازيين

أبوغرايم said...

هههههه

أتوقع أنه الهوشه بالصوره أسبابها

( حيوانيه )

والمكان يدل على هالشي

(:

عموماً

ما ألوم اللي ينتقلون من المخافر و المستشفيات ضباط و أفراد

لأن طقتهم بـ فـلــس

و ماكو قانون رادع يحميهم !

خصوصاً وضعهم بالجهره

فـــلـــــم

(:

another day said...

صبـاح الخيـرااات


أنت تدري الشـرطة وش يقولون بهالمواقـف

عســـــاهم حرق إهم اللي يابوا لنفسهـم

ف ماعندهم مشكلة حتى لو الواحد يموووت جدامهم
تالي بيطلبون له الإسعاف وخلااااااااص

هذي الديرة كلن يشرع له قانون ويمشي فيه على مزاجه


الله يحفظنا بس

عين بغزي said...

كلامك سليم ميه في الميه

وزرة الداخلية للاسف وزراة واسطات

ومن أمن العقوبه ساء الادب

خير الكلام said...

مو عاجبك رئيس الحكومه؟ وحاط صورته يهذي الطرقه!! والله عيب فعلا من امن العقوبه اساء الادب يااخي انا قمت اشك ان اللي يكتبون هالمقالات ويهاجمون الحكومه انهم كويتيين معقوله؟!! وصلتوا لدرجه مافي احترام للكبير وللشيوخ ولقوانين البلد ولكن انا مااستغرب تدري ليش لانك من مدرسة محمد الجاسم الله يهديكم ويعز الكويت بأميرها وولي العهد والحكومه وشعبها

أهل شرق said...

مشكلة هالبلد في عدم تطبيق القانون

أهل شرق said...

والمشكلة سمو الرئيس اول واحد مايطبق القانون بالبلد

يعني سموه لازم يرحل

العرزالــــــه said...

Pink

الله يرد ايام هالاغنيه

العرزالــــــه said...

فريج

لا ومره داشين عليهم المخفر ومحررين رفيجهم

ولا اتالين جوب

العرزالــــــه said...

السمي

تصدق نبهتني وقعدت اتامل بكلامك

فعلا يمثلون الكويت

العرزالــــــه said...

بلو

من امن العقوبه

مشكلتنا بالكويت حتى ماكو عقوبه

العرزالــــــه said...

ابوغرايم

ما اعتب على اللي ينقل
بكفيه
اعتب على اللي مستلم ومايداوم

العرزالــــــه said...

انوذر داي

يا اخي واذا بليتم فاستتروا

خل يوخر مو مرتز بالصوره!

العرزالــــــه said...

عين بنغزي

اكرر
ماكو عقوبة حتى

العرزالــــــه said...

خير الكلام

اولا اشكرك انك شجعتني ارد على الشباب

ثانيا الصوره شفيها؟ مافيها غلط

ثالثا ارجو انك تبتعد عن الكلمات مثل اساء الادب وعيب(..احنا نعرف العيب ومتادبين

رابعا تتساءل اذا احنا كويتيين او لا فقط لاننا ننادي بالاصلاح حسب مانراه؟ اقدر انا اتساءل اذا انت فداوي لانك ماترضى نتكلم عن الشيوخ

خامسا لا تخلط الكلام احترام الكبير اللي يستحق شي واحترام الشيخ اللي يستحق شي واحترام قوانين البلد بمجملها شي ثالث..ومثل ماقلت لك الحمدلله ماغلطنا ونعرف نحترم

سادسا ايضا لاتخلط الكلام وتصنف الناس..اي واحد مو راضي على ناصر المحمد سويته من ربع الجاسم..وطبعا حلوه منك اللهم احفظ الامير والبلد كان احنا مو مشمولين بهالجروب اللي انت منهم

حبيبي

بكل اختصار

اذا كلامي ما اقنعك زور الشباب بمدوناتهم وشوف الحجج اللي حاطينها وقارع الحجه بالحجه

اما عيب واستحوا فهذي ماتمشي

:)

العرزالــــــه said...

اهل شرق

صح لسانك

shahad said...

قاعدة اقرأ كتاب اسمه الخليج ٢٠٢٥ راح اتحس الصورة اللي حاطها أهون مشاكلنا

بس الدنيا كوم واللي لحق أصورهم قبل الدم كوم ثاني شكله ضابط هم ماله خلق يدخل

العرزالــــــه said...

شهد

وين هالكتاب خنشوفه

منو مألفه؟

راعي تنكر said...

خلالالاصين
و3 و4

well_serviceman said...

رحيله فعلا بات من الضروره..

اما عن الهوشه ، فللأسف واقع نعيشه لا نستطيع نكرانه ، كل شخص يعتبر نفس فوق القانون ولا هيبه ولا حسيب.. افعل ما تشاء فانت في بلد...الواسطات..افعل ماشئت ومن ثم اتصال او رساله نصيه وينتهي موضوعك... إلى متى؟

تحياتي

أبو جيج مع الورقة البيضاء said...

عفوا..أثــق بالشيخ ناصر المحمد أكثر من التحالف و الشعبى و حزب الله و السلف و الأخوان

مغاسل الجبر said...

اهلا وسهلا بكم عملائنا الكرام كل عام وانتم بخير نقدم لكم افضل خدمات غسيل وتنظيف المفروشات والمجالس والكنب بافضل جودة وباسعار خيالية متوفرة فقط لدي مغاسل الجبر بالمنطقة الشرقية والتي تقدم لعملائها الفروع والخدمات الاتية

مغسلة الجبر
مغاسل الجبر
مغسة الجبر للتنظيف
مغاسل الجبر للتنظيف
شركة الجبر للتنظيف
مغسلة الجبر لغسيل المفروشات