Saturday, October 24, 2009

بورميه

وقف وصارخ وندد بازالات التعديات
طلعلنا بسالفة اسقاط القروض
تالي الحين يبي يجمع ١٠٠ الف من البدون امام مجلس الامه
ودائما وابدا يلعب على وتر الاقطاعيه في البلد ويوهم الناس ان البلد المنعمين فيها اهم طبقه وحده والباجين تحت خط الفقر
وان ثروة الشعب للشعب
وان حضرته روبن هود زمانه
ماجنه وايد من هالمنعمين فلوسهم من عرق جبينهم
وماجنه وايد من اللي يدافع عنهم منهم اللي شهادته حضانه ومعاشه الف وفوق ولا يدل دوامه وين وهم مو راضي
طبعا هالوتر هم يدندن عليه مسلم البراك والطاحوس وباجي الشله الي عرفت ان هالرنه اهي اللي تنجحهم بكل انتخابات
بس ياحبيبي ياضيف الله
قلتها من قبل وارد اقول
جنون العظمة وحب الجماهيريه وتبي الناس يشيلونك ويهتفون باسمك شي
وان هالشغله تتسبب بمخالفة الناس للقوانين
وحرق ميزانية الدولة
وتجنيس المتردية والنطيحة من الطامعين بثروات هالبلد
وان كل هذا مايهمك وخل تحترق البلد بالي فيها طالما توصل للي تبيه شي ثاني
تبي حب الجماهير شد حيلك واتجه للمسرح اوالمنتخب
بس الشرهه مو عليك عاللي وصلوك مرارا وتكرارا
ماعمري بحياتي شفت له مداخله او اقتراح فيه مصلحه للكويت
دوره مو تشريعي ولارقابي
بل تخريبي ودماري

12 comments:

حسام بن ضرار said...

بعد هذي افرازات الدوائر الخمس و هذي ضريبة الديموقراطية اللي تعتبر في بعض الاحيان نعمه لمن لا يستحقها

قرصة اذن للوطنيين اللي ركضوا للدوائر الخمس و فتحوا الباب لمثل تلك الممارسات

شـليويح said...

شخصيه فوضويه ، و عقليه الفزعه يا هالربع

Q8i Orchid said...

بورميه وربعة من شلة "صارخوا تنجحوا" ينطبق عليهم المثل القائل إن لم تستحي فافعل ماشئت كل كلامهم عن الكويت ومصلحة الكويت واهم ماينظرون إلا لمصالحهم الشخصية وبس .. لكني اعتقد بل أجزم بأن ورقة التوت قد سقطت عنه وعن أمثاله منذ زمن بعيد لكن الشرهه على اللي ينجحه ويعطيه صوته ..!!

اتمنى بس اشوف اليوم اللي تصير فيه الكويت دائرة واحدة واشوف ساعتها اشلون ممكن اللي مثلهم ينجحون ويصر لهم صوت وكلمة ...

وفي النهاية ما اقول غير اللهم لاتؤاخذنا بما فعل السفهاء منا .. وربي يحفظ ديرتنا من كل من يمسها بسوء سواء كان بقول أو فعل ..وسلامتكم

حنطفيس said...

قال من امرك قال من نهاني

وتلوموننا اذا عطينا صوتنا حق الجويهل !!؟

mtfa2el said...

و الله ياي باكتب تعليق نفس اللي كتبه حنطفيس

صح لسانك يا حنطفيس

تلومون الناس لما ما يشوفون احد يرد على هالتبن بو رمية غير الجويهل

الجويهل عاهة و آفة بس كل آفة و عليها آفة

من آمرك قال من نهاني

الخيلاء said...

لما ما يكون في فكر ولا توجه ولا ولاء

اتكون النتيجه بورميه

YusuF.AsKR said...

الشرهه والله على اللي خلا بو رميه ممثل للأمه !

على فكره ,, هذا طرح غالبية نواب القبائل و بالاخص الدائرتين الخامسه و الرابعه بسبب مفهوم الدوله الريعيه السائد عند ناخبين تلك الدوائر

بالتالي , شي متوقع أن نسمع هذا الطرح من بو رميه و من هم على شاكلته من المرتزقه

well_serviceman said...

الظاهر بدأ يهلوس بعد ما تلوه امن الدوله!!!

اللهم لا اعتراااض!

another day said...

بورميه غير الهرج الزايد على قولتهم ماعنده

أي تجنيس أي بطيخ

اللي يستحقون ما جنسوهم
الحين بيجنس منو ؟
ربعه اللي
من شمال الكويت ولا ربعه اللي من جنوب سوريا؟

الكويت صارت ماكنتوش
:((

أهل شرق said...

حكومة 67 هي السبب

المقوع الشرقي said...

بو رمية 13112
صوت
2009
مقابل11482
2008
...
طرحه بالانتخابات الأخيره اذا سميناه مجازا
طرح
تحدى الداخلية والدفاع
وما تحرك على القضية الا من قواعده الوطنية
أكاد أجزم بيوصل حاجز العشرين ألف
بالأنتخابات الجاية
بالكويتي
لاهو سفيه ولا مختل
الريال قاعد يكشف لنا
خطورة الوضع اللي احنا فيه
شاكرة له
...
نتكلم بكل شي ..وأي شي
الا أمننا الوطني
سلمولي أمانه على النعام

DiLLi O MiLLi said...

صصصصصصح ألساااااااانك



يدري آن أن دندنته علي أسقاط القروض
أهي سلاحه اللي عن طريقه يرجع مرارا وتكرارا لمجلس الأمه
ومثل ما قلت : الشرهه علي اللي يصدقونه ويصوتله