Tuesday, March 11, 2008

A must

ما أذكر عدد الأفلام اللي شفتهم بحياتي..بس هذيله من أروع أروع الأفلام اللي شفتها
بعباره ثانيه إذا موشايفهم فانت موشايف فلم بحياتك
أما مدمنين الأفلام واللي يبون نذكر
Godfather
Heat
فلستة الأفلام اللي تبونها نحطها تالي
++++++++++++++++++++++++++
مع انه فلم برازيلي
ومع انه مانزل الا بعد الالفين
الا انه قدر انه يقتحم لستة افضل الافلام بالتاريخ
يحكي عن الفقر والجهل والاجرام في افقر الضواحي في البرازيل
دراما وقصه مشوقه جدا
+++++++++++++++++++++++++++++++++
Leonardo Dicaprio
Matt Damon
اعتقد الاسامي كافيه
ومع ان ليوناردو مايع شوي
الا انه بدع بهالفلم
+++++++++++++++++++++++++++++
Morgan Freeman
Brad Pitt
اقول شي زيادة والا يكفون هالاسمين؟
دراما وغموض
قصه خيال
والفلم معروف لوايد ناس
++++++++++++++++++++++++++++++++++
Dustin Hoffman
تعقيد وغموض وصدمه آخر الفلم
برافو الصراحه على هيك اخراج
مع ان الممثلين اغلبهم الله بالخير
الا انه قوي قوي
+++++++++++++++++++++++++++++++++++++++++
Kevin Spacy
جد جد
في أحد موشايف هالفلم؟
عبقريه وذكاء وأقوى الصدمات آخر الفلم
أروع ما مثل كيفن سبيسي
+++++++++++++++++++++++++++
A masterpiece
مكتوب على الفلم بعد مايحتاج اقول شي من عندي
واحد ينسى ومايذكر شي
ويحارب ذاكرته طول الفلم ويحاول انه يستعيدها
غموض ودراما
++++++++++++++++++++++++++++++++
هذا الفلم
ولو ان اللي يمثلون فيه درجه اولى بس مو ممتازه
الا انه من اروع الافلام بالنسبه لي
دشيته بالسينما بره الكويت طبعا 3 مرات
وشفته دي في دي مرتين
ومستعد اشوفه ولا امل
قصه انسانيه ومشاهد حساسه وتخليك مو بس مشاعرك تلعب
الا يكش شعر ينبك من بعض المواقف
انا اللي ما اعرف عدل قلت انه بياخذ اوسكار افضل فلم
وخذا ولله الحمد ومافشلني
هذا جد جد اللي لحد يطوفه
++++++++++++++++++++++++++++++
كل سنه
اكثر من 21 مليون انسان يستلمون بنج عمومي
وطبعا البنج غير سالفة انه يخليك ماتحس بالالم وينومك
يسوي شي ثاني مهم
اللي اهو يفقدك الذاكره لوقت قصير
ماتذكر اي شي صار بالعمليه لأن البنج يعطل تخزين الذاكره
بس المشكله ان من هال21 مليون
في 30 الف مو محظوظين
ينشلون ويبين شكلهم انهم نايمين
لكنهم قاعدين ويسمعون ويحسون بكل شي يصير بالعمليه
وهذي حقيقه علميه على فكره
هم قوي الفلم وفيه مشاهد تصدم
واهو فلم جديد جديد
+++++++++++++++++++++++++++
أوووووووووووو!
شلون نسيت هالفلم وحطيت صورته آخر شي!
شاوشانك ريديمبشون ياجماعه
ثاني أفضل فيلم بالتاريخ حسب احصائيات الموقع اللي بحطه اخر شي بعد العراب لوووول
شاوشانك اسم سجن
ريديمبشون همممم
شوفوا الفلم وتعرفون
المهم هذا واحد سكران
وراح لمرته
ومايدري هل اهو اللي ذبح مرته واهي تخونه مع ريال ثاني والا لا
يسجنونه مع الحبيب مورغان فريمان
وشوفوا القصه
+++++++++++++++++++++++++++++++
الحين نروح للمسلسلات
طبعا وايد مروا علي مسلسلات من القديم لي الحديث
وبالفتره الاخيره شفت اغلبهم
desperate housewives
heroes
gray's anatomy
house md
4400
ugly betty
24
وغيرهم
بس ماشدني كثر هالثلاث مسلسلات
طياره تطيح بجزيره نائيه
محد يدلها او يروح لها
واللي طايحين فيها مايقدرون يتواصلون مع العالم الخارجي
وشوفوا شلون يعيشون فيها
غموض غموض غموض
واحداث تعقد المخ وتفره
حتى الممثلين مايعرفون شبيصير بعد جم حلقه!!
المسلسل ادمان
ولما تفك ماراح تصك من قلب
+++++++++++++++++++++++++++++
وهل يخفى القمر؟
شفتوا اللي صورته تحت ثاني واحد من اليمين؟
هذا مايكل سكوفيلد
مهندس
يدخل السجن عشان يطلع اخوه
فكرة المسلسل مبنية على نظريه علميه
latent inhibition
الله سبحانه وتعالى حط خاصيه فينا لما نتلفت ونشوف الاشياء مانقعد نحلل كل شي ونتخيل اجزاءه
نطوف ومانركز الا على اللي نبيه
طبعا عشان المخ لايضرب من التفكير
هذا مايكل صاحبنا عنده
low latent inhibition
بعباره ثانيه
صندوق اشعه متنقل براسه
كل شي يشوفه يحلله من المسمار والبرغي اللي فيه لين اكبر جزء فيه
مسلسل يقعدك على اعصابك ويستحق المتابعه
وعلى قولة اللي يقول
اتحداك تشوف حلقه وحده بس وماتكمله
كل اللي شافوا وحده ادمنوه وقعدوا بالبيت اول الايام حلقه ورى الثانيه
+++++++++++++++++++++++++++++

شفتوا الخال اللي بالصوره على اليسار؟

هذا اسمه بنسون

والمسلسل اسمه بنسون

وباختصار اكثر مسلسل يضحك بالتاريخ

+++++++++++++++++++++++++++++++

هذا السايت

IMDB

اختصار

internet movie data base

من افضل المواقع المختصه بالافلام اذا مو افضلها

في ناس تعتمد على مواقع ثانيه في ال

ratings

انا اذا بشوف فلم احط اسمه بالموقع واشوف تقييمه من عشره والريفيو

وهذي الوصله فيها افضل الافلام بالتاريخ حسب النوع اثاره دراما فكاهي...الخ

طبعا على اليسار تلقون نوع الافلام


http://www.imdb.com/chart/

Enjoy it :)

24 comments:

Anonymous said...

يا سلام عليك
وفيلم city of god
من الأفلام اللي عجبتني صراحة مع إنة برازيلي لكن يطلع منهم واللة

والباجي صج قواية
وجنك نسيت كاست اوي و فوريس جامب

إلى الأمام يا عرزالتنا ومشكوووور

حلم جميل بوطن أفضل said...

عظمة يا عرزالة

هذي المواضيع اللي تفرح. أتمنى أن فتى الجبل يلين راسه و يحط بوستات جذي

هاك الرد المطول

++++++++++++++++++++++++++++++++++

شكلك ما تحب آل باتشينو كلش ، غد فاذر و هيت ؟ نسيت تحط سكار فيس و دوني براسكو

+++++++++++++++++++++++++++++++++++

سيتي أوف جود. حلو بس مال مرة واحدة و فعل يصور لنا عالم ريو دي جانيرو

+++++++++++++++++++++++++++++++++++

ديبارتد و سيفين و يوشوال سسبيكتس و مومينتو أفلام عظيمة. شايف
Fight Club?
Primal Fear?

+++++++++++++++++++++++++++++++++++

ما شفت كونفيدنس. و سمعت عن أويك و شريته بس ليلحين ما شفته


+++++++++++++++++++++++++++++++++++

كراش فيلم بارد و طبعاً شاوشانك ريدمبتشن فيلم عظيم

ريدمبشن معناتها إصلاحية .. بمعني السجن

+++++++++++++++++++++++++++++++++++

لا يعلى على لوست طبعاً

Mohammad Al-Yousifi said...

add to them the kite runner

كويــتي لايــعه كبــده said...

بصراحه... عندك ذوق
=)

بس وين

Fight Club
Contact
The Matrix (first one only)
Blood Diamond
Dead Poets Society
Schendler's List
The Bucket List

(I have more but I can think of em right now)

بوتشخيص said...

تسلم على الأفلام في منهم ما شفتهم وزين نبهتنا عليهم ..

heat
Awakenings

أفلام توم هانكس اشلون تنساهم :)

ezain_kilah said...

إي والله
enjoy it

حلو موديلك حجي ... إي والله يبيله افلام وخبري عتييييييييييييييييييج

بس وينك عن

planet of the apes?
صج إن خيال علمي وأنا مو ذاك الزود على هالسوالف بس النهاية شيييييي

Barrak said...

انا ماشفت ولا واحد منهم

فتى الجبل said...

يا سلام عليك

Mok said...

:) الاختصارافضل

Kuwait said...

في من الأفلام فعلا روعه ..
ولو بنقعد نتكلم عن الأفلام ما راح نخلص ..
لان في اكثر بكثير من هذول ولان أغلب افلام هوليود تعيشك الأحداث وتجذبك وانت تطالعها ..
غير هذا كثير من الافلام منها قصص ولا يمر في بالك أحداثها لان جد عندهم كتاب مميزين مو الي عندنا خلف الله علينا ..
نروح على المسلسلات ..
لوست وبريزن بريك .. من اروع المسلسلات الي شفتها بحياتي ..
إثاره .. أكشن .. غموض
كل يوم تشدك الأحداث أكثر من اليوم الي قبله ..
هذي المسلسلات والا بلاش ..
يعطيك العافيه ..
تقبل مروري..
kuwait

ولد الديرة said...

لو كنت مكان عبدالمحسن جمال لطلبت اشوف The Usual Suspect

تقزيرة وقت

وتالي اشوف
Seven

Bu Jassem said...

انا مثل اخوي barrak
ما شفت ولا واحد فيهم
بس السؤال وين اللمبي وكتكوت ليش مو وياهم
وبالمسلسلات وين ليالي الحلمية ؟

العرزالــــــه said...

حسافتج ياكويت

شلون انسى فورست جامب

بس هذا شغل محترفين ايي دوره بعدين

:)

العرزالــــــه said...

حلم جميل

شلون ما احب ال باتشينو؟
اصلا احسن ممثل عندي اهو وظلم اني اضمه مع الباقين في بوست واحد
وغود فاذر هو افضل فلم بالتاريخ بتصنيف الموقع افا عليك بس

فايت كلب شايفه بس الثاني لا بشوفه

وانا ليلحين اعارضك بموضوع كراش شكلك ماشفته بروآن

يا يبا الفلم ماخذ اوسكار اوسكااااار
:)

العرزالــــــه said...

مطقوق

ماسمعت عنه بس بشوفه

العرزالــــــه said...

كويتي لايعه كبده

حبيبي والله

بعض اللي حطيتهم شايفهم

وبعضهم عندياهم وبشوفهم

وبعضهم اول مره اسمع فيهم

شكرا على الاضافه

:)

العرزالــــــه said...

بوتشخيص

موقلنالكم هذيله افلام محترفين حبه حبه

:)

اويكننج جني سامع بهالاسم؟ اشوف شلون

العرزالــــــه said...

الزين كله

حلو بس مادري ما احسه يرهم مع اللي حاطهم

ولاتزعلين اكتب موضوع عن الافلام اللي من هالنوع :)

العرزالــــــه said...

براك

من صجك؟!!

شوف شاوشانك ريديمبشن على الاقل وادعيلي واذا ماعجبك عطني رقم حسابك احولك فلوسه

:)

العرزالــــــه said...

فتى الجبل

:)

العرزالــــــه said...

موك

احم
:)))

العرزالــــــه said...

كويت

طبعا وين افلامهم ووين مسلسلاتنا وافلامنا

اهما هذي حرفه بالنسبه لهم

:)

العرزالــــــه said...

ولد الديره

اخترت 2 من اقوى الافلام

يعجبني حياؤك

:p

العرزالــــــه said...

بوجاسم

الله يهداك اي كتكوت اي اللمبي

مانتعاطى هالممنوعات

ولو ان في افلام حق السقا بديت اشوفها وتستصيغني :)