Thursday, March 19, 2009

اعتقد

من المعيب أن تُوظف الايات القرآنيه الكريمه والاحاديث الشريفه في غير مواضعها

خاصة اذا كانت مواضع فيها ضحك او تسمح بتجاوز الادب مع الله تعالى ورسوله صلى الله عليه وسلم

أفيتجرأ أحدنا ليضع كلام أميره في غير موضعه؟9

بل هل يقوى على فعل ذلك مع مديره في العمل؟9

مالكم لاترجون لله وقارا!9

ثم إنني أعجب كل العجب ممن يعرف تلك الكمية الكبيرة من الآيات والأحاديث، ثم يترك العمل بها الى السخرية بها ومنها
أفنكون ممن قال الله عز وجل فيهم

مثل الذين حملوا التوراة ثم لم يحملوها كمثل الحمار يحمل أسفارا؟9

===========================

استقالت الحكومة أم لم تستقل
حُلّ المجلس أم لم يُحل
دورك هو
أصلح نفسك..وادع غيرك..ودع القافلة تسير

وقل كمن قال
علمت أن رزقي لن يأخذه أحد غيري فارتاح قلبي
وعلمت أن عملي لن يعمل به أحد غيري فاشتغلت به
رفعت الأقلام وجفت الصحف
===========================
الحين خنريح شوي من الكلام الانشائي ونعطيكم آخر الاخبار
:)
قبل اسبوعين
بين قاروه وام المرادم
شفنا هالاسود من بعيد
قربنا..نحسبه دقس
والدقس من فصيلة الدلافين..لونه اسود ومو أليف نفس الباجي

والا المفاجأه

نعم لم تخطئ بقراءة الكلمة
مو
اللي ينشافون وايد بالكويت لالالالالا
KILLER WHALE!

كانوا 5

ثلاثه كبار واثنين ويا عيالهم

قربنا بنصورهم علبو اهم شوي بعاد

واحد منهم..العود

غاص تحت الماي واحنا ماندري وحاطين كاميراتنا بعيد بنصوره

جان يطلع فجأه تحت ريولنا

شصار فينا

تخسبقنا

اللي يسوق داس بيوخر

تدرون شسوا؟9

طق طقتين بذيله ونزل تحت الطراد

سمت نفسه صار طول الطراد

26 قدم!

اي والله ماجذبت تقريبا 9 امتار

واحنا ندوس واهو ويانا بس من تحت

مادري يلعب مادري يبي يوخرنا عن عياله وبنفس الوقت يكسر الطراد وينزلنا ياكلونا سناك

اي هذيله مفترسين مو حبايب

طبعا صورنا وايد صور وفي فيديوات توضحه اكثر بس المشكله كلهم فضيحه فسوري ما اقدر احطهم

:P

وهذي صورة الخرعه اللي كنا حاطين الكاميرا بعيد وطلع تحتنا

صورته وانا طايح لي ورا

:P

طبعا للي مايدري

هالمخلوق مايعيش بالخليج ونادري جدا رؤيته فيه

كل جم سنه يعني ويحطونهم بالجرايد

وهو احد اقوى مخلوقين بحريين

واهو و

Great white shark

شوفوا الفيديو اللي باللنك وراح تعرفون ليش اليرايير تهاجم الغواصين خاصه اللي يلبسون زعانف تخليهم يحسبونهم جلاب بحر

بس الكلر ويل اقوى

وهو نفسه اللي يستعملونه بالعروض بامريكا

وهذا فيديو يبين شنو اهو حبيب


================
عندي قناعه
ماكو احلى من القهوه اللي انت تسويها
من قال قهوه؟9
:)

===================

اخيرا

نشكر الاخوان في الاتحاد الوطني لطلبة الكويت فرع امريكا وممثلهم رئيس الاتحاد الاخ صالح التنيب على مجهودهم في انتاج هالفلم الوثائقي الرائع

لتحميل الفلم

P.S: معليش كويتي لايعه كبده امسحها بويهي

40 comments:

violinist_q8 said...

بالنسبة للنقطه الاولى عن توظيف الايات القرانية بغير محلها هذا دليل نفاق وتوظيف لمصلحة خاصه
اصل توظيفها اهوا تفسيرها...مو نقلها لتفسيره الخاص

وثاني شغله انت قلتها بخصوص معرفتهم بالايات والاحاديث هذي مومعرفه دام مافيها تطبيق تناقشت مع ملحد منهم وكان يتمسكن ويقول ان الي يغلطون عليه هذا ماوصى فيه الاسلام قلتله دامك تدري عن تعاليم الاسلام ليش ماتطبقه لنفسك ؟ ومالقيت رد لان فاضي من داخل ومن بره ملجوم من شهواته
عالاقل يتمسكون باخلاق الدين

ورد اخير على ردك بالبوست الي طاف iam a man

WB again

الخيلاء said...

قلتها يالعرزاله
مالكم لا ترجون لله وقارا

استغفر الله


ذكرتني صوره الويل
لما رحنا جزيره خصب العمانيه
شهر 2 واحنا بعرض البحر
جان يقولنا راعي الطراد شوفوا يمكم
ولا دولفين ويصفر له و اهو يستعرض صوبنا مره يمين مره يسار
واحنا مره راكضين مره يمين مره يسار
جنه عمرنا ماشفنا دولفين

صج لما اتشوف شي فجاه و بدون اي تخطيط له متعه غيرر عن الشو


انا اقول كادبري مو من ربع القهوه
:)

عليك بالعافيه

حياتي هدف مو عبث said...

والمشكلة إن اللي يستخدم الأيات لخفة دمه
يعيب على من يستغل الدين لمصالحة
ما أردى من المربوط إلا المفتلت
(عاد المثل صح غلط مادري(
ـــ

هذوول شلون يوو الكويت ؟؟؟
والحمدلله على سلامتكم
ما صار فيكم شي

a7ibich yl KWT said...

حمدالله علسلامة وخطاكم السو

يمعود هذول مو ملوت غشمرة وانت شلون لك قلب تصور بهالموقف

انا اقرى البوست خفت وشلون انتوا

يممممه

why me said...

@@



يماا


اشلون يت لكم الجرأة اتصورون

لو انا انحاش .. حتى الكاميرا مادري عنها





==

انزين


جان صدتو واحد
بس كله تتشيحط بالشعووم

لوووووووول


;pp

why me said...

اييييييييييي


نسيت اهم شي



أبي قهوه

:)

طموحة مملوحة said...

تدري الصورة الي فيها الحوت ناقز قبل الأخيرة قلت ماشاء الله عليه شلون لقط الصورة بعدين جان اقول مالت علي جبل ثليجي بالكويت ؟؟ لوووول

وناسة .. يمكن كان يبي يلعب .. حدها خوش رحلة ..

على طاري الآيات القرآنية امبي مرة دشيت منتدى انتقد سوالف الشباب والبنات الي يحطون العاب بالمنتدى ويلعبون ومن هالحجي الي تجر التعارف والمسخرة جان تعطيني وحدة حديث للرسول استغفر الله ان الانسن لازم يعطي وقته للعب ، جان اقول له يرحم امج لعب نظيف لوووول مو هاللعب وقاموا علي انتي معقدة وانتي هبلة لوووول الحمدلله والشكر

أحمد الحيدر said...

وهقة ..

هذول وين بالضبط الحوات ؟؟؟

واستخدام الدين بكبره هالأيام لتحقيق مكاسب مو بس آيات ..

تحياتي :)

someone_q8 said...

السلام عليكم
اشلونك يالغالي

اللي شفته بالبحر صحيح وهالقطيع امضيع وداش الخليج بالغلط من المحيط الهندي
هالقطيع شفته بشهر 10 اللي فات من خلال عملي وكان ببالي انهم دلافين كالعادة لكن من خلال المنظار عرفنا انهم الحيتان القاتلة وبعد جم يوم تم نشر خبرهم بالجريدة وبالصور
و من خلال اللي شفته معناته شكلهم امطولين والله يستر علينا وعلى الحداقة :)

Kuwait said...

@@
في مجـال نشـوفهم واحنا واقفيـن على اليـال ؟
:\
<-- يعني خايفه ادش البحر لان ماعرف اسبح يكون واثقه اني بقدر انحاش منهم بالسباحه ;p

كويــتي لايــعه كبــده said...

كاااااك

عاد توني بقول
:)


والله ستر عليكم

ولد الديرة said...

ترى يايين بكرت زيارة

يقولون والعهدة على الراوي ان الفكرة كانت انهم يكتون ماي بالميلس الموقر ويهدون هالحيتان وعيالهم يبربسون بجم نائب

تثت

ولد الديرة said...

نسيت

اذا كان الكلام عن الملحدين ترى الحجي ضايع وخلهم على صفحة اسنع لك

chandal/danchal!! said...

عودا حميدا.... مدفوعة انشاءالله


انتحار الحيتان!!!


شكلة ياي وشايف منيتة جدامة!

الزين said...

صباح الحكم والراي السديد

عجبني الكلام وصح لسانك




والحمدالله على السلامه وخطاكم السو

بلاغة الشف ساعات مو زينه

:)

تعال يالشيخ بسئلك شصار على حسين الفضالة؟؟

nanonano said...

أ ول حيثيه..صح كلامك

بس ما فهمت شنو المناسبه
====
ثاني حيثيه..لازم نبتدي في نفسنا..و نصير صادقين في محاسبة نفسنا

===

ثالث حيثيه مقطع

لما ورّيت زميلي بالشغل الصور

و أهوه يموت على الحداق

قال هذي بشارة خير

ما أدري عاد صح كلامه و لا لأ
======

molok said...

الله ستر ..
الحمدلله على السلامة .. ودير بالك في المرات الياية ..

علاقتي مع القهوة مثل علاقة يدي مع اللغة الصينية .. حتى ريحتها ماأحبها :(

موفق

العرزالــــــه said...

Violinist

عجبني ردك على الملحد، بسيط ومفحم

تصدق اخر بوست كنت برد عليك على انك ريال بس كل مره اسويها يطلع النك لبنت واتوهق قلت خل اتشيطر لول ماكلفت عمري ادش بروفايلك

السموحه
:)

العرزالــــــه said...

الخيلاء

يامن حظج انا ميت ابي اروح عمان حداق بس ماني لاقي وقت :\

بس هذا مو اي دلفين هذا الحوت القاتل!

العرزالــــــه said...

حياتي

هم ردج عجبني..فعلا اهم متناقضين

هذيله طال عمرج واليرايير الكبيره يقولون ان البواخر اللي اتييب الخرفان من استراليا وتموت بالطريج يقطونها وهالسمج يلحقون هالبواخر لين داخل الخليج

والله اعلم

العرزالــــــه said...

احبج

اصلا عقبها قعدنا نفكر نقول شنو احنا مينن بايعين عمرنا شنووو!

العرزالــــــه said...

واي مي

لووووووووول تخليلي نحاول نصيد واحد فيهم

جان يصعد لنا الطراد يطورقنا

العرزالــــــه said...

طموحه

لوول تخيلي انا مصور ام الثلج اي هذا ثلج الصبيه

:P

عاد من صجج تناقشين كل من..تتعبين والله

العرزالــــــه said...

بوشهاب

هذيله طال عمرك بين قاروه وام المرادم يحوسون

قمت اخاف مادري من وين بيطلعولي

العرزالــــــه said...

سم ون

وعليكم السلام هلا بالحبيب الطيب الغالي

ياخوي كلمولنا احد يكلم ملوت بواخر الخرفان يعني الله يرضى نطلع نحدق نصير احنا الييم؟

العرزالــــــه said...

كويت

لووووول اي ويوصلون طلبات البيت

احلى شي انج خايفه ماتعرفين تسبحين يكون يعني بتنحاشين منهم بالسباحه

ولك طراد 9 قدم يالله انحشنا منهم

هم ولك

العرزالــــــه said...

كويتي

ياخوي سولنا واسطه عاد وطوف

العرزالــــــه said...

ولد الديره

والله ياخوي اعتقد لو نقط هالحيتان وفوقهم يريورين المجلس هم اللي بالمجلس ياكلونهم

كلوا الكويت بكبرها ماياكلون حيتانها

العرزالــــــه said...

جندل

ليش انتحار؟ لا هذيله يردون يطلعون

العرزالــــــه said...

الزين

هلا بالزين

اي والله عاد انا ويا مواقف اللقافه خاصه وانا صغير مانخلص لو اسولفلج اموتج من الضحك

حسين والله يا اختي حالي من حالج كل ما اسأل ما من جديد عسى الله يفرج عنه وعن اهله

العرزالــــــه said...

نانو

اول حيثيه مالها مناسبه معينه بس ان كلام بالقلب

وبشري زميلج اللي بالدوام وقوليله هم اذا يبي انا مستعد انزله واخليه يحلب بهالشعوم عشانج

جم نانو عندنا

العرزالــــــه said...

ملوك

انا اول ما اشربها

الحين مدمن للأسف

why me said...

loooooooool


عيل حسافه ما حاولتوا اتصيدون واحد

;ppp

صبا said...

وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااي
يمااااااااااااااااااااااااااااااااااااااااااااااااااااااااااااااااااااا

من صجكم ؟؟

والله لو انا جان وقف قلبي
امبي وحش بالبحر وانتو تصورونه
واااااااااااااااي

مستعدة said...

خوش بوست ..

ومقدمة الموضوع كانت رائعة ما شاء الله اخترصت فيها كل الكلام اللي لازم ينقال ويتداول هالأيام...

أما بخصوص أسماك القرش فالله حفظكم!
@@..


يعطيك العافية..

مستعدة said...

أقصد الحيتان *..

العرزالــــــه said...

why me

لا يامعودههه

العرزالــــــه said...

صبا

لووول ضحكني تعليقج

العرزالــــــه said...

مستعده

حياج الله

وعلى فكره هذيله يعتبرون دلافين..اكبر فصيلة من الدلافين

معلومه ماعرفتها الا يوم قمت ابحث عنهم

عشان الكويت said...

عشـان الكويت .. نسعى للأفضل !


http://for-q8.blogspot.com