Friday, January 1, 2010

امريكا والكويت

تعدادهم يفوق ال ٣٠٠ مليون وتعدادنا يادوب المليون
الصيني يجاور الافريقي واحنا العرب اللي من اصول مختلفه شوي كل واحد بمنطقه
البوذي يسكن مع المسيحي واحنا مسلمين تختلف مذاهبنا كل واحد بمكان
اهم اكثر الدول تقدما واحنا من اقلها تقدما
السبب مو احنا
مو الشعب
السبب يطول ويصعب شرحه
ولكن
في
٢٠١٠
اتمنى كل واحد يغير نظرته لاخوه
اتمنى كل واحد يوسوس له شيطانه وتوزه نفسه ناحية غريزته العنصريه انه يغلب العقل عليها
تعوذوا من ابليس
وكل ماتذكرون خطيئة فئه تختلف عنكم من المجتمع
تذكروا اذا كانت فئتكم خاليه من هالاخطاء او من اي اخطاء اخرى
حطوا نفسكم مكان غيركم وحاولوا تفكرون بتفكيرهم وتفهمونهم
بادروا لاتقولون اهم اول
بس
حرام والله حرام علينا
الكويت تقطعت
حرقناها واهي اللي ماقصرت ويانا حتى بالغزو
على شنو
محد فينا ميت يوع
كل عنده بيته وسيارته وقوت يومه وعياله وصحته وغيرها من النعم اللي غيرنا يحلم فيها
عموما
اتمناها سنة تغيير
سنه يبدي الجيل اليديد فيها يصحح مآسي من سبقه
وكل عام وانتم بخير

18 comments:

someone_q8 said...

السلام عليكم



اتفق معاك و اللهم آمين

عين بغزي said...

كل عام وانت بخير

enter-q8 said...

يالحضــــري

بو عبدالملك said...

اولا عيب عليك تقارن المسلم بالمسيحي والبوذي الكابر

ثانيا
الشريعه الاسلاميه احمتنا اكثر من الف واربعمية سنه وكانت الدوله الاسلاميه من شبه الجزيره الى تركيا وماكان في شي اسمه كويتي وسعودي لكن كان في شي اسمه مسلم وكافر
يعني ولاء وبراء

لكن بعد سقوط الدوله الاسلاميه تبعنا دولة الكفر امريكا وتم تقسيم الدوله الاسلاميه الى دويلات تافها
وتم ازالة الصبغه الدينيه ووضع الصبغه الامريكيه البدعيه الا وهي كلمة مواطن

ونسوا شي اسمه المسلم اخو المسلم وخلوها مواطنه علشان تحب المسيحي واليهودي لانه من وطنك يعني بيقصون على المسلمين
بعدها يقولون يااخي انتوا ليش طائفيين وانتوا ليش فئووين يااخي اخوانه السيح
طبعا بعدها حطووا لج حكام خونه وعملاء وعن طريق الحكام الخونه قاموا يفرقون بين المسلمين باسم الديمقراطيه والحريه والي برا ليه والعلمانيه
ومباراة كرة القدم وخير شاهد مصر والجزائر
وشغلات واجد

يااخي انت انت الحين لو تدري ان جارك بدون تتغير نظرتك فيه
تبي الكافر بعد

ياعمي انت بالتاريخ الهجري ماباركة للناس لكن بالميلادي باركة لهم

شوف الامركه
ياعمي اصلح حالك بعدها تعال اصلح الناس
ماذا قدمت للدين الاسلامي؟؟
هل فعلت شي
ولا بس تاكل وجبه وتحب راس الامريكي وتنام

العرزالــــــه said...

Someone حبيبي انت :)

العرزالــــــه said...

عين وانت بخير ياحبيبي :)

العرزالــــــه said...

السمي/ تحضر لك العافيه :*

العرزالــــــه said...

بوعبدالملك/ سللللللللم

بـــــقــشة said...

كل عام وانت بخير اخوي العرزالــه
وان شاء الله تكون سنة خير على الجميع وتقبل الله دعائك وباركلك في سعة صدرك على على هالنماذج الي تنهق :)
ومشكلة ان حتى التدين ماقدر يهذب هالجاهيليه
واسمحلي بهالتعبير الي بصراحه الي مالقيت اصدق منه ياشين السرج على شسمـــه ,,,, انت وين والنقاش وهالسوالف اكبر من مستواك بس مانقول الا العرزالـهالله يعينك هذي ضريبة العقليه المتفتحة الي ممكن تستوعب النماذج ;))

well_serviceman said...

كلامك عين الصواب

كل عام وانت بخير ، والله يجعلها سنة خير على الكل

تحياتي

الأستاذ مزيكا said...

كلامك صح والقناعه مهمه والحسد اللهم ياكافي تبعده ونكون حنا بخير

والحديث...ليس منا من دعي الى عصبيه

@alhaidar said...

ئي والله يا ليت ..

كل عام وانت بخير ..

العرزالــــــه said...

بقشه

مشكله اللي مايقرا بعقله ويشغل السي دي على طول

العرزالــــــه said...

ويل

هلا بالحبييب

العرزالــــــه said...

مسمار

صح لسانك

العرزالــــــه said...

احمد

شلون قدرت تكتب اي جذي عقدتني

Mariam said...

بو عبدالملك:
الكلملة الطيبة صدقة هذا كلام الرسول عليه الصلاة والسلام وأخ عرزالة حر بتصرفاته اذا يبارك بالعام الهجري أو الميلادي و كيف تعرف انه لم يقدم شي للاسلام .ولو تقرأ الموضوع بروية لما قلت أنه يقارن المسلم بالمسيحي!! هداك الله

kuwaiti boys said...

كل عام وانت بالف خير