Saturday, March 21, 2009

وعشان جذي عمري ماقيدت ولا راح اقيد

قولوا اذا خليت خربت
قولوا الدنيا ليلحين بخير
قولوا ليش متشائم وخلك متفائل
قولوا البركه بجيلنا واحنا بنغير
انا اقول الا من رحم ربي ولكن الغالبيه والغالب حدوث مايلي
وقت الانتخابات
الدينين--> يزكون بعض--> يتحالفون-->يكسرون ابعض-->يخسر جم واحد-->يتهاوشون
الليبراليين--> يزكون بعض--> يتحالفون-->يكسرون ابعض-->يخسر جم واحد-->يتهاوشون
البدو--> يزكون بعض--> يتحالفون-->يكسرون ابعض-->يخسر جم واحد-->يتهاوشون
الشيعه--> يزكون بعض--> يتحالفون-->يكسرون ابعض-->يخسر جم واحد-->يتهاوشون
المستقلين--> يزكون بعض--> يتحالفون-->يكسرون ابعض-->يخسر جم واحد-->يتهاوشون
نواب الخدمات--> يزكون بعض--> يتحالفون-->يكسرون ابعض-->يخسر جم واحد-->يتهاوشون
وبعد ماينجحون بفضلنا
الدينين-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم
الليبراليين-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم
البدو-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم
الشيعه-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم
المستقلين-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم
نواب الخدمات-->يسعون لمصالحهم-->مايحصلونها-->يأزمون البلد-->يتحلطمون الناخبين عليهم
وبعد ماينحل المجلس للمره المليون
نرجع نصوت لنفس الاشخاص اللي كنا مانبيهم يوصلون
المشكله لا بالحكومه
ولا بالمجلس
ولا بالدستور
ولا بالوضع الاقتصادي
ولا بالشيوخ
ولا بالمنتخب
ولا بالنواب
ولا بالبيروقراطيه
ولا بشي
المشكله مثل ماقالوا وايد
المشكله فينا احنا
كل شخص فينا
انا وانت ياللي تقرا
نعم انت
نقول كلام مانطبقه
نرفع شعارات احنا مو قدها
بالكلام..نشكي ونحارب كسر القانون والتافهين اللي يصوتون ويساندون الناس على اسس خاطئه
بالفعل..اغلبنا نكسر القانون بشكل يومي ونساند ونصوت على اسس خاطئه وشنيعه
انا اقول الحل يبدي فيني وفيك انت ياللي تقرا
وفي كل واحد تقعد وياه وتكلمه
تفهمه ان دوره مو هين
دوره مهم
احنا كلنا مانوصل مليون
لو كل واحد يبدي بنفسه ما اعتقد نحتاج اجيال عشان نتعدل
لو كل واحد تكون عنده الشجاعه ان يوقف باي مكان..دوانيه..بيتهم..بالشغل
يوقف ويتكلم بالكلام الصح
يوقف ومايهمه يقولون هذا شعنده
او هذا شفيه يتفلسف
كلام الكويتيين طبعا لما يكونون في سكرات الغباء الدائمه ولما يتضايقون ان في احد وده يشغل مخهم المصين المغبر اللي عمره ما
اشتغل
قوم وتكلم
وع اللي حوالينك
واختر الناس الصح على الاسس الصح
تالي تعالي وتحلطم
تالي تعال وقول الديره متخلفه
وحتى نلتقي على موائد المرشحين
الله لو يدرون اني مو مقيد
عاد انا ما اروح مقرات المرشحين
بس يوم الانتخابات دايما امزج واروح اماكن الانتخابات
والكل يعطيني اكل وبرد ومادري شنو وكروت
حسبالهم صج
:)

37 comments:

why me said...

صفقــــــــــــه


كبيـــــــــــره



على هالكلمات




انت صح

mtfa2el said...

كشخة انا اول واحد
انا معاك باللي تقوله

بس انت و غيرك و غيرك وايدين اللي مو ما قيدوا ولا يصوتون
طيب ما تهقى انه ممكن يسوون تغيير لو بسيط و صوتوا للي يشوفون انه احسن
وضع الديرة ما راح يتغير بمجلس الأمة
بس أنا أقولك ممكن ببعض النواب اللي فيهم خير يصير خير لديرتنا

ترى على فكرة انا دم ضروسي النواب و اكثر واحد ينتقدهم و رايي اللي ما يوافقوني عليه وايدين انه خل يحلون المجلس حل غير دستوري فترة لو سنة ممكن يتعدل الوضع

بس لي يه يوم التصويت احس انه في شي ممكن اسويه لديرتي لو بسيط و احاول اصوت حق الاحسن

الله يا كثر اللي بياكلوني على سالفة الحل الغير الدستوري
هههههه

why me said...

متفائل



انت حدك متفائل انك اول واحد


انا الاولى


حررره


;pp

Kuwait said...

@@
نو كومنت

someone_q8 said...

السلام عليكم

اخوي الغالي عرزالتنا
اللي تبيه راح تلقاه بالاجيال القادمة مو الحين لان التغيير ياخذ وقت طويل بتقول لازم احنا نتغير وان التغيير يصير بلحظه صحيان ؟
اقولك هذا ينطبق على جم واحد عنده عقل لكن للأسف المجتمع تعود على اللي يجذب عليهم ويعطيهم وعود اكثر من ان يقوم بالفعل


التوعية حلوه حاليا لكن تطبيقها يطول لان مشكلتنا لحد الآن مو عارفين انطبق الديمقراطية بالشكل الصحيح تخيل من سنة 1963 لحد الآن جم مجلس امة كمل دورته ؟
1 , 2, 3, 4, ؟؟؟

خلها على الله الديرة ماشية على البركة والنفس تغيرت ياخوي ماعندها الهمة وانها اتقص الحق من نفسها

-mate said...

انا قيدوني بدون لا أدري

nikon 8 said...

هدي بالك
اليوم عيد الأم
عايد على الأمهات
وباكر رد على موضوع الإنتخابات
كل عام والأمهات بخير
:)

أبو جيج يدور نعاله said...

أحسنت


دعوة صادقة لكل من يحب وطنه فعلا بأن يقاطع الإنتخابات برمتها إذا المرشحين الموجودين أمامه يمثلون نفس العقليات و الأجندات الضيقة التى قتلت البلد

مركبنا said...

اما عني سوف اصوت

بسمع واسال واستخير
وبتوكل

واذا النا الطيبيه السنعه مثلكم وشرواكم
ماصوتت نخلي الساحه حق منوا

حاطب ليل said...

كلامك واقعي جدا
بس شالحل ؟؟
مقاطعة الانتخابات ماشوفه حل
شخصيا ابي اتنفس الديمقراطيه حتى لو كانت اجراء شكلي
..

Sn3a said...

اشوه نفس تفكيري بس انت تعرف تعبر عنه اكثر
محد كفو استأثم بالكويت فيه

فريج سعود said...

الواحد بروحه على طريف والربع يحبطونا اكثر

الصاروخ said...

ما الومك على نظرتك التشاؤمية لكن واه من لكن هذي لكن لازم نقول ونتكلم الحق،كلنا شفنا اللي صار بالمجلس اللي فات منو كان السبب بالتأزيم والحل مو هايف وحدس والمسلم . ومنو اطلعت فضايحه على صفحات جريدة الرأي مو خالد السلطان اذا لنتفق على ان لا يصل هولاء اما الآخرون فنستطيع ان نختار الصالح منهم اما الاعتزال والسلبية فلن تحل المشكلة التي تمس الجميع المشاركون والمعتزلون

Q80 Blogger said...

ليش تضيق خلقنا انزين !!!!

العرزالــــــه said...

why me

عيل لاتنتخبين ولاتحتلين المركز الاول قبل متفائل

:)

العرزالــــــه said...

متفائل

عدل كلامك بس انا لي وجهة نظر خاصة بموضوع التصويت

الاهم عندي توعية اللي حواليني

العرزالــــــه said...

كويت

نو رد عيل

"P

العرزالــــــه said...

some1

وشاللي خلى النفس تصير جذي الا الفشل المتكرر اللي اهي سببه لأنها من وصلت سبب هالفشل

العرزالــــــه said...

ميت

عسى مايرشحونك وانت هناك ماتدري لول تخيل ايونك يباركون لك تحسب ناجح بالامتحان والا انت ناجح بالانتخابات

شعليك شعليك

العرزالــــــه said...

نيكون

مهدي البال على الاخر ورااااايق

يكفي اني مو مقيد

وعاد الام

اليوم يومها يبيلها كيكه

العرزالــــــه said...

بوجيج

الناس وصلت مرحلة تبي تستفيد من المرشح وطز بالبلد

للاسف

العرزالــــــه said...

مركبنا

شرواج الطيب

عدل كلامج بس مثل ماقلت لمتفائل انا لي وجهة نظر اخليها لوقتها

العرزالــــــه said...

حاطب ليل

واذا قدرت انك تعيشها مو بس اتنفسها مو احسن

العرزالــــــه said...

سنعه

خوش جمله

استاثم بالكويت

والله يبتيها بالضبط

العرزالــــــه said...

فريج سعود

اللي يسمع يقول الوضع مثالي

Kuwait said...

@@
اذا انت مو مقيد اشلون بتصوت مع حملة الازيولايكي ؟؟
يلا كمل رد على الكومنتات :p

العرزالــــــه said...

الفضي

اهم والا غيرهم

اذا مافي توعيه صحيحه ماكو فايده

العرزالــــــه said...

بلوقر

ياجماعه شفيكم تحسسوني كنا باليابان والجماعه ماقصروا

مو قاعد اييب كلام من عندي كل شي تشوفونه كل يوم وتعيشونه

العرزالــــــه said...

كويت

انا مقاطعه من زمان اهو وحملاته

:P

ساره النومس said...

عرزالة شوف ابوي :(


مايبني اروح اصوت علشان يدري بصوت حق حريم لووول

يبا لازم نسوي ندوة مثل ما يسوون الاعضاء علشان يقنعون الناس فيهم .. نقنع الناس على التصويت الحق لأج الكويت وبسهم عاد ملاقة والله

العرزالــــــه said...

طموحه

اذا فيهم الزين صوتيلهم ليش لا

q8mirror said...

كلامــــــــك سليم
مأدرش اؤوول حاجه عنه

اتمنى كل كويتي وكويتية عنده ضمير واعي وتفكير سليم انه يطبقه ..
أمـا اللي ماعنده كيفه..
مايفيد فيه أي كلام :(

*******
طالما لازال فيه موائد للمرشحين ومقار متخلفة ومخيمات..
فلا طبنا ولا غدا الشر ،،،

المتابع said...

اعتقد ان المشكله فعلا تكمن فى المواطنيين الذين يعطون الفرصه لنواب يجعلوا حياتنا جحيم فى جحيم وذلك لتحقيق اغراضهم الخاصه وتحقيق مكاسب على حساب الكويت يجب ان نحسن الاختيار تلك المره وننفذ وعد الامير حفظه الله ورعاه وانه ترك المسئوليه فى الاختيار لنا فيجب ان نكون عند حسن ظنه

العرزالــــــه said...

q8mirror

والله طال عمرك انا علاقتي بالانتخابات الاكل وبس

العرزالــــــه said...

المتابع

الله يسمع منك ولو ان بدون توعيه كل كلامنا يوم التصويت يتبخر

@alhaidar said...

ئي والله العيب فينا ..

صدقت ..

العرزالــــــه said...

بوشهاب

مشكور على مرورك حبيبي