Saturday, November 21, 2009

قلتها واعيدها

بتقولين نظرية المؤامرة بتقولون مو لهالدرجه كيفكم
بس انا مقتنع ان تقديم ٣ استجوابات مره وحده وبدون سابق انذار ورا الاستجواب المقدم لرئيس الوزراء
ماهي الا محاولة لتشتيت الانتبهاه عن استجواب المحمد وربما الدفع لحل مجلس الامه وبالتالي افشال استجوابه بكبره
والا من متى تقدم الاستجوابات بهالكثره؟ اخر مره بال٨٦ واسبابها معروفه
وتصير ساعات ان اكثر من نائب يهدد بالاستجواب
بس ان يتم التقديم ماصارت
بعدين
بورميه والبراك يوميا يهددون كل الوزرا
وماعمرهم قدموا استجواب الا سووا هولليله سنه قبل تقديمه
شمعنه هالمره سلموه بدون مقدماتهم المعروفه؟٩
والوعلان قايل بأجل استجوابي لصفر عشان لا نفشل جلسة القروض
شاللي غير رايه وخلاه يقدمه؟٩
والحين الطاحوس دش عالخط يبي يستجوب وزير الماليه
انا حاس ان الموضوع في ان
وفي مخطط على قولة الخطيب للانقلاب على الدستور واقتياد الناس للكفر بالديموقراطيه
والدلائل وايد من بينها التدريب اللي سواه الجيش مادري الشرطه لمكافحة الشغب
والله ان يت هالايام بتكون سودا
والحريه بتروح
وماراح يعود لك احد يطالب بحقوقك
وبتصير ديرة فداويه وكثر ماتذل عمرك تاخذ حقك
ما اقول الا الله يسامح اللي وصل هالاشكال وشجعهم على طرحهم

16 comments:

honey said...

ana ma 3indy ta3leq 3al mawtho3 ;p bss lish min 20 dasy ma76o6 oo mako wala comment ;/

ZooZ "3grbgr" said...

يعني مو بس بروحي افكر بالموضوع بهالطريقه

تدري ليش؟؟

من زود الثقة بنواب الغفلة

!!

بس سؤال

علامها صفحتك صايرة جذي

أول أحلى

:/

حنطفيس said...

يعني قصدك ضمير الامة يسعى الى تعطيل الدستور ؟؟
وشلون يرضى رمز الامة بهالشي ؟؟؟

AliMorning said...

يعني الوعلان وبورمية والبراك ما يبون ان رئيس الوزراء يتم استحوابه ؟
ليش؟

مركبنا said...

فداوية بلباس الديمقراطية ..

ولا كملها التجمع الاسلامي الجديد

وكلهم عيال حكومتنا الرديه !

mtfa2el said...

و الله انا صاير حكومي
و أيد الحل الغير دستوري

خلونا نتنفس سنتين لما الناس تعقل شوي
الحين وجود المجلس غلط
حتى نفسيات الناس صارت تعبانة
شنو المشاكل اللي قاعدين يناقشونها و يحلونها
جدل بيزنطي على الفاضي و هذا احنا مكانك راوح
غير تفرقة بين المجتمع الواحد و تفكك و كل واحد يتكلم على الثاني و السبب المجلس .. واسطات و عماة عين و محسوبية و هدر للمال العام و كله من المجلس

سرقالي said...

أنا اعتقد أنهم يحبون البطولة
قاموا يتسابقون قبل حل المجلس
تدري الكومبارس و حركانهم

someone_q8 said...

السلام عليكم

الظاهر يبون نكسه مرة ثانية عشان يستعدلون

الحكومة + المجلس + الشعب = مسؤلون لما وصلنا له من مآسي

الكل مشترك ومدام الشعب قاعد يوصل الاعضاء الى هذا المجلس و ما يحاسبهم ويردونهم مرة ثانية , شنو معناته ؟

well_serviceman said...

كلام منطقي يالزميل ، ولكن هناك أيضا كلام منطقي آخر يدور في الأجواء،

هناك من يقول بأنه سوف يتم تقديم إستجوابات "زيادة" في الأيام القليله ، لتصبح الحكومه أكملها مستجوبه وبالتالي بفعل عدم التعاون ويحصل ما يحصل؟

انا حقيقة لا اريد الإستعجال ، بحيث أن كلا الطرفين يطرحون طرحا عقلانيا وقياسا جميلا ، لذلك سأتريث قليلا وأتابع..

تحياتي

الأستاذ مزيكا said...

اممم شنو مشكلة الاستجوابات الكويت توقف البلد على كف عفريت
وشنو مشكلة الفداويه الجدد ذابحينا كله استجواب قبلي
اذا انتم مو قد الديمقراطيه والحريه خو خلاص طالبو الحكومه تحل المجلس وتحطلكم مجلس شورى او اعيان

شفيه مركبنا صاير حجيه حجي رياييل

عاجـل said...

ما اعتقد انها مؤامرة بل هو سباق
وكل واحد من النواب اللي قدموا استجوابات
هدد فيها من زمان وايد
بس المكشلة في التوقيت والمسخرة ان اللي كنا متوقعين الدور عليهم كلهم طلعوا اوت

DiLLi O MiLLi said...

وأنا أأيد نظريتك


والله لا يسامح اللي وصل هالأشكال
لااا دنيا ولااا آخرة

بنت الشاميه said...

عيدك مبارك وتقبل الله طاعتك

فــــــرنـــــــاس said...

كل عام وأنت ومن تحب بخير

فرناس

أهل شرق said...

كل عام وانت بخير

والعيد عليك مبارك وسعيد

Blog 3amty said...

العيد عليك يتبارك وعساك من العايدين الفايزين :)