Sunday, May 10, 2009

شالسبب ياترى؟

اليوم دشيت الفرع اللي يم بيتنا وشفت جريدة الوطن..الصفحه الاولى بوضعها هذا
بعدها احتجت اروح الجمعيه والا وضعها متغير
ضغطوا على الصور لمشاهدة الفروقات حتى بجسم الخبر



أول شي قلت يمكن مالت أمس بس طلعوا ثنتينهم ملوت اليوم الأحد
تالي فكرت قلت طبعه ثانيه والا هالشي مو مذكور
فماهو السبب ياترى
قولولي
علموني

=================

ومن باب الشيء بالشيء يذكر
اهم شي ان الخط معلق تحت الكلام وماني عارف اشيله ولالي خلق ارد اسوي بوست يديد
المهم من باب الشيء بالشيء
هذي تكمله لبوست الحجاب الفضائي


================

لاجيء عاطفي

شصار على زووز ووين فريج سعود؟9
غاطين ومكانهم فاضي من غير شر
زووز معذوره
بس فريجو مادري
يعني مانشستر وبياخذون الدوري وواصلين نهائي الجامبينز
شيبي بعد


:)

29 comments:

Yang said...

صبحك الله بالخير

بالنسبة للوطن, مقاطعة صارلي سنين.


والحجاب أنا صراحة ما شفته ولا مرة, يمكن لأني رجل بيتوتي وما اطلع وايد.


وزرز الله يحفظها مع أمها يبيلهم تقريبا شهر على ما يرجعون, والأخ مستر فريج مشغول بالإنتخابات, هذا وهو يقول معتزل سياسة :)))


مراسلكم يانج من دوامه :)))


تحياتي

Purplecious said...

صباحو

اتوقع اول نسخة طبعه أولى تطلع بالليل مبجر.. لاحظ يم الوطن مكتوب الأحد و صورة قمر يعني ليل

أما ليش مادري

لوووول شلون يتوهقون بالخط
:p

و امهات حجابات فضائية ودي أشوف رد فعلهم لما يشوفون هالكاريكتيرات عليهم


زووز مادري عنها صراحه بس أدعيلها و الله يكون بعونها.. و فريج قايل مو فاضي و ماراح يدون حاليا

enter-q8 said...

سمعت عن المثل اللي يقول
كلام الليل يمحيه النهار هذا اهو الوضع بالضبط

بن جبلة said...

خافوا منها ترفع عليهم قضية تشهير

Unknown said...
This comment has been removed by the author.
العرزالــــــه said...

يانغ

مي2 بس شدني الاختلاف بالمانشيت

بعدين من صجك موشايف هالحجاب من قبل؟

ماعمرك رحت السينما وشفت شي مغطي عليك الشاشه ؟؟؟

العرزالــــــه said...

بربل

مالاحظت سالفة القمر

خنشوفها

العرزالــــــه said...

انتر

والله انك جبتهااااا

العرزالــــــه said...

بن جبله

تصدق!

ولاّدة سابقاً ... رانيا السعد ...رانية المنيفي حسب الأوراق الرسمية said...

واضح الحكومة تبي أسيل تفوز
هونوا عن عبدالواحد العوضي لأنه أوراقه احترقت


وعند فوزها ستهوّس الحكومة على الطريقة العراقية: بدلنا كريّم بتويوتا

Yang said...

العرزالة:

لووووووووووووووووول

شكلك وايد تروح سينما :))

انا طال عمرك اي فلم ينزل السينما اسويله دونلود واشوفه بالبيت مع الأهل, وإلا فيلم مدته ساعتين تروح السينما تشوف منه ساعة :(((((


شحادني على الخساير, لا ومقطع بعد.


تحياتي

العرزالــــــه said...

ولاده

قصدج بعد ما الوطن نزلوا الخبر الاولي يتهم اوامر يغيرونه؟

العرزالــــــه said...

يانغ

والله شقولك دايما اقول للاخوان

انا اروح من باب تغيير جو

وين نروح بهالديره ماكو الا جم مكان ومناشبينا عليهم هذا مايصير هذا ممنوع

:\

Unknown said...

الوطن احيانا لها اصدارين لنفس اليوم .. الاول بالليل و ترى القمر بجوار شعار الوطن .. و الثاني عدد النهار .. و تحدث خاصة في الايام المزدحمة بالتغطيات و الاخبار .. كهذه الايام

Yin مدام said...

الوطن ما أقدر أفتي لك فيه من زماااااااان
مقاطعة

والفتحة بالسقف والله أصدق يمكن يضطرون يستعملونها
الله يسامحهم صايرين جنهم عماير الديرة وحدة تتحدى الثانية بالإرتفاع
!!

زوز يبيلها بعد شهر إن شاءالله وترجع هي ووالدتها سالمين غانمين من كل شر يا رب
دعاؤكم لها

وفريج يمكن متنكر ومنزل نفسه إنتخابات !!

يعطيك العافية
:)

ولاّدة سابقاً ... رانيا السعد ...رانية المنيفي حسب الأوراق الرسمية said...

أيه بالضبط هذا قصدي

العرزالــــــه said...

بوحمود

على راسي

بس مادري طريقة تغيير المانشيت وجسم الخبر شوي

مادري

:\

العرزالــــــه said...

مدام

شلون السيد موشايف حجابات اللي لي فوق؟

اقوله مساع يقولي ماشفت

وريه ثقفييييييييه ضروري

:P

العرزالــــــه said...

ولاده

عيل الله يستر اذا وصلنا لدرجة اتصال يغير جريده بهالسرعه

جنه العراق

maha said...

مساك الله بالخير العرزالة

بخصوص الكاريكاتير

تبي الصراحه طول هالفترة اللي طلعت فيها موضة هالحجاب وانا إعتقادي إنه صج مرتفع بس يعني على كثر اللي نشوفه تعودنا
لما شفت هالحجاب وبهالإرتفاع الشاهق
صراحة ناطحة سحاب مو حجاب
أمس بالأفنيوز طقتني البوهة
لدرجة إني انتبهت إني مبققة عيوني على البنية
واهي ماشالله طاف

شي يفشل

ولاّدة سابقاً ... رانيا السعد ...رانية المنيفي حسب الأوراق الرسمية said...

أقول لك بيهوسون
بدّلنا كريّم بتويوتا

C'est La Vie said...

ايي والله نبهتني
شسالفة بالضبط؟

راعي تنكر said...

عندي سؤال
نبيل العوضي ليش ما تكلم عن اسيل العوضي؟؟؟
يعني اسيل ما بقى احد ما تكلم بموضوعها
ونبيل ما يخلي شي ما يتكلم عنه

تهقى العائلية تلعب دور؟؟؟

مَـــــعْــــمَــــعَـــــه said...

بالبداية علبالي انت مغير بالجريدة بس بعدين تذكرت ان في طبعتين اولى مبجر وثانية متأخرة وهي اللي حق البيوت

ودائما النسخة اللي بالبقالات تكون متمردة وثورية

العرزالــــــه said...

مها

والله انا الصراحه ماتعودت واشمئز من البنت اللي تسوي جذي

ماكو انوثه كل شي صناعي تبين الكشاكيش مالت الشباصه مادري شسمها

العرزالــــــه said...

ولاده

والله شكله جذي

الفداويه زادوا

العرزالــــــه said...

C'est La Vie

والله علمي علمك

الشباب يقولون طبعتين والله اعلم

العرزالــــــه said...

راعي تنكر

يت عليه

البراك ماتكلم عن شرار

وانت رايح

العرزالــــــه said...

معمعه

انا اعرف ان في طبعتين بس مادري ان يحطون قمر مادري شنو

تصدق احساسك نفس احساسي انا اشوف جذي بعد ان جرايد البقالات ثوريه اكثر من الجمعيات