قلعتكم

لما فريق برشلونه فاز ،واكرر فاز، على الانتر بس فوز ماشفع له للتأهل..شفنا الشماته من كل مكان. ماكان غريب اني اشوف مشجعي مدريد يقلبون ويتشمتون..مع انهم قبل المباراة كانوا يقولون -بمافيهم لاعبينهم- ان اي فريق اسباني يمثلنا!٩

عادي، المباراة النهائية بتصير على ارضهم..وبعد مو معقوله برشلونه ياخذو الكاس هناك كبيره بحقهم! المهم، ومو غريب ان الكويت كلها تهب بالانتر والكل صار يشجعه فجأه..الغريب والعجيب..شماتة مشجعي مانشستر حظ يونايتد -على قولة اللي اتصل على برنامج بلنتي من فتره-! ينّوا وقعدوا..ومابقى نكته مليقه ماقالوها، مع ان الفريق اسباني والثاني ايطالي والدوره اوروبيه! هل السبب انهم مو مصدقين ان في فريق ممكن يتغلب على الحظ واهو العامل الرئيسي والاساسي والوحيد في فوز مان حظ يونايتد -بالاضافه للغش- بأغلب أو أكثر أو كل البطولات والمباريات؟٩

هل السبب ان برشلونه سوا اللي محد سواه بتاريخ الكره؟ هل لانه فريق يفرض لعبه على كل الفرق؟ هل لان لاعبينه من كوكب اخر؟٦ بطولات بموسم واحد..والمصيبه ان هذا حد البطولات ولو كانوا ١٠٠ جان هم خذوهم كلهم! ٦ ياجماعه مو ثلاث مثل مانشستر نصهم فشل واخرتها يسوون مدربهم سير! هذا لو ماخذ اربع شيسوونه..سلطان قابوس؟٩

نرجع للومن يونايتد، فريق تم بناءه على الغش، الحكام ظبطوا مانشستر في بداياته وقام ياخذ بهالبطولات وجيب فلوس واشتر لاعبين وكون قاعده جماهيريه وجيب فلوس زياده منهم ونفوذ زياده وضغط على الحكام زياده وبطولات زياده والدائره تتكرر مرارا وتكرارا لين قمنا نشوف فريقهم اليوم يعدونه للاسف فريق عالمي ومدربهم سير مع ان العلج اللي ماينقط من حلجه يوحي بشي ثاني!٩

المشكله تابعوا مبارياتهم، اهم يبكسون باللي ضدهم وطق سنه بساعه ويالله ينحسب عليهم فاول! واللي ضدهم لو لاعب بالغلط يلمس منهم احد طرد وشطب من الاتحاد! لا وهالموسم بعوضون بيعة رونالدو وقاموا يرفعون لروني عشان يعدلون معنويات الفريق ومشجعينه، اول شي قالوا لاعب قوي تالي خارق اخرتها احسن لاعب بالعالم! حبيبي شفيه احسن لاعب بالعالم ادش اشوف فيديوات عنه باليوتيوب ٣\٤ الفيديو اغاني وديسكو وصوره واهو يضحك ويقط نفسه بعد اقوال الحظ والبلنتيات اللي مايستحقها! احسن لاعب بالعالم؟ جان ميسي افضل لاعب بالكون -الارض وباقي الكواكب- هني حجي ثاني..ولو ان ليلحين في يمكن ٩٠ لاعب قبل روني واحسن منه!٩

زبدة البوست، نعم مدريد قطوا على فريقهم اكثر مما قطت الكويت حق التحرير وليلحين مافازوا حتى بدورة الروضان..ونعم قلبي متروس وحاقد على المان..وفرحان جدا لخسارة ليفربول من تشيلسي اللي يستحق الدوري لانهم يلعبون بضمير وفن..وان شاء الله نشهد تتويجهم قريبا بالدوري اللي يستحقونه الا اذا تدخل حظ المان كالعاده..وقلعتكم ياللي تشمتوا فينا!٩

وهذي رساله حلوه وصلتني فوق البيعه ردا على الظريف اللي ضغط برشلونه وتطنز على ميسي اللي يحلمون بلابجينه:٩

فوائد خسارة نادي برشلونه :1- تتجمع جماهير الاندية الفاشلة للشماتة مع نسيان انه برشلونه مسح بانديتهم الارض 2- هي فرصة لاتتكرر في العمر يجب استغلالها من ضحايا نادي برشلونه 3- فترة من الفترات التي يستطيع فيها البشر تفريغ مافي قلوبهم على نادي برشلونه 4- فرصة جيدة لغير متابعي الكرة بمتابعة اخر احداث الكرة في العالم 5- تكتشف ان لديك اصحاب لـم تسمع لهم حس منذ دهر طويييييييل ! كبير يابرشا

وسلامتكم -المانشستراويه بطقوني

:P