البلوقرز

مباشرة وبدون مقدمات، ياني خبر توقف ام صده عن الكتابه..فدخلت على القوقل ريدرز بشوف من بقى من اللي اقرا لهم..اسامي كثيره وكبيره..بعضها ترك التدوين من بعد ماكان له اسم رنان الناس تنطره كل يوم..وبعضها ابتعد وصار يكتب من فتره لي فتره..الاسباب كثيره من بينها مثل مايقول البعض ان التدوين اصبح دقة قديمه..اما السبب الرئيسي بالنسبه لي فهو الاحباط ولا شيء غيره.٩

اذكر قبل سنتين يمكن، رحت انا ومجموعه من الشباب المدونين للدكتور احمد الخطيب..كانوا مسوين حمله للانتخابات وناخذ مقابلات من الناس المهمه..المراد لما قعدنا وياه قال كلمه هزتني و خلتني اغير الكثير من قناعاتي..قال ان هناك مخطط لاقتياد الناس للكفر بالديموقراطيه.٩

هذا الكلام صحيح وهي سياسه عربيه اصيله. يالاجانب يالامريكان تبون ديموقراطيه كاهي عندنا..لكنهم يعمدون على ايصال الاسوأ اللي ماينجز حتى الناس تلهى بمشاكلها وتنسى السبب الرئيسي في تدهور الاوضاع..وتبدأ في القاء اللوم على الديموقراطيه وهي منهم براء..والا بلد تبيع باليوم بترول بهالكميه ماشاء الله..ماتتطور ويكون فيها هذا الكم من التخلف والفساد؟٩

مابي اطيل بكلام وايد، وام صده..مع اختلافي في بعض الاحيان مع مايكتب فيها..لكنها اذا مو من اهم المدونات فما اجامل اذا قلت انها العمود الفقري للتدوين بالكويت..وابتعادها مؤشر ماهو طيب ويحتاج منا الى وقفه جاده للتفكير.٩.