Wednesday, January 14, 2009

بل قصرتم

لاتقسون على اللاعبين
زين منهم
منتخب واعد
هالحجي مايوكل خبز معاي
وبالنسبه لي احب اقيس الامور بلغة الارقام
تصفيات كاس العالم
1998
طلعنا من التصفيات النهائيه بالمركز الاخير..ورا قطر
2002
ماوصلنا التصفيات النهائيه..طلعنا من الدور الاول
2006
طلعنا من التصفيات النهائيه بالمركز الاخير ورا اوزباكستان
2010
ماوصلنا التصفيات النهائيه..طلعنا من الدور الاول بالمركز الاخير ورا سوريا
كأس آسيا
2004
طلعنا من الدور الاول على يد الاردن
2006
ماوصلنا كأس آسيا..طلعتنا البحرين

كاس الخليج
رقم 15 بالسعوديه
طقونا عمان 3\1
رقم 16 بالكويت
خسرنا من البحرين 4\0
رقم17 بقطر
طلعنا الثالث
رقم 18 بالامارات
طلعنا الاخير مكرر مع اليمن بنقطه واحد من تعادلنا مع اليمن
ورقم 19 بعمان
تعادلنا مع عمان بصعوبه
وفزنا على البحرين بابو وام واهل الحظ كلهم
والعراق؟ العراق دش البطوله ناقصه لاعبين
البحرين طقتهم 3\1 وتم شطب لاعب واصابة لاعب من العراق
فعمان بارتهم والعراق ناقصينه 4 لاعبين وفازت عليهم 4\0 وانطرد لاعب عراقي
جم صار النقص بالعراق؟ 5 لاعبين
يونا وتعادلنا وياهم بالزووووور
اما مباراة السعوديه فأترككم مع التحليل
عطوك اكبر من حجمك وخلوك تعيش الدور حسبالك هنري تتمشى بالملعب وتنطر الكره توصلك ماتبين ولا لك حس وماعندك ذرة روح قتاليه

وكل الشكر للي ليلحين يلعبك بالمنتخب وانت هم ماتبين واذا بينت نجلت وكل نجله اكبر من اللي قبلها وماعندك الا حركة الكعب تبي تصيد فيها المهاجمين ومابقى احد ماعرفها وطافك


ياحلللللللللللللوك!! عاد انت صج مادري منو اللي ماخذ فيك مقلب وانت مافيك شده تركض مترين ورا بعض وتبي تعدي كل الناس بس مشكلتك لا انت اللي تعدي ولا انت اللي تقدر ترجع عقب ماتنجل

وانت؟ الله يسامح المخرج اللي عاد لقطة الكعب اللي مادري شلون طلع منك بمباراة العراق وخلاك اليوم تبي توسع كل الدنيا وصايرلي زيدان زمانك والمشكله كل لعباتك بوش بوش بوش وترجع علينا عكسيه

حبيبي انت المفروض طرد وشطب وذبح بعد من اول مباراة..مصارع مو لاعب يبي يطق كل اللي بالملعب لا ويزعل اذا صار فاول عليه والا انذار! يبا انت وين والظهير الغشاش وين احمد ربك بس ما انطردت

وليد علي وليد علي وليد علي..وربي مادري شقول لساني يعجز عن الوصف! ما ابي اذكر مساوئك بس ابي اسأل بالعكس..سويت شي زين من نزلت الملعب؟ ولا لعبه صح ولاشوته صح ياخي ريلك شمال شكو طايحله تشوت باليمين! ياخي موشرط تطوف هذيله السعوديه لياقه مو مباراتكم مع القادسيه وبوندى ونهير

خالد خلف..ملك يستلم الكره ويطيح نفسه يبي فاول! ياخي محد يمك هم يطيح نفسه

علي مقصيد..انت موهبه واعده عسى مايقمتونك ويحبطونك مثل ماسووا مع الموسى

نواف يانواف..بوسه على راسك..والله بيضتها يابونيف..وماعاش من يقول كلمة سوء بحقك

بويعقه..يعقوب الطاهر..بيض الله ويهك والله ماقصرت..لعبك احترافي وحرام تلعب مع هالفريق

بدران..الشرهه على اللي خلاك وطايحله تكريم بعجب! والله انك ماقصرت بعد جبدي تطحن وانت تركض بهالملعب من تحت لين فوق لين يمين لين شمال..فريق بروحك ماشالله..ماقصرت يابوناصر ورايتك ابيض من البيضه وهم انت حرام فيك هالفريق والله

اشكر شنصك واشكر انك دايما بويه المدفع ولايهمك..ماعليه

يعني اذا انت واخوانك سبة الخراب بالرياضه والبلد كله..ليش طاق ويهك ومبسط هناك وطايحله تصريحات يمين يسار؟ بصفتك شنو؟ ما اقول الا..والا ماني قايل بسكت

طبعا كل الكره الارضيه بصوب واليوسف بصوب ثاني! قهرني شلون ويهه كله شماته وتهكم بعد المباراة جنه يقول..شفتوا شلون..شفتوا ان مو مني..احسه مستانس على اللي صار بس عشان يثبت هالنقطه..ارضاءه لنفسه وغروره اهم عنده من المنتخب وفرحة الوطن والمواطن

يعني حتى حلومه قبوسه يايتكم بنفسها ولابسه نظارة شمسيه بالليل..عشانها ماسويتوا شي..فشلتونا ويا ملكة جمال المذيعات مادري الاعلاميات العرب..من حلات المنافسات عاد
اخيرا..في ناس تقول ياخي زين بهالظروف سوينا جذي..وانا اقول هالكلام موصحيح
يعني وايد دول حوالينا فيها فساد اكثر من الكويت الا بالرياضه تلقاهم احسن ناس
الرياضه لها خصوصيتها ومافي عذر تحت اي ظرف ان الوضع الرياضي على الاقل مايتعدل

يقول كارلوس البرتو
درب الكويت والبرازيل ووايد فرق
لفيت الدنيا ودربت وايد
الكويت من الدول القليلة جدا اللي لقيت فيها مهارات مو طبيعية..مهارات تحتاج استغلال
بس وين اللي يسمع

48 comments:

Fahad Al Askr said...

عيزت أدور كلمة غلطة، جملة اخالفك فيها، ما لقيت

كلامك كله عدل ولام الله من لامك

كويــتي لايــعه كبــده said...

""
يعني اذا انت واخوانك سبة الخراب بالرياضه والبلد كله..ليش طاق ويهك ومبسط هناك وطايحله تصريحات يمين يسار؟ بصفتك شنو؟
""

بصفته ما يستحي
ومسنود غصب
واغلب الناس ينقص عليها بكلمتين

تسلم يا العرزاله تسلم

شـقـــــران said...

العزيز العرزالة

اقدر اقولك روعة في (التشخيص) وابداع في (عملية) التعليق


طبعا تعقيبي نوعا ما طبّي
:))


تقبل مني خالص التحايا القلبية

Tekana said...

محد قبس علينا الا بوعيده

فريج سعود said...

لو بسوي بوست ما زدت عليك الا شي واحد

محمد ابراهيم يا حبيبي طلعت احسن اثنين بالمباراة ليييييييييييييش

وجراغ ما دخلته لييييييييييييييش

اربع لاعبين هجوم بدون وسط اشلون بتوصل لهم الكرة

اما باقي البوست فهو يغني عن اي زيادة

بعدين اقص ايدي اذا ماكان احمد اليوسف يشجع السعودية

ZooZ "3grbgr" said...

شخطت فيهم

الحين عرفت منو هذا اللي كان يمشي ويطق

فشلنا زين ما استخدم الطراقات

ومقصيد الله يحفظه عجيب مع شعره احس فيه لاعب صجي

والخالدي اهو العجب ماشاالله

بس سؤالي يقول

انت ماشاالله حافظ النتايج من 1998 ولا من موقع كورة؟

لانك اذا حافظ وانت حكيم ما الوم المعلقين مو مخلين حتى دلاغات اللاعبين من ايام الابيض والاسود

:")

esTeKaNa said...

البوست يعور القلب
!!
بس شنسوي هذا الواقع
والله ضيقو خلق الكويت البارحة
وصراحة ما عندهم سالفه يضيقون خلق حلومه متعنيه بعد قلبي
:Pp~

الزين said...

انت الوحيد اللي قلتها صح

قصروا

ضيعوا فرص

وماكان هجومهم بالشوط الأول قوي

شدواحيلهم بالثاني


بس هم خرطي

ضيعوا قول سهل وعجيب مثل الورد

شسالفه الكره العالية

الحين انت يم القول

والقول فاضي

ليش ترفع بالكره

خلني ساكته

violinist_q8 said...

اتفق معاك باشياء وايد خصوصا وليد علي الي تعليقك رحمه عليه...
لكن عندي ملاحظتين
الاولى عن طلال نايف ...شايف ان لعبه ممتاز وكل لاعب بمركزه لازم يلعب بقوه .
الثانيه عن مساعد ...لاعب باك ..تشوفه بكل مكان مدافع مهاجم يشتغل العرضيات والفاولات ..محتاجين للاعب نفسه لكن لا يطينها ويتثيقل بس بشكل عام ممتاز.
ولو تسمحلي اضيف ثالثه بقولك عن عجب ... الصراحه لعباته الثلاث من اسوأ المباريات الي لعبها...عجب قناص درجه اولى والدوري يشهد. لكن مستواه ماعتقد لان انغر المغرور العنزي الصغير مال القادسيه الي خذوه المنتخب وضيعنا والحين يتمنى يلعب اساسي بالناددي ,, عموما هالبطوله كل الهدافين ماطلعوا بمستواهم
عجب
ياسر
الضروبه سباستيان
الضروبه جونز
سمعه
هوار

Safeed said...

لو في المباريات الثلاث
حاطين فنيلة العربي داخل مرمى الخصم
جان بو عجب صار هداف العالم
:)

هاردلك ..

JooJ o MaJooJ said...

وااااي
صج قلت الي بقلبي كله
شي يعور القلب والله
احنا يصير فينا كل هذا؟؟
الله كريم
:(

MaJooooJ

nanonano said...

ابدعت يا دكتور

و صــــــــح لسانك

chandal/danchal!! said...

ماشاالله عليك!! ... ما بقى بيت مصيبة ما قلته فيهم ... اهي وحدة من الثنتين ... يا عندك خفارة ومغثية على جبدك ... او طالع حداق وماكو ولا باسية!! انشاالله يكون كلامك مطابق لمسماك الوظيفي ... يجرح ويداوي

صوتك وصل ... نورت مصر

swan.beach said...

تحليل روعه

اهم شي الاخت حلومه

قبست عدل

يعطيك العافيه
وان شاءالله يعوضونها المرات اليايه

حمودي said...

انا ما اقول الا مالت على الباميه

مبيوق said...

كلامك كلة مضبوط وأضبط من ساعة الملا

بس خلاص أعتقد الحل هو نسف المنتخب وعيال الشهيد

ونرد نبني منتخب من يديد

موظف حكومة said...

هذا حد الادارة الحالية

طول ما التفكير الإدارى نفسة ما راح يتطور المنتخب الكويتي

غير اربعة او خمسة افرقة الباقي تكملة عدد ما يحاولون حتي يطورون افرقتهم

mtfa2el said...

انا معاك بس اخالفك بالمطوع

تكفه شالزين فيه ؟؟

يعني ركض و أنانية عالفاضي

ولا الدبل كيك اللي بره منطقة الجزاء حسباله ريفالدو

وين عطه باص صح مثل الأوادم كله ركض و آخر شي شايت بره

الي لعبوا زين بالمنتخب صراحة
مساعد ندى على ان اللي قلته صح بس يظل قاعد يسوي شي أحسن من غيره ..يعقوب الطاهر ..نواف الخالدي ..علي مقصيد ..
و الباجين سلامات يا الغالي سلامات

على طاري وليد علي تصدق انه أول ما طلع صرح تصريح لي الحين ودي أدوس ببطنه عليه

قال راح ننسيكم أيام فتحي كميل و جاسم يعقوب !!!!!!!!!

almaqwa3 alsharqy said...

هاهاها00اهو بس اليوسف اللي يشجع السعوديه
:)
وقاعده اكتب و ايدي اتراجف
بروحي فيني فوبيا البالطو الابيض هالمره اخضر
وقبعه
وماسك
:)
ياماااما

LonDonY said...

بيضووووها والله يعطيهم الف

مليون عافيه .. لا وممنون لهم

على الاداء، انا ووايد غيري

ما يحق لكم تقارنونهم باداء ارسنال

وغيره بس حطيتوهم على

نفس المسطرة وشلختوا طوايفهم

طموحة مملوحة said...

كلامك جميل بس ماله داعي ترفع ببدر المطوع .. مادري على شنو ترفع فيه ... لاعب اناني يبي الكرة بس عنده ومايعطي ربعه ماكو روح رياضية عندهم كل واحد يبي اهو الي يسجل الهدف وبس علشان يشجعونه.. وصج على كلامك عجب وعجب وعجب وبالأخير وينه هالعجب مافيه شي يعجب صراحة حده اقل من العادي بعد الحمدلله والشكر ...

ونواف الخالدي فديته والله انه احسن واحد المفروض اهو الي يشجعونه مو عجب والمطوع وغيرهم الي الحمدلله والشكر .. .

العرزالــــــه said...

العسكر

ياليتك لاقي وطلعت انا غلطان والمنتخب راح يرد ايام زمان

العرزالــــــه said...

كويتي لايعه كبده

بعد راسي

لاحبيبي قاعدين لهم قاعدين

العرزالــــــه said...

بوراكان

وربي موعشان تعليقك

بس جم مره قلت لك اني احبك؟

العرزالــــــه said...

تكانه

لوول عاد هذا بصوب

العرزالــــــه said...

فريج سعود

اي والله طلع احسن اثنين
يكون بيغامر بالهجوم
بس جراغ يقولون كان مصاب والا؟

العرزالــــــه said...

زوز

شخت فيهم يوم لأنهم قاهريني كل يوم
والنتايج اذكر منهم وايد لأني عايشتهم والباجين من كوورة
:)

العرزالــــــه said...

استكانه

شفتي شلون
يعني ماتبون تحترمونا كيفكم
بس حلوومه عاد!

العرزالــــــه said...

الزين

اخخخخخخخخخخخخخخخ
كل المباراة بصوب وهالفرصة بصوب
القهر ان كان بروحه يقدر يسكن لا ووراه لاعب هم فاضي

العرزالــــــه said...

فيول

طلال نايف ماطبق مفهوم الظهير الغشاش وكان يطق بصراحة وبدون كره وهذا الشي موصحيح وزين انه مانطرد
انزين شتفسيرك للي سواه عجب؟ ما اعتقد ان الحظ لأنه ماكان يتعب نفسه عشان يستلك كور اصلا

العرزالــــــه said...

سفيد

تعتقد
:P

العرزالــــــه said...

ماجوج

والمشكله لما نتحجى يقولون صبرك عليهم
اي صبرك عليهم تمسخرنا واحنا نقولها

العرزالــــــه said...

نانو

ليتني ما ادعت وليت لساني ماصح
عموما صح بدنج
:)

العرزالــــــه said...

جندل

لاجذي ولاجذاك
بس اني مدمن المنتخب ولعبه وبطوا جبدي صج

العرزالــــــه said...

سوان بيج

ياليت
10 سنين وحنا نقول ان شاء الله يعوضونها المره اليايه

العرزالــــــه said...

حمودي

حتى انت اللي تقول ماتحب تتابع الكره انبطت جبدك
احنا شنقول

العرزالــــــه said...

مبيوق

اوافقك 100%
عشان جذي كله اتمنى ان الوضع يسوء اكثر واكثر مثل الدمله لين تنبط ويتعدل الوضع
انبطت الدمله ومات المريض وليلحين الوضع على ماهو

العرزالــــــه said...

موظف

بالضبط
صح لسانك

العرزالــــــه said...

متفائل

حرام عليك
المطوع عيز واهو يدور اللي يمشي وياه مالقى
على شوتين طول المباراة اقول انه اناني لاحرام مو هالمباراة بالعكس اهو اللي ضبط وايد هجمات خربوطه ونظمها
ومساعد مادري شاللي عجبكم فيه يوم امس؟ ابي شي واحد؟
اخيرا
صح لسان وليد علي
نسونا انجازات هالاسامي بمسخرتهم

العرزالــــــه said...

المقوع الشرقي

ليش منو شجع السعوديه بعد غير اليوسف
ولايبا لاتخافين بالمدونات لبسنا وطني
:)

العرزالــــــه said...

لندني

مع احترامي لوجهة نظرك
لكني قارنتهم مع نفسهم مع منتخبات 98 حتى مو منتخبات العصر الذهبي
والكلام له ادلته بالبوست

العرزالــــــه said...

طموحه مملوحه

بدر ياجماعه تأنن شوي وشات له كرتين لأن مالقى اللي يسانده وما الومه الصراحه

بوتشخيص said...

أشوى إني مو لاعب بالمنتخب لوول :)

Kuwait said...

عـرزالـه ..
سؤال هل اللاعبين اهم الي يختارون مادري يرشحون نفسهم حق المنتخب ؟؟؟
اللاعبين يلعبون بمستوياتهم وبلياقتهم ..
لما بنشره نشره على الي اختار وهو شايف المستوى !
فجر السعيد أمس لما انتقدت احمد الفهد وقامت تحطلك بالاغاني المسخره مع الصور انا انتقدتها مو دفاعا عن احمد الفهد واللاعبين ومحمد ابراهيم لكن انا اقول الي رد أحمد الفهد ويا وقاله تعال صير رئيس اللجنه الانتقاليه اهو الي يتحمل ..
احمد الفهد لما وخر عن الرياضه ومثل ما يقولون جدامنا موخر وهو يشتغل من تحت لتحت وهو الي يحركهم ..
انا ما أنقد عليه انا انقد على الرياييل الي ترس ويها شوراب وناس تمشيها يمين يمين ويسار يسار ..
مشكلتنا بالرياضه مو واقفه على لاعبين وجهاز فني واداري ..
رياضتنا بكبرها يبيلها نفضه حالها حال مجلس الامه حالها حال الحكومه ..
وي حبسي الله على العدو تعبتني اشتطيت ;p
ابي دوا الضغط مجانا لوووول

العرزالــــــه said...

بوتشخيص

بعد يستاهلون شنو

:P

العرزالــــــه said...

كويت

انا معاج

بس هم اللاعب اللي يختارونه المفروض يحس بقيمة الفنيله اللي عليه
واذا يحس عمره موقدها يخليها ماكو شي بالغصب

AMORA said...

la ma ga9eraw walla
kafey enhum la3ben e9ghar ye7tajon lel5bra
ely sawoh ams agdar asmeh enjaz !!
3asa rabe ya7fthhum

will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室