Thursday, April 2, 2009

صباح الخير

مساع وانا طالع من اشارة جسر الروضه بشارع دمشق
والا واحد يمر يمي يمكن دايس اذا مو 160 اكثر
شطفني وطشرني بكل شي كان موجود بالشارع
مزجت جان الحقه وادش وراه العديليه
قلت يمكن حادث هوشه شي خنشوف شسالفته
طريقته جنه واحد رايح بيذبح واحد او بيلحق عليه قبل لايموت
تدرون وين راح
دش الجمعيه بكل برود
وصفط عند برغر كنج نزل ياكل
:)

==========================

اللي يضع المعايير في تقييم من يكره
ثم يتناسى هذه المعايير ولايطبقه على من يحب
تشوفه صم بكم
هذيله اجبن الناس عندي واوطاهم فكريا وادبيا هذا اذا عندهم ادب

===========================

إيميل وصلني وانا مالي شغل :)

يقولكم

زوجه أخبرت زوجها عن رغبتها بهدية عيد ميلادها

شيء ينطلق من 0-100 في اربع ثواني

وتوقعت مايشابه هذا




ولكن زوجها فاجأها بهدية مختلفة تماما
.
.
.
.
.
.
.
.
.
.
.
.
.
.
.
.
.
.
.
.
.
.




الرجل الان بحالة خطره ولكن مستقره في وحدة العنايه المركزه

ونهاركم سعيد انشالله

:))


48 comments:

Kuwait said...

صباح النور ..
وصباح الزفره الي ما بغينا نفتك منها ;p
الريال يمكن يوعان حده ;p
ماتدري ان اليوع كاااااافر ؟
مممممممممممممم
بقولك ترى الصور مو طالعه بروح وبرد عدلهم بسرعه ;p
هابي ويك اند ولو ان اظن الدكاتره ما يفرق معاهم الويك اند اذا عندهم خفاره ما هيك ! لول

esTeKaNa said...

looooooool
تصدق ما ضحكني ان دايس عشان برجر كينج
ضحكني انك رايح وراه
:Pp~
صباح الورد يا عرزاله

كويــتي لايــعه كبــده said...

انا قلت المستعجل يمكن من سيارات توصيل المطاعم

الصور نيـهي

يعني شلون ينسعد نهارنا!؟
اي حط صورك عدل!1

كبرياء وردة said...

بعد مسكين الجوع كافر:p

وصباحك أسعد :)

why me said...

اليوع وما يسوي


وانت ماكو شغل لاحقه

لوول



ونهارك اشطه
;p

Q8yUK said...

اهم شي الميزان :P

عرف الهدية المميزة لكل زوجة

وصاحبنا هذا الظاهر إن اليوع يسبب له مضاعفات سريعة

وصباحك سكر

:)

Mo 9G said...

جان داخل وراه المطعم .. و داهن المايونيز على جبهته

و صباحك عسل

صبا said...

هههااي


انت ليش لاحقه
ضحكتني

والمسكين الثاني
جان تأكدت من الريال
اكيد حاله من الي عندك بالمستشفى
الله يعينه قلعته

لو ساكت احسن له
ههههههه

وصباحك وطن
:)

مركبنا said...

من بعد لوية المدونات

شكرا شكرا شكرا

على بوست حلو رسم الضحكة على وجهونا

حافظ الرحمان

Anonymous said...

لوول أنا اللي ضحكني انك لاحقه!!!

الظاهر بيتهم ما فيه أكل!!!

على طاري الميانين بالشوارع اليوم
أنا نازلة من الخامس على الغزالي و ليلحين ما خلصوا الكور البيض اللي بالشارع ولاوحدة منقبة لفت علي ذييج اللفة العظيمة من الغزالي بغت تقلبني و يوم طقيت لها هرن ولا تخزني خزة انه شتبين!!!!

جان أتذكر بوستك الأولي قلت و الله أثاري ما ينلام العرزالة اللي أيده بالنار مو مثل اللي أيده بالماي!!!!

حسبي الله و نعم الوكيل!!!!

DiLLi O MiLLi said...

قللللعتتتته
عسى بس فضخت راسه بالميزان !!؟؟




صباح الفُل يا خوي

:)

سليمان القصار said...

عاد يوم الله هداه وطلع من بيته دايس ماراح الا برجر كينج ..


انزين جان سألته لي بغيت تروح تروح مطبخكم تروح بسكوتر ...

صباحك اسعد اخوي

nanonano said...

صباح النور و البنّور

آآآآآآآآه عرزاله طحت عليك

من سكان الدائره الثالثه

ترا راح آكل قلبك عشان التصويت

العم أحمد السعدون
====

و بعدين الزوج اللي بغرفة الأنعاش قلعته

من قال يتبيزع

و يتقشمر هالقشمره البايخه

قلعته

Najmah said...

لووووووووووووول
ليوع وما ادراك ما اليوع
:Pp
صبااح النور والسرور
:)

كويــتي لايــعه كبــده said...

996 Sportec BiTurbo Cabriolet
أقل من أربع ثواني
:)

والله طموح الزوجه عالي

يصير ياخذني زوجة ثانية؟
:)

الخيلاء said...

هههه
هذا مغيب من اليوع مسكين

وزين اتسوي مع ريلها الصراحه يستاهل الذبح

صباح النور و البنور

:)

Anonymous said...

نهارك أسعد

:)

مقاول بناء الكويت 99796914 said...

انت شرايك

Q8EL5AIR said...

صباح العسل ياعسل :)

عاد هالاشكال مستانسة بالسيارة .. الله ياكثرهم !!

اهم شي لاييون صوبك :)



بالنسبة للناس الي كرهم .. عيل انصحك بقراءة مقال الوشيحي " ملبوس العافية " .. قبل تقريبا يومين او ثلاثة !!



بالنسبة للزوج .. يامعود بالعناية ولا اقساط واخرتها المركزي !!

:)



وتحياتي ..
ويسلموااااااااااااااااااا :)

another day said...

king 3erzala

hiiiiiiii

وإنت هذي حركاتك كله لاحق الناس

تذكر الهندي اللي كنت لاحقه قبل وإلحين هذا

أنا أقول لو داش دورة ضباط ومشتغل بالدوريات وملاحق بخلق الله طردي
جان واااايد أحلى

بس تدري شكلك تحب المغامرات

ولاتنسى طلعة البحر اليايه أنا وياكم
خنشوف مغامراتك بالبحر
طبيبي

Selezya said...

لووووووووووول

صدقني انت ما زعلت لان طشر فيك
انت اصلا فاضي واستغليت هالعذر قلت امشي وراه احسن

:)

اما الزوجه تستاهل :p
اي زين يسوي فيها

Fahad Al Askr said...

وايد يا زات لي النكتة

العرزالــــــه said...

كويت

اليوع كافر بس مو يكفر فينا!

شوفي الصور

:P

العرزالــــــه said...

استكانه

حاضرين

انا استخبارات المدونين

العرزالــــــه said...

كويتي

حطيتهم يالحبيييييب

العرزالــــــه said...

كبرياء

يكفر فينا عااااد؟

العرزالــــــه said...

واي مي

حدددددده

العرزالــــــه said...

كويتي

مسكين اي والله بالعنااايه

العرزالــــــه said...

مو

خفت اكلمه يطقني والله!

العرزالــــــه said...

صبا

يكون بينكت مسكين

شسوت عليه

العرزالــــــه said...

مركبنا

انتوا تامروون امر

العرزالــــــه said...

دندرمه

شفتي شلون

خنقتني العبره لما قريت تعليقج حسيت اني مظلوم
:(

العرزالــــــه said...

دلليييي

خلج من هالحجي قوليلي اليوم شالصيد؟

العرزالــــــه said...

السلم

لوول ضحكني تعليقك والله

العرزالــــــه said...

نانو

انا اسيل مقطوع طال عمرج

بعدين طلعتي من الكويتيين اللي الغين عندهم مضروبه هااا

العرزالــــــه said...

نجمه

اي والله بغى يذبحنا على صمونه

العرزالــــــه said...

كويتي

لووووول نفس كلامي انا كله اقول جذي

:D

العرزالــــــه said...

الخيلاء

حرام الريال قال الصج هذي يزاته يعني

العرزالــــــه said...

كات

حياج الله

:)

العرزالــــــه said...

تحذير صحي

رايي من رايك

العرزالــــــه said...

كويت الخير

لا يبا المركزي شحلوه

على الاقل خاربه خاربه

العرزالــــــه said...

anotherday

يبا انا مباااااحث المدونيين

ماتبون اسرار وفضايح؟

بعدين زهبي روحج الطلعه قريبه بس ها ماكو دسوس

العرزالــــــه said...

سيليزيه

لول ليش الاحراج

مو فاضي فاضي يعني

فوييضي

العرزالــــــه said...

فهد

انت تامر يالحبيب

Yin مدام said...

لووول
والله لك خلق من الصبح لاحق واحد يمكن تلحق على هوشة
!!!!

وماشاءالله على المعدة برجر كنج من الصبح !!
....

تقييم لمن يكره؟ بييه أقيم وأحدد من أكره .. ليش؟ ما يعجبني لا يعجبني ولا أتعامل معاه بس أكرهه وأشغل حيز للكره شماله؟
....

والريال قلعته من قلب
هذا عداد احساسه وتفاعله ما يحرك عن الصفر
!!

ثانك يو على البوست الويكأندي
:))

العرزالــــــه said...

YIN

لا الصبح اللي اقصده الساعه 12:30 صباااحا

:)

بعدين الكره كنت اقصد مثلا اللي يكره حركه سياسيه ويحط عليها باستخدام معايير ثم لايطبقها على ربعه عندما يأتون بمثل ما أتى من قبلهم

نص الحجي كويتي ونصه عربي كيفج انتي عاد

:)

enter-q8 said...

اخيرا بطلت مواضيع الزفره

العرزالــــــه said...

السمي

اول عطني باسوردك