Monday, August 9, 2010

TENSION!

الوضع بالكويت صاير وايد تنشن ومتكهرب. ولما اقول الكويت اقصد كل مكان..بالاماكن العامه بالدوائر الحكوميه وحتى بالبيت الواحد وبين الربع. القاعده اصبحت انك تكون متأهب للشد والنجره..والاستثناء ان تسير الامور على مايرام. عدد حوادث السيارات..وعدد مرضى جلطات القلب والدماغ وغيرهم من الامراض في ازدياد مخيف..ويترتب عليهم بالطبع عدد الوفيات.٩
.
شاللي صاير؟ الامور التي "قد" تستحق مثل هذه التصرفات غير موجوده بالكويت ولله الحمد. بمعنى اخر، احتياجات الفرد الاساسيه لحياته اليوميه مكفوله ومضمونه بعد الله من الحكومه..ولا في احد يموت جوع في الكويت..لا مواطن ولا وافد.٩
.
ليش الكل منفّس ومتنرفز ومايتحاجى؟٩
هل هي التكنولوجيا؟٩
هل أصبحنا في عصر السرعه وكل واحد يبي كل شي يصير بسرعه؟٩

11 comments:

mtfa2el said...

مو بس عندنا

أعتقد في غالب الشعوب العربية .. جم مرة سافرت دول أجنبية و كنت ألاحظ العرب عموما و الخليجيين

دايما تلاقي الأبو متنرفز و يزف بعياله
الأم متنرفزة من تنرفز الأبو و حيلهم بهالعيال
كله يشكون باللي يبيعون انه قاعدين يقصون عليهم فبالتالي تلاقيهم منفسين و ماكو ابتسامة و على ادناة الدون يتهاوشون معاه و خذ عاد هوشات من نوعية حطيني على بالج و زفيتها خليتها بيزة ما تسوى

بالمطار و قبل الطيارة خذ توتر
طبعا الكثير و ما أعمم على الكل

لكن في المقابل .. كثير من الشعوب الأجنبية
الابتسامة حاضرة و سعة البال تلاقيها عندهم آخر حلاوة
تلاقي و تلاقي بس الابتسامة شي مشاهد عندهم جدا

Sara Ben Dhaif said...

احتياجات الفرد الاساسيه لحياته اليوميه مكفوله ومضمونه ..

le2ana Ma7ad Ra9'i 3an il wa9'3 ili ohwa or ihya 3aysheen feeh .. dayman e6al3oon 3'erhom o dayman o i7isoon ina fie shay nagi9hom 7ata lo kanaow ib 5er o ni3ma o kil shay mi7tajeena [asasy] mitwafer lihom .. il 5eer il 7imdela wayed lakin il 3een lel2asaf ma tishba3 ma tishba3 !!

.. "lالقاعده اصبحت انك تكون متأهب للشد والنجره " .. le2ana il nas ta3awidaow ma y6eegon min a7ad kilma .. o kil shay yit7awal li2mer sh59y ba7t o kil kilma tingal tetfasar tafseer thany yinagi9' il mougif !! fa kil shay yit7awar lijidal .. o kil shay i9eer nijra at the end ..

.. alla y3ena il kil o ya9li7 7alna ajma3een .. luvd the post .. Thank you alot.

مَـــــعْــــمَــــعَـــــه said...

باعتقادي الطقس له علاقه بالموضوع

فريج سعود said...

وداعتك البلاك بيري واحد من الاسباب


وثانيهم النكت القديمة

وعزيزي المليق ثالثهم

Q80 Blogger said...

أعتقد بأن ظاهره الإحتباس الحراري وراء ما يحصل

الحياة حلم said...

مجابل الكمبيوتر واحد من الاسباب
و الناس بالكويت ما يتحركون وايد
بسبب الحر كل مكان نروحه
بالسيارة
صاير فينا طاقة زايدة مو منفسين عنها
والله الحركة تطلع الطاقة السلبية اللي بالجسم

بنت الشاميه said...

مبارك عليك الشهر
اللهم اهل علينا رمضان بالامن والامان والايمان والسلامه والعون بحسن العباده

كل عام وانت بخير

مَـــــعْــــمَــــعَـــــه said...

مبارك عليك الشهر

كل عام وانت بخير

أهل شرق said...

مبارك عليكم الشهر

وعساكم من عواده

well_serviceman said...

مبارك عليكم الشهر
وينعاد علينه وعليكم بالخير يارب
تحياتي

بو ذياب said...

لا تلومنا الحر والرطوبة :)
مبارك عليك الشهر