Saturday, December 19, 2009

انسوا الجويهل

سؤال عام
شالمفروض يكون موقفنا في قضية مزدوجي الجنسيه؟٩
كل الجناسي السعوديه والايرانيه والسوريه والامريكيه والبريطانيه و و و و و الخ
؟

18 comments:

well_serviceman said...

مواقفنا مو مهمه دام الحاصل هو الآتي:

ممنوع قانونا في كل دولة من الدول اللي ذكرتها سحب جنسية الشخص المعطاة له ، يعني بامريكا ممنوع تسحب جنسية واحد ماخذ الجنسية الأمريكيه ، وبالسعوديه نفس الشي

السؤال اهو ، شنو تقدر تسوي الحكومه بهالموضوع؟

Enter-Q8 said...

موقفنا مالنا موقف
الموقف موقف الطرمان وزارة الداخلية اللي مستانسين وما يطلعون يعلقون بتعليق بسيط واحد يقولون فيه
ان الملف هذا من صميم عمل وزارة الداخلية و اي قصور فهو من جانبناو من لديه معلومات يزودنا فيها فقط
مو مخلين السفيه ماسك الملفو يقص على الشعب فيه

عين بغزي said...

مشكلتنا بالكويت
هي:
أ: مشكلة شخصيات تجاريه وأختلاف مصالح يتم تعميمها على المجتمع

ب: مشكلة افراد ذوي سلطة ما وأختلافهم على أمر ما ويتم حشد الفرق المؤيده والمعارضه وتتم تصفية الحسابات بين الفريقين

ج: استغلال بعض الأغبياء والسجذ من المجتمع وتحريكهم لمصالح خاصه

د: خلق مشكلة ما لدى المجتمع حتى يعيش في دوامه من الأحداث وتمرير صفقات على حساب التنميه وسوف اكتب مقالة تحذيره بخصوص المعلومات ألي املكها عن هذه الصفقات.

بالنهاية اسألة كثيره والجواب ماكو إصلاح إذا مافيش تنميه
لاطبنا ولا غدا الشر

bo rashed said...

اخوي العرزالة

اسمحلي اختلف معاك بعنوان البوست

اللي سواه هالطبل صعب نسيانه
لانه ترك جرح كبير في جسد هالوطن اللي اهو اصلا مو ناقص جروح

موضوع مزدوجي الجنسية من السهل جدا معالجته وبحكمه

وعلى سبيل المثال
يتم استدعاء من يملكون اكثر من جنسية
ومخاطبتهم بكل سرية حفاظا على كراماتهم واعطاءهم مهلة لتسوية اوضاعهم

لكن شلون نقدر نعالج اللي سواه الجويهل في برنامجه سيء الذكر

يارجل هذا قال كلام مايقوله مجنون

عندك مشكله مع مسلم مع بورمية مع سعدون حماد تنياز انت وياهم
بالشيطان يطير فيكم

لكن لاتدخل قبائل الكويت وترميهم بهالكلام المأفون

شنو يعني يقول

طراثيث عن اللي صفقو حق مسلم

شنو يعني مقيز وجنقل

عــــــــــــــــيــــــب

لما يقول اسرار شخصية عن مسلم البراك
سواء كان صحيح او مو صحيح
واقصد فيها مدام نون اللي قال ان مسلم متزوجها
هذي حياة الناس الخاصة اللي مايجوز نخوض فيها

انا ادافع اليوم عن الكويت كلها

واخوانا من القبائل امتداد لنا
اهلنا وناسنا وعزوتنا

واللي سواه هالناقص

فتنه مابعدها فتنه

الله يستر عليج ياديرتي من خبال
بعض عيالج

والله المستعان

واشرب ال
6
صفر
اللي شربوك اياها
ريال مدريد
:)

تحياتي

الفيلكاوي said...

سهلة تطبيق القانون واللي عنده جنسية بلد ثاني محد طقه على ايده وعطاه.
يجب أن يختار بين جنسية البلد و الجنسية الكويتية
ياجماعة ترا الجنسية الكويتية عزيزة مو أي شخص ياخذها

Eng_Q8 said...

هذا الي انسويه

http://kuwait61.blogspot.com/2009/09/blog-post_11.html

حسـّون الملعـون said...

لأن النفوس مو صافية
لأن الكراهية زادت بين البشر
إترك عنك النفاق اليومي بين الناس بالحياة العامة
وشوف شنو بالقلوب

راح تلاقيها سودة

اللي يخطط لهالاشيا
ما يخطط عبث

تهقى مافي ناس مستانسين من كلام الجويهل؟

تهقى مافي ناس تفكيرها نفس الجويهل؟

في كثيرين مو شوية

الكراهية من الطرفين, الحضر والبدو

كراهية صارت فطرية ومن غير لا يحسون فيها

وقامو يورثونها لعيالهم واقرب الناس لهم

الخطأ مو بالجويهل, ولا بدهداري, ولا بشلة سكوب

هذولة مجرد أدوات, لها تاريخ صلاحية وراح تنقط مثل ما انقط غيرهم بالسابق

اللي يخطط لهالاشيا ملم بتركيبة المجتمع الكويتي

ويعرفها عدل

لما يشد على خيط
او يرخي خيط

فهو يفعل جذي بحرفنه

----

المشكلة ان النار لما تشب يكون سببها شرارة صغيرة

وبأحيان كثيرة يصعب علينا اطفائها

عمرك سمعت عن حريقة كانت نهايتها سعيدة؟

النار لي شبت تحرق جميع الاطراف

مافي احد رابح واحد كسبان

الحل باصلاح النفوس, ولو انها مهمة صعبة

لان اغلبنا فاسدين

وناخرنا السوس من داخل

العرزالــــــه said...

well

تسحب الكويتيه او تقلل امتيازات صاحب الازدواجيه!

العرزالــــــه said...

السمي

هذا كلام حلو وصحيح

انا ابي مشاعرنا من داخل نسكت نتكلم شنسوي

العرزالــــــه said...

عين

ايضا كلامك صحيح وروعه

بس سؤالي كان وايد ابسط

العرزالــــــه said...

بوراشد

درر والله

ونبهتني عالعنوان وانا ياغافلين لكم الله يزاك الله خير

انا دايما كنت اايد الاستدعاء السري ويتفاهمون وياهم

شسالفة ٦ الريال؟

جنك قمت اتحلم يابوراشد لوول :P

العرزالــــــه said...

الفيلجاوي

رايي من رايك بس التطبيق مو سهل

العرزالــــــه said...

مهندس

صخر!!

العرزالــــــه said...

حسون

اصلاح النفوس والرضى بالحاصل؟

الفيلكاوي said...
This comment has been removed by the author.
الفيلكاوي said...

أخوي العرزالة
انا قلت لك سهلة وتطبيق القانون أسهل في حالة وحدة
أمنع الواسطات، أمنع حب الخشوم، خل المسئول يطبق القانون بعيد عن المحسوبيات، خلونا نطبق قانون واحد اللي اهو في الدستور، ونمتنع عن تطبيق قوانين العائلة والقبيلة
www.failakawy.com

Pangion said...

الموقف موقف الحكومة اللي تحط قوانين وماتطبّقها .

كويــتي لايــعه كبــده said...

لا يجوز امتلاك جنسية أو وثائك رسمية ترمز لتبعية دول أخرى بنفس الوقت مع إمتلاك الجنسية الكويتية

وإذا كانت وزارة الداخلية أو استخبارات الدفاع تملك دليل على أشخاص كويتيين وغير كويتيين بالوقت نفسه بل وأكثر من هذا فمنهم من هو متعاون مع العراق بكونه عراقي أصلا فنحن من أول وأشد المطالبين من الحكومة بتطبيق القانون عليهم واجبارهم على إحدى الجنسيتين الكويتية أم الأخرى

القانون واضح ويفترض تطبيقه على ممتلكي الجنسيات الإحتياط من الخليج والعرب والغرب أيضا