Wednesday, November 4, 2009

باختصار

عندك عامل
كل ماتعطيه شغله يسويها..يخربها
جربته مره مرتين ٦ مرات
بعد كل هالفرص تقوله يبا بس ما ابيك
هل من المنطق والعقل
ان اييك واحد ويقولك يا اخي انت شلون حكمت على هالعامل واهو ما مداه يسويلك شغلتك؟٩
تقوله ياحبيبي انا مو متسرع ولا يحتاج اعطيه فرصه لاني مجربه وادري انه بيخربها مثل ماسوا بالمرات الست اللي قبل
يقولك معليش عطه بعد فرصه لاتتسرع بالحكم
يا يبا اي اتسرع! اقولك مجربه ست مرات!٩
والله من وراء القصد
:)

18 comments:

ابوالوليد said...

العامل خط أحمر

فريج سعود said...

لا ومفهي بعد

حنطفيس said...

ايولله

وقاللهم ولي امرهم اعينوني اعينوني وهم موراضين

انا اقول يطردهم كلهم لأنهم موكفو حشيمه

واولهم غاندي البراك
وراجو بورميه

اخت اشليويح said...

انا راي من راي حنطفيس :))

و غير سموه هالعامل باذن الله ماكو ان الله لا غير مافي قوم حتى يغيروا مافي انفسهم


و الله من وراء القصد

:)

enter-q8 said...

المشكله مو بالعامل
المشكله البنغاليه اللي يقولون له انت زين

Abdullah said...

LOOOOOOOOOOOOOOOOOOOOOOOL
saj ya Enter-Q8

well_serviceman said...

للأسف ، خطأك الوحيد هو بأنك انتقدت عامل يستذبح البعض للتغني بمناقبه المخفيه والمحجوبة عن عيون الشعب!!

كويــتي لايــعه كبــده said...

البعض يعتقد أن العامل أهم من العمل
فمهما أخطأ مو مهم
حتى وان كان العمل ترميم بيتنا كلنا المشترك
والعامل مخطئ بتعمد بعض المرات ومو بس عن غباء

يا ريت البنغالية بس اللي تحته مباشرة يا بو وليد
(ولو ان البنغال ما يستاهلون هذا التشبيه)

t.q8 said...

كنت بعلق بس عقب
الي قال انتر مايحتاج اتكلم
المصيب بالبنغاليه الي يمجدونه

مَـــــعْــــمَــــعَـــــه said...

خوش اسقاط

بس العامل سفارته قويه

bo rashed said...

المشكلة انك اختصرت القصة

ونسيت تقول اهم جزء

لما سألو العامل عن سبب فشله

قالهم هالنكته

في واحد عيز وهو يدور مطعم نظيف

وبعد عناء لقى مطعم مكتوب عليه

حــــاربــنــا الــذبــــاب

الريال ماصدق عمره ودخل

وبعد ماطلب الأكل ولا الذبان مسوي

انزال على ماعونه

صرخ على العامل وقاله

شلون كاتبين حاربنا الذبان

ابتسم العامل ورد عليه

بابا انا يكتب انا يسوي حرب مع ذبان

بس انا مايقول من يسوي فوز

:P

someone_q8 said...

السلام عليكم

الطيبة ما تنفع بكل الاوقات خصوصا ببعض المواقع المفروض اتكون انسان عملي بحت

another day said...

تعتقد بعد هالست المعاملات

وفشــــــــــــــــــل



نقول هالمرة


خــــلااااااااااااص

إستريـــــــــــــح

نمووول said...

مووو عمالنا كلهم هالنمونه
اذا غيرته بييك نفسه :)

mtfa2el said...

و اذا كنت حاط 60 عامل وياه
و كلهم فاشلين و مسوين ازعاج على الفاضي
ليش تحط العلة فيه اهو بس
:p

ترى ما نخلص

فيلسوف said...

عاااادي اخوي شفيك انت صدرك ضيق

خل العامل يعيد الشغل مره
10
20
30
لين يتعلم ان شاء الله او الله يتوفاه

خل صدرك وسيع لانه بنقول
ياااااااااااااااليل مطولك

نـــــوط بو ألف said...

والله العله في شعب

رايح جاي

البراك و المسلم

يلعب فيه

Peace said...

اللي ايده بالماي
مو مثل اللي ايده بالنار