Wednesday, March 25, 2009

سؤال للحريم وخاصه للمنقبات




ليش بعضهم لما يسوقون لازم يمسكون السكان بايدين تقول اسكت مقطعه التدرول
لا وتنام عليك
واخر شي تعصب
ليش
ليش
ليش
؟

39 comments:

EXzombie said...

اجابتي وصخة فراح اعطيك اياها بالقهوة

و اليوم سألتني وحدة عنك

another day said...

لان مغطيه ويها

يعني

أسوي اللي أسوي محد يعرفني

أي شي
الحمدلله والشكر

ونسوا إنه السواقه ذووووووق

ويعكس أخلاق بيئته اللي تربى فيها

عموما أنا عندي مبدأ
أي ديره تروح لها بتعرف أخلاق أهلها تعرفها من سواقتهم

الزين said...

انزين انا عندي سؤالين ثانين ضيفهم على سؤالينك


ليش كل المنقبات يسوقون سيايير كبااااار

ولما تدخل الشارع او الدوار على بالها سايقه طراد

والسؤال الثاني

ليش تحس مو حريم احيانا

ياربي طريقتها بالسواقه جنه ريال

!!

اذا جاوبتني بجاوبك

قصه بقصه

:)

صباح الخير

`~MnO YeNSa! ~` said...

وايد اسأل هالسؤال
بس اتوقع ..


ليس ايا مما سبق
:P

صج
نسيت صباح الخير

حسام بن ضرار said...

كعالعاده

هجمه على المنقبات

و تعميم ظالم ما يعكس واقع ان كل الحريم يخورونه بالسواقه بنفس النسبه بغض النظر عن لبسهم

ما اقول إلا :
و عين الرضا عن كل عيب ذليلة
و لكن عين السخط تبدي المساوئ

صبا said...

عدااااااال
عليكم انتو الرياييل
والي ينزل قترته جنه معرس ولا يتلفت وينااام نووووم على الي يمه
ليش
ليش
ليش
؟؟؟؟

في بنات يسوقون احسن من الاولاد
واذا مو مصدق تعال اليوم الساعه 7 مصافظ المسيدالي يم بيتنا
وشوف الحرفنه
وانا اسوق
؛))

mtfa2el said...

و الله انا مع بو ضرار

اللي يسمع ما شا الله الحريم مسكتين بالسواقة .. ما جنه ثلت ارباعهم ماخذين الليسن ببيوتهم و بالشين خلق الله بالشوارع
انا اقول يمنعون سواقة الحريم عشان تخف الأزمة المرورية و اللي تبي تروح مشوار الله يعافي التكاسي الجوالة ولا باصات النقل الجماعي
:p

ولاّدة سابقاً ... رانيا السعد ...رانية المنيفي حسب الأوراق الرسمية said...

المنقبات المفروض ما يسوقن لان نساء النبي والصحابيات ما ساقن وبعدين الربع بالسعودية قالوا ان سواقة المرأة فيها شبهة...ودرء الشبهات خير من جلب المنافع

............

أما عن سؤالك للحريم ...فرجاءاً لا تعمم ...أما عن نفسي فأنا أقر وأعترف أني ما أعرف أسوق بالمرة ...وإذا عصبت أفقد سيطرتي على السيارة أكثر...مرة كنت معصبة دخلت بدوار

ولكني قصيت الحق من نفسي وصرت اركب مع سايق من أجل سلامة الناس

المراد: سايقي سافر وهاليومين رديت اسوق فأعتذر مقدماً لكل شخص ضايقته بالشارع وأوجه نداء لأصدقائي المدونيين: من أجل سلامتكم أغيثوني بسائق


مع كل الود

Ra-1 said...

ترا عيب تعمم
وماكو فرق بين المتنقبة وغير المتنقبة
وإذا النقاب مو عاجبنا مالنا حق ننتقد المنقبات ونشملهم بوصف مو موجود فيهم كلهم
:)

آنا لما أستمتع بالسياقة أمسك السكان بإيدين
شنو المشكلة؟

على فكرة أمس كنت صافطة وموعارفة أطلع سيارتي لأن صاكين علي وتوهقت
تدري منو تبرع وساعدني وطلع سيارتي؟
وحدة منقبة :)

Q8EL5AIR said...

كلش مو صايرلك هالموقف .. ابد :)

الظاهر تدور على ريل !!
يمكن تغريك بعصبيتهه :)




وتحياتي ..
ويسلموااااااااااااااااااااا :)

إنسانة said...

جوابي هو :

االي كان قاعد يسوق بخوارة و سوى حادث حق بيتنا و توفت اختي فيه شاب

و عائلة صديقة لنا توفى ولدهم و اهوا يلعب بالشارع و اللي كان يسوق شاب

ببساطة

اذا الحريم يخورون فالشباب يدمرون

استفهام : شكو النقاب بموضوعك ؟ ليش المنقبات لهم مدرسة بروحهم؟ و لا تبي تقلد فؤاد الهاشم

Anonymous said...

سلام = )

الانسان بأخلاقه
والأخلاق انا نحترم الناس
سواء لابسين نقاب او مو لابسين حجاب

مو حلوة نتكلم عن الناس جذي
صدقني : )

حتى هالشي ماراح يريحنا من داخل القلب، راح يتعبنا...

الله يوفقك ويسعدك ..

أخبار الاتحاد said...

تعميم الحوادث الفردية
وصبغها كظاهرة جماعية
طريف ومضحك
ولكن بالحقيقة ظالم
علينا الحذر منه
وأعرف أن القصد
هو التسلية فقط
لكن اللعب بالزجاج
يجرح الأيدي أحيانًا
سلمكم الله من الجروح

كويــتي لايــعه كبــده said...

أموت على الحريم اللي ينامون عليك ويطالعونك انك انت الغلطان بمجرد انك رجل


أحد نام عليك بالانفوي!؟

الله يذكرك بالخير يا آز يو لايك
:)

مركبنا said...

العرزاله

جنك خرتها

ليش يبا
المنقبات من اي كوكب
قول البنات

بس مو منقبات شكو النقاب

نغزة شكبرها

النقاب تحت العين مو على العقل يلبسونه

واذا لبس احد نقاب على عقله ما يشوف الحق


ولا لو قايل البنات وايد احسن لك
بس تقول منقبات !!!

شكوووووو


والي يقولون السواقه ذوق والمنقبات بلا ذوق نقول لهم الله يبشركم بالخير
عيل ريايلنا مقطعين الذوق !!!

والى يقول محد يعرفني يعني صايدها

الناس تعرف السياره
والمنقبه الي يعرفها يعرفها بنقاب وبدون نقاب !!!

شوية ذكاء بس بس شويه

وبلا نقاب على العقل

اخوي
تذكر بوستك مال السرعه عشان بتصور العداد

سؤال كنت وقتها لابس نقاب بعد
ولا بوشية

وعلى فكرة وقت الصحابه ماكان في سياير

someone_q8 said...

السلام عليكم

شكلك ماكلها :)))

عالعموم القيادة اخلاق والاخلاق ماتعرف رجل ام امرأة :)

Purplecious said...

يا جماعة شفيكم دكتورنا ما عمم قال

بععععععضهم

و بعدين ترى النقاب صج يحجب الرؤية

@@

شــــــاهد عيـــــّان

احم احم

لوووووووووووول

انا مره جربت أسوق بنقاب

ههههههههههههههه
هههههههههههههه

صج الله يعينهم صراحه حسيت اني ما أعرف أسوق و ما أشووووووووووف


صج صج صج النقاب يحجب الرؤية جزئيا

أتمنى خواتنا المنقبات يراعون هالنقطة لما يسوقون

Anonymous said...

ماكو مشكلة تبون الحريم ما يسوقون؟؟؟

و لا يصير خاطركم إلا طيب...

بس تدرون شلون؟؟

بما انه شباب الكويت كلهم ما شاء الله شوماخرات، عيل ما نقبل أحد يوصلنا إلا أهم... لأنه الهنود هم ما يعرفون يسوقون...

فبالتالي هم اهم اللي يودون المدام الدوام و يرجعونها من الدوام و بالطرج يوصلون اليهال المدارس و يروحون الجمعية اييبون أغراض البيت و يروحون المستوصف ان مرض احد من اليهال و يروح يدور على الصيدليات اييب الدواء و ايدور من مجمع لين مجمع او من جمعية لين جمعية يساعد أم العيال او خواته او امه بتشري الهدوم و الذهب و الهدايا و حتى كيك و حلو الزوارة...

و هم بالمرة يقطعون هالرحلة الليلية المسماة بالديوانية لأنه عقب ما يخلص دوارة و خوارة مكان المدام اللي ما تسوق إلا خلص اليوم و انهد حيله فلا قهوة و لا ديوانية و لا شاليه

و طبعا ينسى الحداق لأنه ان راح يحدق انحكروا بالبيت

حسام بن ضرار said...

مركبنا:

يسلم لي ردج

و خصوصاً جزئية: ان ما كان فيه السيايير وقت الصحابه

خوش رد

:D

المقوع الشرقي said...

عرزاله
انا عندى ان الحريم سواء منقبات ولا حجابات ولا سفور اهون من هالمتهورين الشباب اللي ما تدري من وين يطلعلك
وأؤيد العزيزه ولاده..ان السواقه فيها شبهه فخل يدرؤنها ويقرن ببيوتهن
مير اهم اللى تارسين المولات والمطاعم كونج منقبه يعنى حدج ملتزمه ليش الميك اب اوفر العيون قاعده ساعه اتزينينها وكريم الاساس لاعب لعب
حوالين العين
والعبى امخصره
وفراره بهالمجمعات والمطاعم وين قرن فى بيوتكن

مركبنا said...

بعد ما طخيت اخوي

ادري انه مو منطبعك الطنازة
وانت محتر من موقف صاير لك

بس ياخوي لا نجرئ الناس على غيرهم
لانهم يلبسون مالا نلبس

Hamsa said...

ترى صج النقاب يأثر على المجال المرأي visual field

يعني اللي أقصى اليمين و أقصى اليسار راحوا فيها

another day said...

إشفيهم شبوا عليك واااو جبريت عيال الديره

جنكم مافرقتوا شي عن نوابنا الموقرين

سؤال ال king
واضح للحريم مع المنقبات
وقال

البعض البعض البعض منهم

يعني مو الكل وإجاباتنا ع البعض

ف ليش زعلانين
حبايبي محد إنخلق كامل كلن وله عيبه

سواء الحريم أو الريايل

بس طبيبنا حدد سؤاله للحريييييم

وكلن ورايه

العرزالــــــه said...

ياجماعه

انا ماعممت وقلت بوضوح البعض

وانا كنت اتكلم عن فئة الحريم بشكل خاص دون ان استثني او ادافع عن الرجال وماقلت انهم يسوقون احسن منهم

بعدين انا ماغلطت على النقاب كنقاب او شككت فيه ولا طعنت في المنقبات

عموما مشكورين جميعا خصوصا اللي قط علي حجي انا ما استاهله

:)

Kuwait said...

لووووووووووووووووووووول
عرزالـه ولا عليـك أمــر عشان ما نرد حق سوالف ترقبوا وقريبا ..
قط هالموضوع بزبالة المدونـه تكرم مع المواضيـع الي طارت من قبـل ..
وترى محد يقصـدك بالشيـنه .. :)
وشخصيـا حدي من الظهر وانا ادش أكركر على التعليقات وامشي لأسباب وايد ماني قايلتها ;p
ويـلا حط موضوع يديد ولا تزعل ولا أحد زعلان منـك ..
ويلا أســرع ســـريــع دقيقتين بلف لفـه وأرد عشان أصير أول كومنت ;D

ساره النومس said...

لووووول ي والله هذ اختي (( المنقبة ))جذي ودايم اهي الصح والناس غلط ... لووووول بس حتى في ريايييل مايعرفون .. على قولة ابوي الصعايدة والهنود لووول

DiLLi O MiLLi said...

هههههههههههههه
أشطاري عليك هالسؤال؟؟
:)
نظريتك صحيحه
100%

وعندهم سالفة لا دشوا الدوار
لا يلتفتون وعبالهم الدوار دوار أبوهم
أنا أذا كنت بالدوار وشفت منقبة بتدخل الدوار .. كعييت
وقفت بنص الدوار عشان حضرة جنابها تمر
الظاهر بالنسبة لهم التلفّت مااا يجوز !!!ء

:)

العرزالــــــه said...

كويت

لا عادي حصل خير والموضوع ماغلطت فيه على احد عشان احذفه

وياشقول اشوف صارلج فتره ماسكه علي ترقبوا وقريبا حسبالج مادري هههه

العرزالــــــه said...

طموحه

مو بس اختج اغلب الكويتيين يكونون صح وغيرهم غلط

والمشكله حتى لما يعرفون انهم غلط مايعترفون

@alhaidar said...

هذا تجني على المرأة دكتور ;p

Anonymous said...

أخوي

انا متنقبة

واسأل ربي الستر

وماله علاقة بالرؤية

بس بالبداية أي إنسان يجرب شي يديد يحس غير ... وبالنسبة لسواقتي

أنا صج عليمية

بس غصب اسوق
مشاويري ما تخلص

ماله علاقة بالنقاب الموضوع

وبالنسبة للنوع الأخر من الأشخاص
ياكثر ما حريم مومحجبات يفعون الدرايش
ويسبون ويصرخون على أي شخص
ماقلنا هذا طبع السفور!! "ادري ماكان قصدك جذي"

المسألة أخلاق
بعدين تعال انت يايب العيد

غصب تحدى الكامرة وتطق 200
هذا شيسمونة!! ياليتني شرطي
جان تحلفت فيك

بس بالنهاية ربي يحفظنا أجمعين

العرزالــــــه said...

بوشهاب

صحيح لو كنت معمم

العرزالــــــه said...

حجر كريم

الله يثبتج ويزيدج من فضله

انا ماهاجمت المنقبات او النقاب ولا خصصت سوء القياده فيهم

وبنفس الوقت مازكيت نفسي او الرجال بانهم احسن ناس يسوقون

ارجوكم تقرون مواضيعي بدقه لأني تعبت وانا اشرح وابرر اشياء موضحها وخالص المفروض

Q8links said...

العرزالة

نيتك طيبة

لكن

خانك التعبير

Anonymous said...

هممممممممممم

ما اقدر أرد

لأن سواقتي أي شي

وكله ألف على الناس

و كله أتحلطم

و كله يا داعمه أو مدعومه

و كله أحس الي يمشي وراي يدعي علي

لا وهذا وانا مووو متنقبه

مادري اذا لبست نقاب و نص عيوني انخشت و ما قمت اشوف عدل شيصير

مع تحياتي
شوق كات آيز الشوماخر

العرزالــــــه said...

delli

سووووري مادري شلون طافني ارد عليج

اخاف اايدج ياكلوني

:)

العرزالــــــه said...

كويت لنك

وجهة نظرك احترمها

العرزالــــــه said...

كات

وشهد شاااااااااهد من اهلها

Anonymous said...

انا شكووووووووووووووو

انا مو أهلهااااااا

لما أكون منقبه أصير أهلها

انا بنت عمها من أبوها ألحين