Saturday, December 15, 2007

كويت الماضي..وكويت الحاضر

37 comments:

dreamer said...

اللحن حق
yanni
أثر فيني وايد
أعتقد إنا تخطيط القلب للإنسان الطبيعي يشير إلى إنقباض و إعادة ضخ
من جذي مخطط القلب يصعد و ينزل
و لكل شعب و دولة فترة إزدهار تليها فترة ركود
أهم شي الإنسان يكون واضح في طلباته و يبتعد عن التشنج
و يعطيك العافية على الفيديو
: )

على نفسها جنت براقش said...

الله يقطع ابليسك انت الحين نايم و انا ابكى
عورت قلبى ذكرتنى بعزنا اول

و موفق بالموسيقى
:)

حلوه وتحرك المشاعر مع الصور

dreamer
the music
nest bar II
om lounge

بنت الشامية said...

جهد تشكر عليه

وبحاول اجاوب عن السبب

العيب فينا ومنا تركنا اللى يسوى واللى ما يسوى يخيط ويفصل فينا واحنا ساكتين.....احنا بني صامت
لازم نغير اللى فينا بايدنا مو ننطر احد يغيرنا....هذول مثل اليراد اللى غط سمانا واكل الاخضر واليابس
تحالفوا علينا باسم الدين والعادات والتقاليدوالاعراف
واحنا خمرنا نخاف يتهمونا بالكفر والتفسخ والانحطاط
اعتقد كافى ما سووه فينا وفى ديرتنا
حان الوقت نشمر عن سواعدنا
ونغير ونتغير
والايد الوحده ما تصفق
والجماعة قوة فلنبداء ولا نتاخر
يعطيك العافيه على الفيديو
:)

بوصالح said...

جد عورني قلبي

عساك على القوة و مشكور

و الله يرد رجال الدروازة

Anonymous said...

ما قصروا الشيوخ لما قووا شوكة المتأسلمين لضرب القوى الوطنية الديمقراطية و أقاموا التحالفات و لا يزالون يقومون بها لتحقيق مصالح الإثنان و التي لا تمت بصلة لمصلحة البلد أو تمكينه من البقاء في ظل الزواعب التي تحيط بناو يايبين لهم جوقةمن نواب نكرةخونة مهمتهم تجميدالسلطة التشريعية و مؤسسات الدولة جميعها و أن يوصلوا الناس قاطبة إلى قناعة بأن و جود السلطة التشريعية معوق و استبداله بحكم مطلق للصباح سيقودنا للاستقرار ..و من الواضح أنهم نجحوا بذلك..هل لدينا القدرة بأن ننفض عنا غبارهم؟

Eng_Q8 said...

شقول ؟؟؟؟ مااقول غير ابداع

يعطيك العافيه ... بس صج عورت قلبي لا تشوفني بالضبط بالضبط دخنت 3 زقارات والرابعه بايدي وانا قاعد اشوف الفيديو عورت قلبي والله

والسبب احنا الي ساكتين

لابد من وقفه والوقفه قادمه انشالله

يعطيك العافيه

Salah said...

السبب هو اننا الى الان نحلم باعادة امجاد الماضي

والمفروض ان ننظر الى المستقبل ولا نعيش طول عمرنا في الماضي

الاسلاميين يحنون على عصر الخلافة الاسلامية واحنا نحن على العصر الذهبي ايام السبعينات والثمانينات

ButterFlier said...

دمعتي إنزلت والله

الله يسامحك زاد الكدر

العرزاله said...

dreamer
معلومتك صحيحه عن تخطيط القلب ولكل زمان رجال ولكل امه عهد ازدهار وانحطاط ولكن نقول لي متى؟

=============
براقش
حياج الله وترا هذا اول فيديو اسويه قاعد اجرب فيكم :)

============
بنت الشاميه

وعشان جذي حاط لنك مدونة بيت القرين

نبي حلول فعليه ملينا من الكلام

شاكر لج مرورج :)
============
بوصالح

سلامة قلبك وحياك الله :)

==============
مجهول

نعم لدينا القدره انشالله واحنا الشباب وطاقة هالبلد وصدقني اذا حطينا ايدنا بايد بعض نقدر نوصل للي نبيه

==============
مهندسنا

حبيبي حياك الله

ولو ادري منعتك تشوفه الله يهداك 4 دقايق 4 زقارات؟ لو امدد الفلم جان شصار

:)
==============
صلاح

مو هذا الهدف من الفلم

التذكير مو للتأمل بس والتغني ولو اني حطيتها اخر شي

المقطع عشان نحرك مشاعرنا ونشوف ان احنا مو ناقصنا شي عشان نرد للماضي واحسن

بس يبيلنا اراده وتعاون وتسامي على خلافاتنا هذا الموضوع

واتفق وياك التعلق بالماضي بس بدون الاستفاده منه هو احد اسباب تخلفنا

================
بتر فلاي

بالعكس المفروض تتفائل ان هالديره فيها طاقات وعقول ممكن تخلينا نتميز مثل اول واحسن

:)

حمودي said...

اتفق مع بنت الشامية

فتى الجبل said...

فقدنا وطنيتنا
وضاعت ديرتنا

Salah said...

I agree. Thanks

العرزاله said...

حمودي

وانا بعد وياكم
:)

العرزاله said...

فتى الجبل

رادين بإذن الله وبجهودكم

العرزاله said...

بوصلوح

:)

Ni3Na3aH said...

allah yhadak.. shway o kint ra7 abchy 3ala cham sha'3la...
;/
akheeeeh 3ala deeratna
hmmm.... shino el sebab??
.... ;x
ya36eek el 3afyah..
nice post

حمد said...

احيانا يكون الاحساس بالالم دافع قوي للرغبة في التغيير .

تحياتي لك وفيديو رائع

ZoZOta said...

حسيت الكويت طفل صغير مضيع امه
يحتاج حضن
يحتاج احتواء
يحتاج عنايه
ويحتاج تربية
آآخ يا ديرتى
عورت قلبي يا عرزاله
وضيقت خلقى
احلى بوست شفته يتكلم عن واقعنا المرير

والموسيقى كانت جدا موقفه
يانى

:)

يعطيك الف عافيه
ابدعت

bass said...

عرزالة

فيديو رائع , ما راح نقول يا ريت ترجع ايام زمان بنقول لازم نتغير و نصير احسن من ايام زمان

دمت بخير

كويــتي لايــعه كبــده said...

ابداع واضح. لخصت اللي كلنا حاسينه وشايفينه.

انت سألت "شنو السبب؟ منو السبب؟" السبب واضح ومعروف... هو شئ واحد اللي سند المتأسلمين, وشجع الطائفيه, ونمى وحمى الحراميه, وقسم البلد. لا خوف من الله ولا مستحى من البشر. الديره اللي دفعت وتدفع وسوف تدفع الثمن وعيالنا وياها!

كل هذا مقابل الفلوس؟! ولا هم الناقصين!!! ملياراتهم تغطي الشمس. حسبي الله ونعم الوكيل فيهم.

كويت الماضي روعه وفخر,
كويت الحاضر فشل وقهر,
كويت المستقبل علامة استفهام وخطر.

العرزاله said...

نعناعه

بجينا لين ملينا

والأسباب نعرفها بس مانبي نغيرها للأسف

العرزاله said...

حمد

بالضبط..وهذا هو هدف المقطع

العرزاله said...

زوزوتا

يحتاج اهتمام

يحتاج لفته

يحتاج رعايه

حياج الله :)

العرزاله said...

بس

امين الله يسمع منج

وانا بغيت اضيف شغله بالفيديو بس مسحتها

ان على الاقل اذا ماتبون نتطور

على الاقل خل نرجع مثل اول

العرزاله said...

كويتي لايعه كبده

انت ايضا لخصت السبب اللي مابغيت احطه بالفيديو

تحياتي لك ولمرورك

:)

Eng_Q8 said...

وين راح موضوع نوريه ؟؟

العرزاله said...

موجود لاتحاتي

بس ودي اخلي هالموضوع بعد شوي

انا اسف اذا شلته بدون استئذان من علق (بس تعليقين انت وبيت القرين)

برده انشالله باجر بالكثير

عسى رضيت علينا ؟:))

Anonymous said...

خوش مجهود

بس ناقص دواوين اهل هالوقت

البابطين والغنام


هذا وقتهم سبحان الله

اثنينهم متجنسين

ويمثلونا

العرزاله said...

مافهمت القصد من تعليقك :)

الحب said...

تسلم ايدك على هالمجهود

تدري ليش اهما سبقونا, لأن القرار هناك يمشي براي شخص واحد, ترى اهما يحسدونا على ديمقراطيتنا, هناك محد يتجرأ انه يمس شيخ بجريدة و احنا هني نطب بالشيوخ من غير خوف, ماكو احد راضي باللي عنده, اهما يقولون ما نبي هالتقدم هذا كله, بس نبي نحس ان احنا بشر لنا صوت و نقدر نعبر عن راينا من غير خوف, و احنا نقول ليتنا عندنا اللي عندهم

انا ادري انه الوضع عندنا سيىء لكن دايما احاول اشوف الجانب الايجابي من كل شي.

عسى الله يديم علينا نعمة الأمان بديرتنا و ترجع مثل أول و أحسن

Eng_Q8 said...

ما ينزعل منك يبا :) عزيز وغالي

العرزاله said...

الحب

نعم كلامج صحيح %100

لكنا نشوف الاحسن منا دائما مو الاقل

يعني مايمنع ان يكون عندنا 2 ليش طموحنا يوقف على الديموقراطيه

العرزاله said...

مهندسنا

حبيب :)

Noor said...

الفيلم روووعه الظاهر انه غالبيتنا عنده حنين لكويت الامس توادر خواطر موطبيعى :)


خليت اعيونا تدمع:( حسافه عليج ياكويت ما ادرى ليمتى نتحسر على ايامها الحلوه الدول والشعوب تتطور الى الامام والكويت الامس متطوره اكثر من كويت الحاضر

متى راح انشوف خليفه نواب مثل جاسم الصقر واحمد الخطيب

متى راح انشوف خليفه فنانين مثل الفنانه سعاد عبد الله وحياه الفهد وعبد الحسين وسعد الفرج

متى راح انشوف خليفه لاعبين فتحى كميل و المرعب جاسم يعقوب

متى راح انشوف خليفه شعراء مثل فايق عبد الجليل

متى راح انشوف ناس اقلوبها على البلد وضميرها صاحى وتحافظ على ثروه البلد

متى ترجع الكويت ايام الشيخ عبد الله السالم والشيخ صباح السالم

حسافه عليج عليك بس صج لقالو راحو رجال الدروازه ويت رجال المطنزه والعازه

ملينا من التحلطم نريد حلا للحين عندنا امل فى التغييير والبركه فى الشباب

العرزاله said...

نور

احنا راضين انا مانتطور

بس على الاقل خل نرجع مثل اول

ماصارت لا هذي ولاذيج ملينا والله

بو يوسف said...

هلكني من الضحك تعليق (انونيموس) عن الدواوين!

فعلاً طافتك! و اقول لانونيموس صدقت، صدقت، صدقت!

دواوين آخر زمن!

العرزالة، عزيز المساعيد رجال الصحافة؟؟؟؟؟ الله يهديك بس. ترا قوية من قلب!

يعطيك العافية. فلم رائع

العرزاله said...

بويوسف

مابغيت أأول تعليق الانونيمس لأني مافهمت بالضبط أهو شيقصد

أما المساعيد فالله يرحمه ما ابي اقول عنه شي ولو ان يتني تعليقات غيرك بنفس المعنى

بس مالقيت صور لجاسم المطوع الله يرحمه ولا محمد مساعد الصالح او غيرهم من صحافيين اول

عموما..شاكر لك مرورك وتعليقك :)