Sunday, January 11, 2009

تساؤلات حارقه

هاجموا من شارك وتظاهر بالانتخابات الفرعيه..وصمتوا عن نظرائهم المؤبنين
سخروا من الطبطبائي واتهموه بالطائفية..وأغمضوا العين عن صالح عاشور
حذروا من البذالي ومن على شاكلته..وتركوا المهري وتصريحاته اليومية الطائفيه
أجرموا بحق كل الوزراء السنّه ممن لاينتمون لفكرهم..وتجاهلوا يوسف الزلزله ومعصومة وصفر وغيرهم
نددوا باجتماعات المتدينين ورأوا فيهم خطراً على أمننا القومي..ونسوا نواب البلدي والامه ممن اجتمعوا بالسفارة الايرانيه لأجل شؤون داخليه
تساءلوا عن مشروعية وعقلانية كل ثوابت الاسلام الاساسية..ناقشوا كل المحرمات..وتركوا التساؤل عن عقلانية الحزن على ماوقع في حادثة كربلاء من اكثر من 1400 سنة..بل وشاركوهم الحزن
إنهم الليبراليين السنه
س1: لماذا يدافع الليبراليّون السنّه عن كل ماهو شيعي ويهاجمون كل ماهو سني؟9
1-لأنهم يعتبرون الشيعة أقلية مهددة بالاضطهاد الديني حسب مايتخيلون

2-لأن الشيعة يشكلون نسبة كبيرة من قواعدهم

3-لأن عدوهم الرئيسي هم المتدينين السنّة وعليه فإنهم مستعدّون للتحالف مع أي كان ضدهم

4-لعدم تعارض المذهب الشيعي مع فكرهم بشكل مباشر حيث يركز على حادثة كربلاء ومايتبعها من مظلومية أهل البيت ومفهوم الولاية بعيدا عن مواضيع الاختلاط والتحرر وغيرها
س2: لماذا لايستوعب الليبراليّون السنّة ذلك وأن الليبراليّين الشيعة يشاركونهم فيه بل ويتعصبون لمذهبهم؟9

لأن حقدهم على كل ماهو سنّي متديّن أعماهم عن حقيقة أنهم تجاوزا نقد المتديّنين إلى المذهب بما فيه من ثوابت بل ودافعوا عن كل ماهو شيعي نكاية به


س3: كم هو عدد الليبراليين -أو المحسوبين عليهم- الذين شاركوا في جميع الحكومات والمجالس النيابيه -السابقة و الحالية-؟ وماهي إنجازاتهم؟ولماذا يلزمون الصمت إن لم تكن لهم إنجازات تذكر، أو إن كانت لهم نكسات كتلك التي يعيبونها على غيرهم؟9
إنهم ممن يقولون مالايفعلون، فلايطبقون مبادئهم بالبحث عن العدالة والمساواة في النقد والمدح، فيتحيزوا باطلاً مع جهة دون الأخرى


س4: من هم أعداء الليبراليّين الثلاثة؟9

1-المتدينين السنّه

2-البدو

3-العائلة الحاكمة
والمضحك المبكي إن حتى هالبوست راح يخافون يعلقون عليه
:)

44 comments:

enter-q8 said...

الاكيد و اللي اشوفه

1-المتدينين السنّه

2-البدو

غير هالشي ترى راح تدور بحلقة مفرغه من الاجوبه اللي كلها اسئله

بو صالح said...

الاكيد انهم راح يعلقون باسماء مستعارة

الله يفك الكويت من شرهم

Eng_Q8 said...

مممممممم

عيل اشلون يقولون عني ليبرالي وانا طلعت مو ليبرالي بهالبوست

وبعدين من قال اقليه ؟!؟؟!؟

البدو قالوا قله

الشيعه هم قالوا قله

المطاوعه هم قله

والله انا اقول ان الاغلبيه الصامته هم القله

Purplecious said...

احنا يالله يالله وصلنا المليون ...
و عندنا ثلاثة ارباع مليون طن مله .....ما في خمسه مثل بعض !
كل ثلاثة ...ثلاثة لا ثلاثة ونص ...ثلاثة لا حدهم اربعة بس على قلب واحد


هالفقره من بوست الأخ بولطيف


من يبي يلحق بو سعد

الله المستعان

EXzombie said...

دكتورنا

بما ان الكلام ما ينطبق علي، فانا بس راح اذكرك انه من ربعك ليبراليين سنة و استنكروا التأبين و هاجموا لاري و صفر و عبدالصمد

و ليش شفتها من منظور انه الليبرالي السني يشوف فيه فرق بين المتدين السني و المتدين الشيعي؟

و صحيح كلامك بخصوص تعاطف ليبراليينا الشيعة مع مقلديهم و شخصياتهم الدينية، لكن ما نقدر نقول الكل، و في منهم من استنكر التأبين

Anonymous said...

شنوا كل هالتناقض اللي انت فيه

العرزالة انت يا اما مريض نفسيا او منافق

يعني نلاقيك تسجل حضورك في البوستات اللي تحارب الطائفية و الفتنة و بالمقابل انت نفسك راس الفتنة و تنزل بوستات طائفية

انت شفيك بالضبط؟

و كله بصوب و البوست اللي نزلته في يوم عاشوراء بصوب ثاني

يعني بدال ما تتفاعل مع دعوة الأخت
ZooZ
و بوستها اللي كان عنوانه عاشوراء يوحدنا و الهدف منه وحدتنا ككويتين و نبذ الفتن

بدال ما تكون انسان ايجابي لا رحت و نزلت بوست فيه أكبر تعدي على الشيعة و عدم احترامهم من خلال الآية اللي كنت حاطها كنقزة للشيعة:


ختم الله على قلوبهم وعلى سمعهم وعلى أبصارهم غشاوة

الذين ضلّ سعيهم فى الحياة الدنيا وهم يحسبون انهم يحسنون صنعا

في هذا الرابط

http://3erzala.blogspot.com/2009/01/blog-post_06.html

يعني جد عيب عليك اللي تسويه
اصلا الآية مو مقصود فيها الشيعة و انت حطيتها تنقز فيها الشيعة و متى؟
بيوم العاشر اللي مفروض يكون يوم نجتمع فيه كلنا كمسلمين بمشاركة نبينا عليه الصلاة و السلام حزنه على حفيده اللي كان يقول عنه
الحسن و الحسين ريحانتاي من الدنيا

و الآية الكريمة:

قل لا أسألكم عليه اجرا الا المودة في القربى

والله عيب اللي تسويه
هالسوالف اللي تسويها لو تطلع من واحد صغير نتقبلها لكن ريال شكبرك كاشخ في عمرك و حاط في بروفايلك انك جراح و بالآخر حركاتك كلها مالت ناس غير ناضجين و تصرفاتهم تعاكس اقوالهم

الحمدلله و الشكر و الله يشافيك ان شاء الله

مع السلامة

العرزالــــــه said...

السمي

الرؤية واضحه عندي وبعيد عن الحلقات المفرغه

العرزالــــــه said...

بوصالح

كاهم بدوا يعلقون لول

العرزالــــــه said...

مهندسنا

انت ليبرالي من القلة العدله

اما مسألة الاقليات فعمر البدو او المطاوعه ماقالوا انهم اقلية

بالعكس اايدك ان الاغلبية الصامته هم المحافظين

العرزالــــــه said...

بربل

خوش بوست بس ماني لاقي لها صلة بالموضوع

العرزالــــــه said...

اكزومبي

ما انكر كلامك

بس هالربع اللي تقول عنهم قلة من الليبراليين

تقولي الليبرالي مايشوف في فرق بين الدين السني والشيعي؟ طبعا يشوف والدليل اللي كتبته باول البوست

ولد الديرة said...

دختر

عظم الله اجرك

العرزالــــــه said...

غير معرف

كنت اتمنى ان تكون عندك الجرأة وتعلق باسمك :)

عموما برد عليك بطريقة اولا وثانيا وثالثا

اولا حبيبي

اذا انت منت عارف الخط اللي انا ماشي فيه واللي وضحته بكذا بوست فاعيده لك

انا واحد ارافج السني والشيعي..الحضري والبدوي..الكويتي وغير الكويتي..اقول عن الصح صح وعن الغلط غلط لااجامل ولا الف وادور

انا لما ادافع عن حقوق الشيعة كمواطنين ومسلمين او ادافع عن ولائهم وارفض احد يشكك بوطنيتهم هذا شي

واني ارفض ان يصير لعب على العقول وان الليبراليين السنه على وجه الخصوص يدافعون عن كل امور الشيعه الصح والغلط ويهاجمون كل امور الدينين السنه الصح والغلط فهذا شي ثاني

اذا..خلاصة اولا مو اني متناقض..بل انك انت ماتدري شالسالفه
:)

ثانيا: البوست اللي نزلته بعاشوراء وفيه الايات اللي ذكرتها..فاني راح اذكر هالشغله مره وحده للجميع..اقسم بالله العظيم اني كنت منزل بوست كامل اسمه احمد الله على نعمة العقل..ان اذا الواحد يعرف الصح من الغلط ويعرف يميز الحق ويقوله لو على نفسه..اذا واحد متأكد من الدرب اللي ماشي فيه فليحمد الله لأن في ناس مو جذي..تالي مسحت البوست وخليت الايتين..وربي فوقي يعلم ان مو قصدي احد ولو قصدي جان كتبت وجنه العيد لاخايف منك ولامن غيرك

ثالثا: اذا كشخت وحطيت جراح او دكتور او فما اعتقد حضرتك اللي مدرسني و مخرجني وخاتم على شهادتي عشان تتندر علي..شي وصلت له بمجهودي وبيمناي وقاعد اكمل عليه الحمدلله..وبعدين هالشي مايخصك انت ولا ابيك تقيمني ناضج والا لا..انت بس ركز على البوست اللي حرق قلبك وماعرفت ترد عليه
:)

عموما..انا رديت وطنشت كلامك البايخ بس هالمره..اليايه اذا ماتناقش الموضوع نفسه وتبدى تغلط وتقل ادبك فراح امسح تعليقك ياحلو

سلام
:)

العرزالــــــه said...

ولد الديره

اجرنا واجرك على شنو
:)

كويــتي لايــعه كبــده said...

عرزالتنا ذكرتني ليش أحبك وانا ما كنتش ناسي
:)

سيده وبالوجه
تعجبني

طبعا هذا ما يمنع ان اللي يبي يعمل من هذه الصراحة طائفية غصب ويحاول وضع أي أمر يتعلق بالشيعة على رف "ممنوع التناول" ان يحاول مثل ما بعضهم حاول بالفعل

يا سبحان الله اللي في بالي بوست مشابه بالمحتوى وبنفس الصراحة لكن اتأمل ان لا يسوء فهمه من قبل القراء اما محاولات اللف والدوران وتحميل الكلام ما لا يحمله من معنى فدواهم عندي. سوف تقراه قريبا عندي ان شاء الله

اللي تفضلت فيه حضرتك صحيح الى درجة كبيرة وهذه حقيقة يخفيها اللبراليين الهاردكور قبل الشيعة المتعصبين (لاحظ "المتعصبين" يعني مو كل الاخوان الشيعة) المتخفين باللبرالية

الغريب اني انا اعتبر نفسي لبرالي لكن لست بحزبي وبالنهاية طلعت مو خوش لبرالي. هناك شروط للعضوية لم استوفيها...

الزبدة نحن ننتقد الخطأ كان من مَن كان

هنا العدالة

بوتشخيص said...

العرزالة ..

بعد إذنك ..

غير معرف .. الدكتور يفصل 10 من طقتك و عيب هالحجي اذا انت تفكيرك عوي و تشوف كل موضوع تذكر فيه اسم شيعة هو طائفي فماهو مشكلة العرزالة هذه مشكلة في مخك ..

العرزالة مايلف و يدور و لاخايف يقول رايه علشان ينافق المدونين!

أنا أقول تابع مواضيعه و تعلم الرقي و الأدب!

bof-10 said...

اممممم ... والله والنعم فيك

بس اتوقع انك امحلل الموضوع و ماخذه من طرف واحد او وجهة نظر وحده ....

اتمنى انك اتراجع نفسك وماتظلم الناس معاك ... وجذي انت ظلمتني لأني لبرالي .... وانا شيعي متسنن ... واعتقد انه اماكنا مكشوفه وتعال حياك عندنا في تجمعاتنا .. وشوف اب عينك قبل لا تتهجم اب شي

وشكرا

مركبنا said...

تجوي يالعرزالة يبتها عدل

ButterFlier said...

تسلم أناملك

بس ودنا تشرحلنا بالأسامي ياخوي

KQ8 said...

اخوي والله ماراح يفيد

خلاص اللي في العقل ركز وطبع ومستحيل يتغير

bo rashed said...

مصالحهم ماتتوافق مع تعاليم الدين

ومااعني بالدين الجماعات الاسلاميه

اعني الدين اللي وصلنا من 1400 سنه

نقولهم نبي نوضح بعض الحقائق التاريخيه

اللي فيها افتراء على اساسيات الدين

يقولون انتو تبون تشبونها فتنه

انا اعرف شي واحد احنا ننتقد الكل

ومن اي مله سواء عجب بني ليبرل ام

لم يعجب بني هندوستان

اعتقد احداث الابضاي بتاع القبس الدعيج وقنبلته الصوتيه
مع المرحوم

ما هي بعيده واحداث الثمانينات

وتفجيراتها ما هي بعيده

واحداث الاستنجاد بصاحب نصر القادسيه

بوعداي واللي راحوله هم ماهي بعيده

وموقف الاخوان بالغزو كان فضيحه

والسلف وتكفيرهم للامه على لسان

بن سبت المخبول هم مو بعيدين وايد

ومصالح بعض ابناء القبائل مع بعض

الدول المجاورة ظهرت باكثر من حدث

على العموم الكلام معاهم ومع غيرهم

ضايع

نقطه مهمه جدا

ممكن تلعبون بعقول بعض الشباب المندفع

والمتحمس اللي مايعرف تاريخكم وتاريخ

اللي يأيدونكم عدل

بس معانا صعبه أوي

احنا قاعدين لكم مثل العظم بالبلعوم

فخلكم من خطابكم الانفعالي والعاطفي

لانه ان اتى بنتيجه مع بعض المغرر بهم

فأنه بالتأكيد بالنسبه لي لا يمثل سوا

مواء عتوي في ليله من ليالي نيروز البارده

دكتورنا انا قايلك من قبل سنه تقريبا

اللي مو على دينك ما يعينك

mtfa2el said...

العرزالة خل أقولك شغلة

هذيل و الله ما يعرفون شنو يعني ليبرالية
ماخذينها من باب الكشخة و الموضة فقط لا غير
يعني معتبرينها مثل
أنا هالصيف رحت سويسرا
سيارتي رنج ..
بيتنا بالضاحية
أي و أنا ليبرالي
قول له شنو يعني الليبرالية ؟
قريت كتاب واحد بالليبرالية و اقتنعت فيها ولا مع الخيل يا شقره و لزوم البرستيج ؟

ما يدرون الله وين قاطهم

سيدة التنبيب said...

دكتورنا ..
أؤيد تساؤلك فهذه النقطة تثير عجبي أنا أيضا من بعض الليبراليين السنة
أكرر البعض

فلا أعتقد أنه يمكن جمع كل الأسئلة التي طرحتها في شخص واحد ..

و ترتيب 1 2 3 أوافقك عليه تماما

بعد إذنك بس الممرض اللي فوقي بط جبدي شوية ..
و الكلام ينطبق عليه بعد ..شمقعده عالنت يتابع هالحجي ؟

العرزالــــــه said...

كويتي لايعه كبده

حبتك العافيه وانا بعد احبك :)

واللي بيقول عن كل موضوع فيه كلمة شيعه او حرف الشين طائفي فهذا عقدته عنده يعالجها بروحه

واكتب يابعد راسي واحنا نقرا

:)

العرزالــــــه said...

بوتشخيص

دكتور..عساك سالم يابعد اهلي والله

وهالاشكال لاتعور راسك وياها..دواها عندي

:))

العرزالــــــه said...

بوفتين

الله ينعم بحالك

حبيب قلبي..انا قاعد اتكلم عن حقائق بدون لا اغلط على احد او اتهجم عليه..وانا قاعد اتكلم عن الاغلبيه

ولاتخاف عارف اماكنهم واساميهم ووايد منهم من ربعي

:)

العرزالــــــه said...

مركبنا

:)

العرزالــــــه said...

بترفلاي

اسامي الليبراليين بشكل عام ام المدونين؟

بكل الحالتين موجودين بس اعتقد التخصيص راح يضعف قيمة الموضوع وفائدته

:)

العرزالــــــه said...

بوطارق

مايفيد اصحاب العقول المتحجره

بس يفيد المخدوعين فيهم

:)

العرزالــــــه said...

بوراشد

على قولتك..ممكن يخدعون اللي مايدرون شالسالفه بس احنا عارفين التاريخ مثل ماهم عارفينه

:)

العرزالــــــه said...

متفائل

لووول ضحكني تعليقك

اي والله صدقت

:)

العرزالــــــه said...

دكتوره سيده

وربي فوقي ماتدرين شنو استانست على تعليقج وتشققت

مو لأنه يأيدني لا والله

بس لأن ليلحين في ناس تقول الحق حسب مايراه عقلها لاعاطفتها

:)

اما السفيه فلاتحرين روحج وياه..دواهم عندي

:)

-mate said...

اسمحلي برد على الرد الزبالة اللي فوق سيدة التنبيب

الحين بدال لا ترد على تساؤلاته، وتفيد القراء وتكتب بنا إجابات على تساؤلاته تكتب هالمصاخة؟؟

محد إمكرهنا بالبلوقر غير أشكالكم الوصخة، مدونين مو متربين يتسترون تحت الأنونيموستي .. لو في أمك خير، دش إبمدونتك واكتب هالكلام. خل كل المدونين يعرفونك دام إنت تقرى حق العرزالة في مدونته وتعليقاته

وليش يبا؟ الجراحيين والدكاترة مو أفراد من المجتمع؟؟ ولي هالدرجة هالعقول ساذجة ما تفهم غير مجالها؟؟ التاريخ سطر العديد من الدكاترة الذين وصلوا إلى أعلى المراكز السياسية والقيادية في المجتمع يكون بعلمك

جليل الحيا، قهرني

العرزالة، ما عليك يبا .. خنشوف إجابات شافية حق تساؤلاتك بدال تعليقات الحوش

-mate said...

اووه مسحت تعليقه

سامحني، لهيت في مباراة تشلسي ومان يونايتد

:)

Anonymous said...

ممكن اعرف انت ليش شايف الموضوع بين سنه وشيعه ؟
----------
ببساطه راح اتكلم عن نفسي انا مو ضد المتدين لكني ضد اي شخص يفرض معتقداته علي لذلك تراني اهاجم رجال الدين السنه -على قولتك ـ اكثر من الشيعه لان نبيل العوضي يسبني بمقالته ،يبي يفرض علي منع الاختلاط غصب ،الطبطبائي وهايف يبون يمنعون عني الفرح وممنوع الحفلات والكثير من الامثله اما رجل الدين الشيعي فهو يريد فقط ان يبني حسينيه اي يبي عطله ليوم مقدس بالنسبه له لذلك هو لا يمثل خطر علي مثل غيره بل ان الي يقولونه الشيعه من حقهم بما ان هناك شيعه كويتيين اذا من حقهم بناء حسينيه او اي شي يعتبرونه مقدس بشرط ان لا يفرضون علي شي بالغصب
------------
ارجو ان تراجع ازشيف المدونه عندنا وبتشوف موقفي من التابين مشابه تماما لموقف عدم وقوف هايف للعلم انا لم اهاجم احد ،اعتبرت الموضوعين حريه راي

ساره النومس said...

شوف انا ليبرالية سنية والأمور الي كتبتها صج صج صج 100% بس اقول لك شغلة الليبرالية تختلف من شخص وشخص آخر ..

يعني موضوع الشيعة فعلا ولاحظت هالشي بس صدقني مو كلهم مثل الشي .. لمن اتناقش بأمور سياسية وغيرها فأنا ما احط المذهب أو القبيلة اساس واذا احد دش بهالمواضيع فأنا لا اسمح لأي شخص انه يطب بالقبيلة او بالمذهب السني ... صدقني مو الكل مثل بعض ..

Kuwait said...

@@
لا تمسح الغير معرفين نبي نتطمش على مستوياتهم الثقافيه ;p

حياتي هدف مو عبث said...

العرزالة

الله يعينك على الغير معرفين إسماً وعقلاً

:)

العرزالــــــه said...

ميت

حبيب قلبي

انت ارفع من هالمستويات..لاتحر عمرك

خلهم ينابحون

:)

العرزالــــــه said...

حمودي

ممكن تعرف ليش الموضوع سنه وشيعه من الادله اللي ذكرتها باول البوست

بعدين السبب اللي حضرتك ذكرته لمهاجمتك لرجال الدين السنه وتركك لرجال الدين الشيعه -على قولتك- يتوافق مع الاسباب اللي انا ذكرتها في بوستي..واهي عدم تعارض مايطالب فيه مع اللي انت تبيه من حفلات واختلاط

بس اختلف معاك ان رجل الدين السني فقط من يمثل الخطر بمطالبته بمنع الاختلاط والحفلات..بينما لاترى خطر في بعض رجال الدين الشيعه اللي يؤججون نار الطائفيه
:)

وبمراجعة ارشيف الليبراليين بشكل عام ارى ان البعض قد تعرض لبعض المواضيع التي ذكرتها في بداية البوست على استحياء وترك البقية منها

فهل لديك في ارشيفك ما يناول باقي المواضيع؟ اجتماع السفارة الايرانيه؟ تصريحات المهري؟ وغيرها من المواضيع

:)

العرزالــــــه said...

طموحه ملوحه

شاكر لج تعليقج وانا وياج

:)

العرزالــــــه said...

كويت

ماكو مستوى كلش

:)

العرزالــــــه said...

حياتي هدف

بالعكس مونسيني

:)

Anonymous said...

رد لغير معرف (الغير محترم)
ولبوست فريج سعود (الي اكن له فائق الاحترام والتقدير)

يعطيك العافيه و جان زين الي كاتبين تعليقات يطبقون كلامهم لأن لمه تقول احترموا مذاهب الناس وكل شخص حر فيما يعتقد لازم يكون الاحترام والحريه بشرط عدم التطاول على رموز وركائز المذهب الاخر
يعني (مع فارق التشبيه) لمه الدنماركي استهزأ بالرسول ليش الكل وقف ضده واستنكر!!؟ لان هذا مساس بالرسول الكريم الي نقل الدين وكلام الله وبالنالي مساس بالدين نفسه (وقسها على المذاهب)