Friday, April 10, 2009

هلا بالحبايب :)

قوه
:)

بما اني تأخرت عن بوست الرحله فبحط صور على السريع وبختصر

طبعا المطر ماشاء الله كان خيالي
من 5:30 الفير صوب الدائري الرابع لين 11 صباحا بالدمام
ماوقف ولا متر

وهذي حلوى للجميع
عشان لحد يقول مايبت له

ومتاي وسمبوسه وكل حاجه

وختمناها اب بليله وذره عند حدود الكويت

وسلامتكم :)

========================

خالد الطاحوس

على افتراض انه قاصد الكلام اللي قاله دون الاخذ بالاعتبار التفسير اللي قاله اهو تالي عن كلامه

بس الحين انتي ياحكومه

تسقطين هيبة القانون

وتعززين القبلية والعائلية والطائفية وغيرها من مسميات العنصرية والتحزب المجتمعي

وتبينين ان محد راح ياخذ حقه الا من خلالهم

من باب فرق تسد طبعا

تالي تنكرين على الناس التحصن خلف تلك المسميات ومايصاحبها من افعال تندرج تحتها؟9

شي غريب وعجيب!9

بعدين شغله ثانية اهم

يوم اعتقل بشار وقامس

اشوف الدنيا قامت وماقعدت

مع ان حادثتهم كان اصعب تبريرها والدفاع عنها

يعني خل نتكلم كلام فلسفي شوي ونحلل الحادثتين

في حالة الطاحوس قال مجاميع تواجه الحكومه ولم يشتم او يسب - والى الان اقول اللي سواه غلط وفيه تحفيز وتشجيع على مخالفة القانون لأن حتى لوماقصد بس اللي يسمع شدراه

اما في حالتهم ففي واحد تجرأ على الذات الاميريه..ارتكب فعلته وخلص

والامير وذاته بحكم الدستور شي اعظم واخطر من الحكومه

من دون الاشارة طبعا الى دور الطاحوس الفعال والنشط في اغلب المجالات اللي فيها ظلم على العاملين فيها -حتى في غير مجاله- وهذا شي وايد عايشوه وشافوه بنفسهم

في مقابل دور الاخوان اللي ماشفنا لهم اي فايده اللهم يمكن لربعهم

وين الدفاع عن ذيلاك..ووين الدفاع عن خالد؟9

شالتناقض!9

يانقول الاثنين غلطانين ياندافع عن الاثنين او على الاقل نسكت بالحالتين

بكل الاحوال

يبقى رايي ولكم رايكم

:)

20 comments:

Kuwait said...

هلا بيك هلا ;p
الحمدلله على السلامه ..
انا شفتك طولت عبالي البحرين ابلعتك ;p
والمتاي يايبـه بصوره ؟؟
ما اتفقنااااااااااااا جذي
@@
ويـــح قلــبي يالنحيس :\
عالأقل جان يبت الحلوى بصوره والمتاي صجـي حقي بس وانا اعطي كل من يبي نتفــه ;D
بليله شنو ؟
بعدين انا اقولك شنو الفرق بين بشار وخالد ..
بشار جماعتـه افزعوله بينما خالد جماعتـه طنشوه :)
التكتل الشعبي ما شفت ولا واحد من نوابهم واقف مع الي متظاهرين عند بيت الطاحوس :)
بعدين يالعرزاله الواحد حتى لما يهاجم الحكومـه يهاجمها بأفعالها ويعريها جدام ناخبينـه مو يهددها بإسلوب يلمح فيـه إلى زعزعة الأمن ..
الحكـومـه تهاونت في تطبيق القانون سابقا صح لكـن ليش لما بدت تطبقه صرنا نستنكـر ؟
مو احنا نبي القانون يمشي خلاص الطاحوس وغيره أي واحد يحاول المساس بأمن الديره يتحمـل الي يحوشه ..
جنـه اشتطيـت :\

As YoU LiKE said...

حمدالله ع السلامة
ياقاي من السفر

enter-q8 said...

السمي
سميك خالد الطاحوس
له انتقادات اللذع من هالشي و اقوى منها
و معروف عن خالد اسلوبه
اذكر باحدي الندوات قعد يقول اول مره اعرف ان المهاره اقوى من الحكومة
بأختصار سواء كان جيد او سيئ
الحكومة أهدته كعادتها صحن من ذهب

شقران said...

الغالي العـــرزالـة


الحمدلله على السلامة
:)

منور سلمك الله

.
.
.


بالنسبة لقضية الطاحوس

ماتفوه به الرجل خطأ وجريمة تحريضية وقد اتفقت على أن تتم محاسبته في مدونة العزيز بوطارق

لكن اعتقال دون تحويل للنيابة وحبسه طوال هذه المدة في أمن الدولة دون توجيه اتهام حسب القانون فهو أمر أرفضه كما رفضت تصريحهُ حول المجاميع


يجب أن يكون التعامل قانوني،،،نحن دولة مؤساسات وقانون ولسنا دولة بوليسية تأخذ الناس وتحتجزهم بعيدا عن القانون

هذا الاسلوب مرفوض إن لم يكن هناك تهمه صريحة


نحن مع القانون ولسنا ضد أو مع أحد



عموما...كما قال الغالي أبا الوليد أعلاه...فالرجل صعدت أسهمه كثيرا بين أوساط قبيلته

أتعلم لماذا يا صديقي العرزالة...أتعلم لماذا

لأن صعود أسهم خالد الطاحوس سيكون على حساب الصوت العاقل من ابناء قبيلته

انهم لايريدن للصوت العاقل أن يصعد بل يعملون العنتريات الغير قانونية ضد أصحاب العنصرية والقبلية حتى تصعد اسهمهم


أتمنى أن تكون الفكرة التي أردت ايصالها واضحة



تقبل مني أجمل تحايا المساء

حاطب ليل said...

مطر وحلوى
اصبتني بمقتل:)
حمدالله على السلامه
ولاتعبت

Cr8ivia said...

في حاله بشار و قامس ماكانوا شخصيا اللي كاتبين هذا التعدي .. احد زوار الموقع اللي يشرفون عليه .. و قاموا بمسحها تالي .. و مستحيل بيكونون علي علم في كل كلمه تكتب ٢٤ ساعه لازم في فجه بشر بعد ترا

و طريقه القبض عليهم كانت طريقه زوار ليل !! و بغموض و تخبط غير طبيعي من رجال الداخليه

لكن في حاله الطاحوس الامر مختلف هذا مرشح مجلس امه و يعلنها علن بعالي الصوت بوقاحه و قله ادب ما صارت و المصيبه الاكبر النواب السابقين اللي يطنطنون وراه ! و طبعا كلهم كم ربع الفرعيات و القبليه العميا

nanonano said...

حمدالله على السلامه دكتورنا
===

ما شاء الله عليك

داخل حامي
===

بس أتفق مع الزملاء شقران و بو وليد

-mate said...

الحمدلله على السلامة دوك

بليلة كيف بلولكي؟ بالملح كيف خلالوكي؟ الحق يا واد عل ليلة أصيلة والله أصيلة

وبالعافية عليك قواطي الحلوى، إتخلصهم إنت والجماعة بالعافية
:)

بس جان سيرت علينا الله يهداااك

إنزين اسمع، سمعت يتقرير ال
NHS

اللي يرفضون علاج المريض في حال عدم تركه لعداته؟؟

http://stillmate.blogspot.com/2009/04/debate.html

شاركنا فرحتنا، دوك

ولد الديرة said...

حمد الله على السلامة

انا ما قهرني الا سالفة ان عندنا بليله على الحدود

تعال شنو بليله
!

المفروض على الحدود تنباع سندويجة ربيان يابس

او فيليه نقرور

كلش كلش باستا خثرة

طيب ما علينا

اشوة اني ما دافعت عن الأخوين رحباني
ولهذا ما دافعت عن جيمي هوفا الكويت

بس جنه ماكو مقارنه بالحادثتين؟

:)

العرزالــــــه said...

كويت

موجود كل شي موجود بس العنوان ويوصلونج

:p

ياكويت يا اختي العزيزه

انا ما استنكر تطبيق الحكومه للقانون بالعكس انا وياج اايدهم

لكني استغرب انها ا هي من شجعت على هالتصرفات تالي تعاقب اللي يعمل بها

هذا بيت القصيد

:)

العرزالــــــه said...

ازيولايك

هلا ابوي

ليش ماحطيتلي الصوره

العرزالــــــه said...

السمي

على فكره كلامك صحيح 100%

هذي نقطه ثانيه ومهمة ان الحكومة ضبطته

العرزالــــــه said...

بوراكان

الله يسلمك

والله ان تعليقك فيه من الحكمه وبعد النظر خلاني اتأمل فيه

فعلا

العرزالــــــه said...

حاطب ليل

الله يسلمك

انت امر بس واحنا نطامر

:)

العرزالــــــه said...

Cr

مع الاحترام لمعلوماتج ورايج بس ماكان الموضوع زوار ليل والجميع يعرف حادثة الاعتقال بالتفصيل الممل

وصح كلامج انا معاج لايمكن يكونون على علم 24 ساعه باللي يكتب

بس انا رايي لوتقرينه مره ثانيه راح تعرفين انا شنو نقطتي

بالنهاية رايج ومرورج على عيني وراسي

:)

العرزالــــــه said...

نانو

الله يسلمج

والله وانا اتفق وياكم كلكم

:)

العرزالــــــه said...

ميت

الله يسلمك حبيب قلبي

وين ازوركم وانتوا وراكم البي اس وامتحانات

:)

شفت التقرير..بريطانيا دايما عندهم قوانين طبية جريئة

العرزالــــــه said...

ولد الديره

البليله على الجانب السعودي من الحدود

جانبنا فيه كل اللي تفضلت فيه واكثر

:)

اما الحادثتين فصدقني كل راي منكم احطه على راسي من فوق والله

:)

حياتي هدف مو عبث said...

لاعت جبدي من الطاحوس
:(

بس ما لاعت جبدي من تخيل الحلوى بحلجي
:p

بالعافية

العرزالــــــه said...

حياتي

ابششششششري

العنوان طال عمرج

لول ماصار عنوان هذا اللي بيوصله سمج وحلوى وكل شي