Friday, March 27, 2009

حداق هااا


الاخت العزيزه ديللي وميللي منزله موضوع عن الحداق

انزين شالسالفه

انا اقولكم

الرياييل بالكويت

بعضهم بعضضضضضضضضضضضضضضضضضضضهم

لونت حرف حرف من كلمة بعضهم عشان لاتاكلوني

بعض الرياييل بالكويت

غالبيتهم يبا زين

مايصير ان الحريم او البنات احسن منهم بشي

خاصه اذا شي او مجال رجالي اكثر من ما انه حريمي

مع ان بعض البنات والحريم احسن من وايد رياييل بمجالاتهم

وحتى لو مساكين ماتحرشوا فيهم وكافين خيرهم شرهم

بس انه مايصير يعني مايصير

مو موضوعنا

امبلى موضوعنا

المهم

وبما اني من هالرياييل والعياذ بالله

وبما ان مايصير اهي تعرف بالحداق مثلي لا والزين وياها بعد

مادري عاد انا ماجلان مادري بن عيدان وانا مادري

الله يفكنا بس من بترفلاير لايدش ويقرا هالموضوع

المهم مرت اللوخ

فلازم انزل موضوع انتقامي

طبعا انا تفلسفت وعلقت عندها وخلصت يعني شوفيني انا اللي اعرف

بس هم لازم اسوي شي

شسوي شسوي

صور حداق قويه ما اقدر انزل لأني علقت عندها ان صيدنا اليوم مو ذاك الزود

انزين شالطفاقه

بتنزل موضوع شرفي بتدافع فيه عن نفسك مع ان محد تحرش فيك..وتخرب على روحك بنفسك؟9

شكو معلق عندها وفاضح نفسك شكوووووووووووو

الحين بالله شلون انزل صور حداق مالت قبل جم يوم او قديمه وفيها صور قويه؟9

ما اقدر

لأني وبكل بساطه..فضيحه!9

المهم للمره الاخيره

الحل كالاتي

بس بيني وبينكم لايوصل لهم

باجر بنزل بحيل الله

وبدعواتكم ودعوات المسلمين

بصيد ذاك الصيد اللي يحبه قلبكم

ومن الحين اقولكم السمج كله لكم ابلاش

لأن الموضوع اكبر من اليدام

الموضوع موضوع رد اعتبااااااار

كيفكم رد اعتبار يعني رد اعتبار

فدعواتكم

وصلواتكم

وانشالله اصيد ذاك الصيد اللي يبرد حرتي

واذا ماصدت

بنزل بوست متلثم فيه

وماراح تشوفوني لين تنسون السالفه

بس مو قريبا وترقبوا مثل مابعض الناس ماسكينها علي

مو كويت طبعا

المهم

توني قايل المهم للمره الاخيره ادري

لحد يقول الحمدلله والشكر!!9

هذا يزاي قاعد اسولف لكم؟9

امشي؟9

لا والله جد امشي ما اكمل البوست؟9

اي حسبالي

انزين

انا صج عاد بمشي الحين

تعبان وبريح شوي

ورانا انتقام باجر

دعوااااااااااااااااااااتكم

والسلام عليكم

:)

15 comments:

@alhaidar said...

موفق انشالله ..


وحلّي بالهامور ;p

-mate said...

العرزالة

خذني معااااااااااااااااااااك

والله انتقم وياك
;)

Kuwait said...

@@
جنـي أشوفـك باجر راد وكاتب ترقبوا قريبا الصيد العدل لان اليوم مو يومي :\
اهو مجــرد
احساااااااااااااس احسااااااااااااااس
:p

Eng_Q8 said...

لوووووووووووووووووووووووووول

فصلت على البوست

شسووا فيك البنات

اقول دكتور باجر لازم اتصيد فري ويلي ودق علي يمكن ايي معاك

المقوع الشرقي said...

لوووووووووووووول
هههههههههه
كله بكتر وبعضهم اشلون املونها تاك عليها
ما تنلام
:)
وراح لينتقم
تن تررررااان
!!!!!

ANGEL HEART said...

ههههههه

عساكم عالقووه وتصيدون صيد يفرح القلب ان شاءالله

بس عاد مانوصيكم بالنقصه:)

صبا said...

لا يا نظرررررررررر
عيني
؛)

بناتنا محد يصك عليهم
اسم الله عليهم ..ديللي والزين
كل وحده منهم عن عشر
وانا من الحين اقولك تلثم
ما تقايش عندهم بالصيد

؛))))))

واتمنى الله يوفقك
:)

شقران said...

الغالي العرزالــــة

صباح الكادي وعطوره


بحفظ الرحمن يالغالي

وإن شاء الله تكتب البوست الجاي وانت مو متلثم
:)




مع أجمل التحايا وأطيبها

ساره النومس said...

لووووول موفقين بالحداق

شدوا حيلكم ابي آكل من صيدكم لوووول

والله امس باليخت كنت اقولخل ادور على الحوت الي العرزالة شافها :D

الزين said...

still waiting

!!



ما قلت لنا شمال لو جنوب


:)

الخيلاء said...

الله يسمح دربك

وان شاء الله ما تفشل

:)

DiLLi O MiLLi said...

ههههههههههههههه
حسبي الله على بليسك على هالبوست
:)

أشوفك اليوم داش عندي متلثم
حصيلة اليوم من الصيد .. جمووووه !! آفاااااا
لوووول
:)
عسى غسلت لنجك عدل من ريحتهم
بل ياااا ريحتهم


شوف هذا اللي جزاء كل رجل يتشيحط على المره
عيل لوو حاطتلك صور صيد الــــزين ذاك اليوم
شعوم ونويبيــــه .. ما شاء الله




هاااااردلك يا خوي يا عرزالــــه
خيرها بغيرهــــا

:)








الــــــــــزين


شــنو جنوب لو شمال؟؟
يقولج صايد جموووه .. محادقهم موو شي

أنتي صايدة شعوم ونويبيه !! محدقكم أحسن
بس لااااا تعلمينه وييين

:)

العرزالــــــه said...

الى كل العذال

تعبان وايد

الصور والتقرير باجر

ويا انا يا انتوا

:PPPP

مَـــــعْــــمَــــعَـــــه said...

موفق د. نوخذه وهالله هالله باليميام والجموه . وترعى نعرف صيد سوق السمج من صيد البحر دير بالك

Nasser99 said...

بالتوفيق :)