لاتقل ذاك إسمي
وهؤلاء قبيلتي
لاتقل ذاك عملي
وتلك شهادتي
لاتقل ذاك شكلي
وتلك أموالي
لاتقل ولاتقل ولاتقل
بل أمعن النظر في مجموعة من العمال ذوي الملابس الرثة..والوجوه الباليه
وتذكر قول الحبيب المصطفى ص
رب أشعث أغبر..لو أقسم على الله لأبره
وقوله ص
لايدخل الجنة من كان في قلبه مثقال ذرة من كبر
وقول علي رضي الله عنه
عجبت لكبر ابن آدم..فأوله نطفة مذرة..وآخره جيفة قذرة
وقبل ذلك وذاك
تذكر قول الله تعالى
إن أكرمكم عند الله أتقاكم
فلربما يكون فيهم من هو أكرم منك..وأنت من أنت..وهو من هو
وقس على ذلك
31 comments:
صاج
تدري المتواضع هالايام يشوفونه ضعيف
يعني ماعنده شخصيه
===
شكرا على البوست المتواضع جدا
:)
اصبت كبد الحقيقة
فقدرك انك ولدت كويتيا تتقاطر عليك النعم من كل صوب بقليل من المجهود
وليس ذاك انك اكرم عند الله من غيرك
بل نعم تسائل عنها يوم القيامة
فهو ابتلاء
ما احوجنا ان نفهم هذه الحقيقة
شكرا على البوست
نحتاج هذه الكلمات من آن الى آخر
down to earth? كويتي
مستحيل
و ان وجد ..الله يعينه من اللي حواليه
التــواضع يــزيد من قيمــة الانســان
بوست جميل والله يعطيك العافيه
الكلام مافي أسهل منة (منة يعني منه مو منّة شلبي) لكن هل حنا نطبقه على أنفسنا؟
لو كل واحد منا سأل نفسه هالسؤال وجاوب عليه بكل صراحة
خو بعد ما يصير الواحد يسأل نفسه ويقص عليها برد مايكون صج
حنا متعودين نقص على اللي حوالينا
مو على نفسنا
بوست رائع
شكرا
جزاك الله خير اخي العزيز
وذكر فإن الذكرى تنفع المؤمنين
جعلنا الله واياكم من المتواضعين
ولا حول ولا قوة الا بالله
موضوعك عظيم (:
مس بالليل كنت قاعد مع واحد اببداية الثانوية .. سألني قالي في كويتي متواضع ؟
قلت له حسب علمي .. شويه جدا ..
يازين التواضع .. بس المشكله ان مثل ماقال فريج سعود .. قدرك انك كويتي وكل شي يتقاطر عليك من كل صوب ..
مشكور وايد على هالكلمات ..
صح لسانك
ماجووج
الكبر وشوفة الحال وصلت الشيطان للتمرد وعصى رب العالمين
والنتيجه عفس الأولي والتالي
حسبي الله عليه
العن الصفات بنظري هي الكبر والتكبر
خوش بوست
إن العزة لله جميعا
صح لسانك
واي مي
مو هذي المشكله
اللي يسكت ويحترم نفسه يبون يدوسونه
فريج سعود
نعم
هو كما كان يردد والدي دائما
القدر ولاشيء آخر
وهي نعمة تستحق الشكر كما تفضلت
ومن ابسط صور الشكر عليها هو التواضع
شاميه روكس
تدرين عاد انج يبتيها
اذا صرت زين مع الناس
اللي حوالينك بيشتغلون عليك
يعني كلش
ولا اتفلسف
مشكلة الجهل والكبر اللي على ولاشي
كويتاوي
ومن تواضع لله رفعه
حمود راعي السيكل
على ماتفضلت
الحجي سهل
بس وين اللي يطبق
ابو لطيف
حياك الله وشاكر مرورك الحلو
:)
بويعقه
ومرورك اعظم
:)
ملوك
وهذا اهم عمر تزرع فيه هالقيمه
ماجوج
صح بدنج
الزين
عفيه عليج
فعلا
اول من تكبر هو الشيطان
طافتني هالنقطه
:)
سيكرت
وعن ماروي في الحديث القدسي فيما معناه
الكبر ردائي والعظمة وزاري..ومن قاسمني احداهن قسمته ولا ابالي
كويت فيوريس
صح بدنك
يزاك الله خير
الواحد يحتاج انه يتأمل بنفسه ويشوف على شنو خاب عمره
يعطيك العافيه
اي والله ما ادري على شنو هالاوادم
شايفه نفسها.. كلنا انخلقنا من تراب و نهايتنا تراب
يعطيك العافيه عالموضوع
معاذ
اي والله
حياك وشاكرلك تعليقك
:)
sky is fallin
صح لسانك
من التراب الى التراب
مش عارف بس اظن ان مافيش متواضعين او بقو فئة قليلة في المجتمع العربي
بس اول مرة ادخل و اسيب تعليق في مدونة كويتية
مواطن مصري
الكل صار مادي في نظرته ويقيس الناس بهالطريقه
وحياك الله بأي وقت وتشرفنا
:)
صح كلامك
وياليت الكل يتعض
Post a Comment