Monday, May 11, 2009

سؤالين يدورون ابالي

السؤال الأول: وايد أسمع كلمة يكفرونا والتكفيريّين ..ممكن أحد يتكرم ويدلني على أحد منهم مع الدليل؟9

.


السؤال الثاني: لماذا يريد السيد حمد الجوعان الحديث الآن وبعد صمت دام لأكثر من عشرين عاماً؟9


25 comments:

الزين said...

الجواب الأول مادري

والجواب الثاني هم مادري



اكتشفت انك تكون ما تدري بهالزمن اريح

لأنك لو دريت عمرك ماراح تقدر تغير شي


:)

سلبية!!

يمكن

بس انا ما اضيع طاقتي على شي عارفة نتيجته

:)

صباح الخير

حياتي هدف مو عبث said...

أنا قرأت إن محمد هايف قايل شي ومكفر أسيل بس شنو قال معرفش
وأصلاً التكفير مو سهل تنطقة خاصة لمن يكون مسلم.. وعاد في أنواع للكفر مادري كان يقصد شنو محمد هايف
أو اي واحد منهم
قولي
عملي
إعتقادي
فعلي
تركي.
ويمكن في ناس فاهمين كلمة تكفيري خطأ
مثل مافي ناس فاهمين كلمة ليبرالي خطأ


السؤال الثاني
بإختصار كيفة
وأعتقد أنا ويمكن في غيري
يبي يعرف أكثر عن ما حصل من الشخص نفسه دون نقل
:)

Eng_Q8 said...

السؤال الاول كل اسبوع اقرا الصفحة الاخيره من اي جريدة وراح اتشوف العجب العجاب

السؤال الثاني خله يتكلم وبصراحه احنا محتاجين لوجوده بهذي الايام

mtfa2el said...

التكفيريين وايدين ياخوي و لهم مواقع و أنشطة كثيرة
أبسط مثال الحوادث اللي صارت قبل جم سنة أسود الجزيرة و غيرهم
اللي شجعهم لي الحين موجود و أبشرك في منهم دكاترة بكلية الشريعة

السؤال الثاني
حمد الجوعان الله يشافيه و يطول بعمره اللي اعرفه انه من حادثة الاغتيال لي يومنا و اهو من عملية لي عملية و يعاني من آلام الله رزقه الصبر و عسى الله لا يحرمه الأجر
حتى الزيارات صعبة عليه
و كان بعد محاولة الاغتيال رد المجلس فترة بس عقبها ما قدر يكمل ..و أكيد ما كان يقدر يكون له نشاط سياسي بسبب المرض

عموما حمد الجوعان كنز و من أفضل النواب اللي مروا على المجلس ..صاحب انجازات حقيقية و جهد ملموس
كافي ان التأمينات الإجتماعية صارت باقتراحه و جهده

حياتي هدف مو عبث said...

حامد العلي
طارق الطواري
حاكم عبيسان المطيري
عواد برد العنزي
عبدالرزاق الشايجي

مارين عليك ؟

كويــتي لايــعه كبــده said...

جوابك على السؤال الثاني يوم الثلاثاء

استنفار رومز الطرح الوطني في وقتنا هذا يدل على مواجهة لما هو مخطط على يد جابر المبارك من تعطيل الدستور وقصر عمر المجلس القادم وهو سبب عدم ترشيح الصقر وأيضا الخرافي لولا تعليمات آخر لحظة وعدم رغبة الحكومة بالسعدون رئيسا للمجلس في هذه المرحلة بالذات

الله يعطي الجوعان العافية بالدنيا
ويعوضه اياها بالآخرة

Kuwait said...

@@
صاير هالأيام وايد تتسأل :\

Q80 Blogger said...

السؤال الاول .. عن البعض .. اذا واحد قال رايه الفقهي بشي مايعجبهم صار تكفيري
طبعا مايردون عليه من جانب فقهي .. لأ يقعدون يقزون بالشوارع يعني احنا ناشطين سياسيين
وكل واحد يعطيك فتوى من صوب واهما الفاتحه زين حافظينها

السؤال الثاني .. عشان المدونين يكثرون بوستاتهم والردود عليها .. كل مدونه حاط يوم الثلاثه الساعه 8 ونص .. خلاااااص والله درينا .. والناس ترد .. مشتاقين مشتاقين !!!!
تحس ناس فاااااضيه

ننطره ونسمع كلامه بعدين نحكم .. وماننكر تاريخه طبعا بس من كثر مايبالغون يخلوونك تنغث

طموحة مملوحة said...

السؤال الاول ... لأن وايد ناس كفرونا من كيف امهم ... لوووول استغفر الله استانس من كثر ماقالوا لي انتي كافرة لأني قاعدة آخذ حسناتهم :)

بس عمري ماقلت عنهم تكفيريين صراحة

الثاني مادري خل احك مخي وارد اجاوب

secret said...

دكتور .. شلونك؟
و شلون كيفك؟
:)

بالنسبة للسؤال الأول

شوف عزيزي

الكفر هو ستر الشيء
و الكفر بالقرآن هو نقيض الإيمان
لأنه اخفاء حقيقة الرب الواحد

و يطلق على الزراع كفار لسترهم البذور بالتراب

أما بالنسبة للتكفير
فمثلا التكفير عن الذنب هو إزالة الذنب

مثل "التمريض" و انت صحح لي هو إزالة المرض

يعني الممرض هو من يساعد بإزالة المرض
كذلك المكفر فهو من يساعد بإزالة الكفر

يعني مصطلح تكفير له معنى و المقصود فيه العكس

اللغة العربية تحتضر مع الأسف
مشكور على سؤالك الكلمة صج كانت حايسة بقلبي ولاني عارف أقولها

أما ان الواحد يؤشر و يقول هذا كافر على أدناة شي فهذي كبيرة عند ربك

و السلام
:)

Dakhtar Blue said...

بالنسبة لسؤالك الأول
فالفتاوي كلها موجودة على مدونتي وبالتحديد آخر بوستين
www.localbenj.blogspot.com

فتاوي تكفر المشارك في إنتخابات ديمقراطية في بلد لا يحكم بما أنزل الله

أما سؤالك الثاني
فالعلم عند الله والجوعان

ولد الديرة said...

يمكن توه شبع
!

العرزالــــــه said...

الزين

زين تسوين والله

بس ياخوج ساعات الواحد اباله اسئله وده يعرف اجاباتها

العرزالــــــه said...

حياتي

ياليت توضحيلي بالادله

العرزالــــــه said...

مهندس

ايضا محتاج دليل

العرزالــــــه said...

متفائل

اجابتك على حمد الجوعان وايد عجبتني

وفيها عقل

:)

العرزالــــــه said...

كويتي

وجهة نظر تستحق الاحترام
:)

العرزالــــــه said...

كويت

حرام لولا

العرزالــــــه said...

بلوقر

جوابك الاول عجبني

الثاني يبيله نطره ونشوف

العرزالــــــه said...

طموحه

الدلييييل جزاج الله خير

:))

العرزالــــــه said...

سيكريت

هلا بالحبيب :))

يعني المكفر اللي يكفر عن الذنب

والتكفيري اللي يكفر عدل؟

بكل الاحوال مداخلتك قيمه جدا واستفدت منها

:)

العرزالــــــه said...

دكتور

اشكرك على وصلات المواضيع المفيدة جدا

عزيزي فرق بين ان يقوم شخص بتحريم شيء وان يكفر فاعله

اما بقية الفتاوي اللي بعض منها كفرت الديموقراطيه ولم تكفر من يمارسها فتلك لمشايخ ليسوا بيننا

بس يبقى دليل ملموس وجواب لسؤالي

شاكر لك تعليقك الحلو ياحلو

:))

العرزالــــــه said...

ولد الديره

:S

دستور 1962 said...

ج1
لو صح وجود تكفير لسمعنا ان القضايا تحركت و المحاكم حكمت
لكنها مبالغات

ج2
من كلامه سيتضح سبب عودته
عموماً ، أن يأتي هذا الرجل القوي متأخراً خير من غيابه

العرزالــــــه said...

دستور

اشكرك على ردك الراقي والمفيد

:)