Wednesday, April 22, 2009

عشوائيات قابله للأب ديت

12:07 am

موصل حدي

يوم طويل وشاق كالمعتاد

حلوه كالمعتاد عجبت نفسي

:P

يالله تصبحون على خير جميعا

:))

8:46 pm


طلعت المغرب

الحمدلله شكلكم داعيلي خوش دعاء

تذكرتكم وانا اطلع هالمتايح

:)


قبل لا احد يعطيني محاضرة

موووو باكيتي

بس ماشالله معلقين الجماعه


الله ياحبكم حق السوالف

لومنزل موضوع مادري شلون جان ولاتعليق

بس تصدقون شكلي حبيت طريقة هالبوست

كل يوم بنزل جذي

10:11 am

معجزه!9

خلصت المعامله بسرعه

ماعطلوني الحمدلله

دعواتكم اكيد

انزين الحين انا ماعندي شي

شسوي شسوي شسوي

وانتوا صح

حداق!9

تكفون قولوا ماشالله

موعلبوا بالدوام لايعه جبودكم وانا رايح تصكوني بوحده اطبع

خو من عجايب الدنيا اني قادر اطلع الصبح واخلص مبجر واروح

خو مو

قولوا ماشالله

هم بعد

اخر مره

يالله سلام عليكم

:)

8:38 am


لازم امشي الحين

عندي معامله بروح اخلصها

طبعا اييكم التحلطم لما اخلص

بس اهم شي كل شوي واحد داش المدونه

شنو ماكو دوامات

لعب بلعب

اوريكم

مخلين مصالح الناس وداشين عندي

شكوى رسميه باسم كل اي بي ادرس دش علي الصبح

اخليكم مع هالصوره يايتني بالايميل

مكتوب عليها

اول رجل فضاء هندي يرجع الارض

:)

8:07 am

صبحكم الله بالخير

البدو واقع

الحضر واقع

السنه واقع

الشيعه واقع

لكل منهم نفس الحقوق وعليهم نفس الواجبات

تركوا عنكم حجي اخ ووين زمان اول واحنا كنا وذيل كانوا

عاد جنا احد منا كان عايش الفتره اللي قاعد يتحسف عليها

المراد

ماقول لكم

Live with it

بل

Make the best out of it

وابتدي بحسن الظن بغيرك

:)

=====================

اخ ياعباس

شقاعد تسوي

=====================

Just because I'm losing..Doesn't meas I'm lost!

=====================

8:11 am

ملحوظه مهمه

ليش الكويتيين دايما منفسين

اقصد لما يمشون ماكو ابتسامه

احس الكل مهموم

او ان طريقتنا في اظهار ان احنا مهمين

لأن ماعندنا انجازات حقيقيه على الصعيد الشخصي

ماكو شي

هوا

فعشان غيرنا يقدرنا ماعندنا الا النفسيه

والا؟9

33 comments:

Yang said...

توني قاعد من النوم, ورايح الدوام غصب.

شلون ما انفس :))))))))))

هذي حالة طبيعية دكتور ؟

:))))))))


تحياتي

العرزالــــــه said...

هلا بالحبيب

صح النوم :)

بالعكس لما تقوم خلك نشييط وحبيييب

:)

عادي يابعد عمري عادي الكويت كلها منفسه لما تقوم من النوم

اهم شي ماتطلع حرتك بأحد

:P

`~MnO YeNSa! ~` said...

لا لا
مو منفسين

:D
تدري منو اللي منفس
الابو
الام
اليهال
السواق
والشرطة


امممممممم
جنة ما بقى احد
بس انا يمكن
;p

esTeKaNa said...

صباح الإبتسامة
:)
ليش الكويتين كله منفسين؟
عن نفسي انا انسانه مبتسمة
اذكر مرة كنت بالانتظار في احد المستشفيات والحرمه اللي جدامي ذبحتني خز
فابتسمت لها
سئلتني انتي تعرفيني؟
loool
صارت الابتسامة شي غريب
يعني اهي تخزني شنو مفروض اسوي؟
نقعد خزني واخزك جنه دياجة
:)))
.
.
عرزاله بعد اذنك انا ببدي اشتغل على العشر،عشان جذي داخله عندك
يعني بعد اذنك لاني استحيت من وانت تقول ما عندكم شغل
:pp~

العرزالــــــه said...

منو يسأل

والله ياخوفي هم انتي بس ماتدرين

:P

العرزالــــــه said...

استكانه

بالضبط

تبتسم يحسبونك تعرفهم

وبارك الله فيج هذا العشم ببناتنا الشغل الشغل

Eng_Q8 said...

شوفلي حل كل اكل شي تلوع جبدي رحت الطبيب قالي لا تاكل فلفل جنه الي داش عليه حاط دهن على راسه

ولا تقولي من الزقاير لاني سألت وطلعت الزقاير بريئه .. ترى صج صج زهقت اتقول حامل

هالكومنت عشان اتشوف شغلك ماادري اشلون دكتور ويحوس بالمدونات جابل مرضاك وان ما جابلتهم بنطلعلك اهني كيفك عاد

nanonano said...

خـــــــــــــــــــــــو

قلنا ما شاء الله

روح عليك بالعافيه

As YoU LiKE said...

ناس تخلص معاملتها بساعة
وناس تقعد من الـ6 الصبح وتخلص الساعة 2 الظهر

:(

كويــتي لايــعه كبــده said...

...بما انك ما عندك سالفة اليوم
:)

قول لي شلون الـ
htc hd
وياك؟

بكم؟
حجمه/وزنه/بطاريته؟
تنصح فيه؟

واذا ينفع مودم للاب-توب؟

دخلته مزاجي بالبوست الاخير

شوكران
تك تك تك

Kuwait said...

@@
14:33
ناس طالعه الحداق وناس توها طالعه من الدوااااااااااااااااااام
شهالظلللللللللللللللللم
;p

Yin مدام said...

لا زلت أبتسم وما راح أبطل
لأن النتيجة أن من أمامي إما أن يبتسم
and I make their day
أو إنه يتفس زيادة
and makes my day

لووووول

معاملة خلصت بهالسرعة؟
ماشاءالله
أحد داعيلك صح
:))

حداقنا ترى في ناس
make the best out of it
واللي ما يسوون جذي هم اللي عافسينا
وفيهم وايد يتعايشون مع الوضع ويستفيدون منه لمصالحهم بس وباجي الوقت عافسين الديرة باللي فيها

بوست منوع وممتع جداً

هابي حداقنغ
:))

Anonymous said...

ياااااسلاااااااام عليك

خووووش دواااااااام

وانا لايعه جبدي من حصه لي الثانيه

دنياااا


ياريت يسوون حمله لا للتحلطم مره ثانيه



:)) عليك بالعافيه غشمره ترا

another day said...

KING 3erzala

i am always smile

i do not why???

but i feeeeeeel good
when i do it

try it .... i think its nice 2 u & simple

my king.....

كبرياء انثى said...

اكيييد معاملتك كانت بالجمعية ولا مو معقولة اتخلص بسرعة
او انك ماخذ الطاحوس البطل معاك واسطة
يعطيك العافية وعليك بالعافية بعد
وبما اني توني رتدة من الجامعة منو اقول اني مو منفسة

ساره النومس said...

انا طبيعتي امشي وويهي مبتسم دايم فيقولوون عني خفيفة .... @@


الحين شتسوي مع تفكير الناس؟

مَـــــعْــــمَــــعَـــــه said...

بشر يا دكتور شالصيد ولا كالعاده

العرزالــــــه said...

مهندس

مو من الفلفل

ولاتقولي زقاير

شبقالي اقول

انت عالجني احسن

:D

العرزالــــــه said...

نانو

خو مو

مشكوره اغاتي

العرزالــــــه said...

ازيولايك

علييييييييييييييييينا

يصير خير بكره

العرزالــــــه said...

كويتي

ليلحين ماتعبثت فيه عدل

بس حجمه اصغر من الكف وخفيف

البروسيسور ماله سريع

لابتوب صغير

اقرا عنه احسن

العرزالــــــه said...

كويت

قل اعوذ برب الفلق

انا اقول ظهري منكسر اليوم من شنو

العرزالــــــه said...

yin

علمي yang

يقول كل مايقوم منفس

ولك مايصير هيك

العرزالــــــه said...

بوشا

لاحووووووووووووووووووووول

يبا يبا يبا بالغلـــــــــــــط

العرزالــــــه said...

انوذر داي

الابتسامه تعدل مزاج صاحبها قبل غيره

العرزالــــــه said...

كبرياء

لايبا

هذا الدهاء والمكر اللي خلاني اخلص بسرعه

العرزالــــــه said...

طموحه

سوي اللي تحسينه صح وبالطقاق بالناس

العرزالــــــه said...

معمعه

كالعاده ها

متع متع عيونك بالمتايح

:D

Q80 Blogger said...

:O

الحضر واقع ؟؟؟

!!

Q80 Blogger said...

صدمتني !

عبالي حاله وتروح !!

كويــتي لايــعه كبــده said...

زين سعره بكم؟

العرزالــــــه said...

blogger

الفكره ياحبيبي الفكككككككككره

:((

العرزالــــــه said...

كويتي

260

الكترونيات الغانم

اقرا عنه

Reviews = best PPC