Sunday, May 31, 2009

شرم الشيخ 1/2

شلونكم :)
حبيت أحط لكم صور من رحلتي الأخيره لشرم الشيخ
واللي ماشاف صور العام فهذي وصلاتها
والمواضيع تحتوي على شرح بعد للي يريد الاستزاده
===============
الرحلة الأولى: راس محمد
جهزنا العده

وراح فيها البحر



هَذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ بَلِ الظَّالِمُونَ فِي ضَلَالٍ مُبِينٍ




مشروع هامور منخش بميفرته

ياكثرهم اللي شفناهم هناك

وين اللي يقظبني المسدس بس



سمكة التونه

وايد كبيره

ووايد نادره

ووايد غاليه!9


حتى لخمهم حلوه وملونه

ودك تلمها

=========================

صور مشكله

هذيله حمام كل ساع طابين يم المسبح يشربون ماي ويطيرون

وكل مابغيت اصيدهم قبّوا

بس اشوه الله رزقني بصورة سريعه

سمج تلقاه بكل مكان

صايدينه قبل الغزو ويحلفون لك ان صيد مساع

تاكله تتوفى وانت واقف

خربشلو


اللـــــــــــــــــــــــــــــــــــــــــــــــــــــــــــــــــه

هني تمنيت فريج سعود

شصار فينا ذاك اليوم

هذا واحد ركب ويانا

المفروض انه المشرف مال الجروب

والا الريال معلّي

نص ساعه واهو يضحك بهستيريا

موتنا من الضحك

فراخ من ماكدونالدز

اهم شي ان في منها سبايسي بعد

عاد سامع بشغله بس والله جد مو قاعد انكت

ماك فلافل يقولون اكو بالقاهرة

صج جذب مادري بس اللي اعرفه كل شي يطلع من المصريّين

اي بود توه نازل

التلفون موصل بالمسجله

الاغاني كلها منه

وانتوا كيفكم

26 comments:

~ هند ~ said...

:)))

أبي أضحك بهستيريا مثل صاحبكم ..


الاي بود >> مووووووووو صج
:Pp~

Eng_Q8 said...

الحمدلله على السلامه

I7na 3shagnaha said...

حمد الله على السلامة

صدقت بسالفة السمج اللي تاكلة و توفى على طول
:))


احلى شيء بمكدونالدز شرم
الديلفري
خمس دقايق, السايق عندك في البلكون
اسرع خدمة شفتها في حياتي

القاهرة ما فيها مك فلافل
توني يايه
يا اشاعات
يا آوت اف ستوك

esTeKaNa said...

حمدلله على السلامة
:))
واي يا حلاة اللخمة
بس اسمها مو حلو واعليه
:Pp~
وترا صج انا ر ايحة مصر بالشتا منزلين ماك فلافل ابوي كلاها وشوربه عدس انا طلبتها وشكيت فعلا اني ماكدونالدز لوما شيخ الشباب ماكدونالدز حاط ريل على ريل وقاعد عند الباب
:))

مركبنا said...

الحمد لله على السلامه

وشلون الصيد !!

جنك هونت من صيد البحر رحت للحمام !!

enter-q8 said...

اذا مسكوني وزارة السياحة و البيئة
لك وعد مني اسويلك منطقة جنب بوبيان اسمها راس الشيخ تصك على شرمهم و تصير هبة بالكويت
و الناس تحلف باسم المكان

Purplecious said...

الحمدلله على السلامة

ياه ياه ياه

هالمره تصوير تحت الماي.. شي شي مشاءالله تبارك الرحمن... عليكم بالعافية

ما شفت سمجه بنفسجيه؟
:p

عجييييييبه صوره الحمامتين زين صدتهم

اما الاي بود لووووووووووول تحـــــــــــفه


وناسه اكو جزء ثاني
:))))

Anonymous said...

حركة الآي بود هذي هابين فيها هناك

بكل سياره في

violinist_q8 said...

الحمدلله على السلامه ويعطيك العافيه
بالنسبة للتصوير الكامرا شنو نوعها :) التصوير حلو ناقصه الفلاش بس .. والله شوقتنا للغوص

صبا said...

الحمد لله على السلااامه

ونااااسه ودي اغوص

بس اخااااف ...


الصور حلوين

وعليكم بالعافيه هالرحله

وبانتظار الرحلات القادمه

:)

BKK said...

Which hotel did you stay at? Do you recommend a place to stay at? I am planning on going there soon but and I need an expert's opinion.
The pictures were amazing... I saw the Ipod/phone idea before but using normal speakers (not in a car)

فريج سعود said...

ما تتمنون وجودي الا بالمصايب !!!ء

العرزالــــــه said...

هند

من صجج

اول شي حسبالي يستهبل يبي فلوس

طلع فاصل مسكين

العرزالــــــه said...

مهندس

الله يسلمك

العرزالــــــه said...

احنا عشقناها

اي توصيل اي بطيخ

وانت عنده مو فرش

هالدور توصيل

يوصله لك العنايه على طول

العرزالــــــه said...

استكانه

شوربه بعد؟

عسى ماينزلون ماك تشريبه بس

العرزالــــــه said...

مركبنا

اي صيد مايصير هناك

take nothing leave nothing

اذا الشرطي اللي يجيك الهويات رتبته مقدم وفوق

ياويلك ان صدت

العرزالــــــه said...

السمي

لو اعطيك الليت الاخضر والاصفر وكل الليتات وكل فلوس الدنيا ماتقدر تسوي بحر مثل البحر الاحمر

خيال مو صج

العرزالــــــه said...

بربل

والله كل الالوان ماشالله

ايي نطري الجزء الثاني احلى انشالله

العرزالــــــه said...

كات

تقصدين هابين فيها بمصر

العرزالــــــه said...

فيول

كانون

وجربنا الفلاش بس صدقني الحبكه مو بالفلاش

الا اتجاه العدسه مع اشعة الشمس

هني تبين الالوان او لا

العرزالــــــه said...

صبا

قوي قلبج وماراح تندمين

ابو الوناسه

العرزالــــــه said...

BBK

شرم الشيخ فيها اربع مناطق

المنطقه الرئيسيه اللي فيها اللويه اهي نعمة باي

باقي المناطق تبعد عنها 5 دقايق بس

كل مابعدت عن نعمة باي تحصل فندق خدمة افضل باسعار اقل

في بنعمة فنادق جولي فيلي (موفنبك) والماريوت وهيلتون ووايد فنادق وروتانا وغيرهم وايد

وفيه شارع اسمه شارع شارع الموتيلات بالهضبه..اللي اهي منطقة دلتا وايد ارخص وفنادق حلوه

بكل الاحوال انت دش

booking.com

or

expedia.com

or

7joozat.com

وشوف الخريطه وانت تنقي الفندق

كل ماصار اقرب لنعمة باي كل ماصار احسن

بالنسبه للرحلات وايد

اذا تدزلي ايميل باللي تبيه بالضبط اقدر افيدك اكثر

:)

العرزالــــــه said...

فريج

مصايب لك وعلى السير مالكم

لكنها فرحه ومسرات وسعاده لنا ولشباب المرجلة والصحوة شباب كاطالونيا

بذمتك ماكرهت عمرك وفريقك عقب ذاك اليوم؟

ولك لعبنا بيكم طوبه يابا!

ولد الديرة said...

لون عين السمج مال العام بني غامق؟

العرزالــــــه said...

ولد الديره

جنه!