بداية
أعلم أن العلماء أو المشايخ لهم مكانتهم ووزنهم
وأعلم أن على من ينتقدهم أن يكون بعلمهم
لكن هالمره انتقادي مو لشي شرعي أو ديني
ولكن لشيء لاحظته على الشيخ نبيل العوضي
===============
الشيخ نبيل ومن الصيف اللي فات..من بدا يكتب بالوطن
كتب أكثر من 15 مقاله عن البدون
14 منهم بس هالشهرين
وهو على فكره مايكتب بشكل يومي وانما مرتين او 3 بالاسبوع
يعني بحسبه بسيطه تقريبا ربع مقالاته حتى الان عن البدون
================
المشكله..ان مقالاته مو بس مقالات انسانيه وقلبه على البدون لا
انما وصل لدرجة الاستماته على تجنيس كل البدون
ومهاجمة كل من يخالف هالشي
=================
هالموضوع مو من باب الطعن فيه ولا ودي احد يستغل الموضوع للطعن فيه او في بقية المشايخ من اي مذهب
وانما كتابته عن البدون بهذا الشكل المستميت يجعل لأي كان الحق بانتقاده
فهذا موضوع مو شرعي عشان لحد يقول انت شفهمك بالدين ولاهو فتوى
==================
سألت عن هالموضوع..وعن سبب استماته قالولي اهو كان بدون ومن فتره بسيطه متجنس
واذا عرف السبب..بطل العجب
يعني انت يمكن خوش ريال وشيخ بس مو كل الناس نفسك او نفس غيرك من البدون الشرفاء
===================
يمكن احد بيقولي ليش مانصحته بالسر
أقول انا ماغلطت عليه بهالمقاله
واهو تكلم بالعلن مرات عديده وانا من حقي اعرض الحقائق
وماكان ودي اكتب لولا انه تمادى في مقالاته
وإلى اليوم واهو ينزل مقالات عن البدون
يعني مابقى احد ماجنسوه من تبي يجنسون بعد وليش ليلحين ميت على التجنيس
=====================
المقـــــــــــــــــــــــالات
1\7\2007
1\11\2007
4\11\2007
11\11\2007
18\11\2007
20\11\2007
13\12\2007
25\12\2007
27\12\2007
30\12\2007
3\1\2008
6\1\2008
15\1\2008
17\1\2008
24\1\2008
23 comments:
شوف
مع إحترامي للشيخ نبيل العوضي
لكن ما يعجبني إسلوبه و طريقته
و حتى صراخه بخطبة الجمعة .. و موضوع البدون صديقني له بعد أكبر من موضوع إنساني
لكن شتقول .. الله كريم
انا بصراحه وايد اسمع هذي السالفه .. انه اهو توه متجنس
بس ما سمعت شي اكيد عن هل سالفه
خصوصا وانا ادري انه متخرج من مقررات ودرس في جامعه الكويت طب لمده ثلاث سنين .. بعدها حول كلية العلوم تخصص رياضيات
انا كان دايم يعجبني .. لكن من بدا يدخل في الامور السياسيه .. صراحه صار يزودها وايد .. واسلوبه مع احمد باقر للأسف مو راقي
على العموم
بس ودي تتأكد من المعلومه
وايد سمعتها
وسمعت وايد ناس تنكرها !!
ويعطيك العافيه
خلوه بروحه
مع احترامي الكامل للشيخ نبيل العوضي لكن في ناس من البدون عايشين بحال احنا بالنسبة لهم طرارين بالمختصر مو كلهم فقارى مساكين خطية ياعيني اغلبهم خاشين جناسيهم وقاموا يجنسون وايد منهم واحد ولد فليفل والثاني فلافل استغفر الله شنو هذيله منين طالعين سامحوني من لقهر الي بقلبي ودي احجي اكثر سامحني اخوي العرزالة هذي زيارتي الاولى لك وتكلمت بطريقة موحلوة بس اعذريني من حر مافي قلبي كل من هب ودب يعطونه جنسية والحين يقولون لمياء طارق بيعطونها جنسية تحت بند اعمال جليلة!!مو هي شرفت الكويت بالمحافل الدولية بهز ياوز !!هزلت
a3teqed enna mn 7ag ay katib tabanni maw9'oo3 wa al-defaa3 3anh, methel ma abdullah al-hadlag masik Iran & 7ezb allah, wa ali al-baghly (al-mo7ami) bs ydafi3 3an 7uqooq al-ensan (elle 3ala math-heba bs), wa 7'aleel 7aidar kel maqal we althani masik ketab lel ekhwan almoslmeen w ye7allela w yantaqda, wa alkatheer mn alkottab elle kel wa7id lah manhaj mo3ayyan fe alketaba wa qa9'eyya yatabannaha.. 3ashan chithy ma ashoof enna al-rayyal sawwa shay 3'ala6 .
amma maw9'oo3 ennah tawwa metjannis fahatha al-kalam yadol 3ala 7aja fee anfosna 9a3b net7'alla 3anha, waheya anna al-she3arat elle nnadi feeha dayman annana kelna Kuwaityeen mako farg beinna kelha she3arat za2efa, khala9 mo a7'ath jenseya? mo 9ar Kuwaiti? 3ayal leesh allamz wa al3'amz? ma alfarq etha tawwa a7'athha aw gbl 100 sena?
(sorry 3al E6ala)
ما اعرفه وقد اكون مخطأ انه تم تجنيسه على والدته..وهو ليس من عائلة العوضي
ومنذ ان تم تجنيسة إبتدأ بالكتابة في امور البدون وباقي القضايا..التي تحاشاها بالعاده كتاب البدون
مع ايضا احترامي للشيخ نبيل اخذ هالخبر
نبيل بدايته استفرد باسلوب والى الان له لونه الخاص في المحاضرات والخطب
بمرحله من مراحله كان يقرى على الناس واحيانا يكون في ضرب خفيف غير مبرح حتى يطلع الجني من الشخص اذا كان ملبوس الله يكافينا وياكم شر الجن ويبعدهم عنا لكن ضرب نبيل للشخص هذا ادى الى موته
وقف معاه السلف وقفه لم ولن ينساها
ما السبب الذي جعل نبيل يخرج من عباءة السلف ؟
موضوع البدون :)
بمجرد ما اخذ الجنسيه وهذا خبر صحيح يا كويتي بلوقر الرجل كان بدون
وهو عوضي اخوي بوطارق Krakatoa
اخذ الجنسيه من اهني تعارض طرحه مع طرح السلف بخصوص القضيه فالسلف ضد التجنيس العشوائي وطرح باقر مع الموضوع وحدته فوجهه نظره اقصد احمد باقر
خلى الشيخ نبيل يبعد عن السلف ويستغل بحاله ومن فتره ليست قريبه وهو يشتغل مع لجنه التعريف في الاسلام وهو حاليا يعد رسالة الدكتوراه ان لم يخب ضني في بريطانيا
لا عجب انه سخر نفسه لكل طرح مؤيد للبدون لأنه يعتقد ان كل البدون او غالبهم مظلومين ولكن الصحيح ان غالبهم ظالمين ويطالبون بالجنسية بغير وجه حق
شيخ دين
+
بدون
+
سياسة
=
غثى و لوعة جبد
يعطيك العافية
:)
هذي مصيبتنا... نجنس المتردية و النطيحة بدل من أصحاب التخصصات النادرة اللي إفيدون البلد
اعتقد ان المشكلة تكمن في الفرق بين النظرة الدينية للأمة الاسلامية و النظرة المدنية الحديثة
الخطاب الاسلامي بشكل عام يتوجه للأمة الاسلامية جمعاء , و الامة الاسلامية هي كل المسلمين سواء الكويتي أو غير الكويتي
و من هنا تأتي هذه النظرة و التفاعل النشط مع قضايا المسلمين أينما كانوا حتى و ان كانوا على الجانب المدني ضدنا مثل ما شفنا قبل كم يوم بالأردن
طبعا هالنظرة الشمولية موجودة عند الجميع مع اختلاف درجاتها , هناك ناس تجده منشط هالخلية عنده ففعلا يؤمن ان المسلمين كلهم أمة واحدة و هناك ناس نجح الواقع في اخماد هذه الخلية عندهم و تجدهم ما يهمهم كل المسلمين و همه الوحيد الناس الي قراب منه و يقعون على مرمى البصر
و شكرا جزيلا و لا تحاتي وايد شنو ردود الناس عليك
كن سيف
علي البغلي خايرها كالعادة
متسلق و وصولي و بو ويهين و فوق هذا غبي
شيطلع غير علي البغلي
من صجك حاط بوست عن نبيل العوضي؟
لو فيه خير جان ما رضى على نفسه انه ياخذ معاش من فلوس مبيوقة أو على الأقل مجهولة المصدر
بوصالح
والله بيني وبينك انا اسلوبه ماكان ودي اتطرقله لأني قلت بس ابس اتكلم عن الجانب هذا..لكن ما املك الا اني اتفق معاك
كويتي بلوقر
المعلومه اكيده ومن ناس كانوا يدرسون معاه ومن سنه ومثل ماقالولك الاخوان
سيليزيه
ذكرتيني باغنية نوال
:p
صقر قريش
حياك حبيبي وعلق بأي وقت وباللي تبيه وبالعكس انا اتفق معاك 100% ولا استغرب اذا جنسوا لمياء طارق او حتى اللمبي
بوصقر
شفيك يبا زعلان علينا اليوم؟ :)
اولا انا ماقلت لك ان باقي اللي انت ذكرتهم وغيرهم ملائكه..وبيي دورهم لاتحاتي :)
اما مسألة تجنيسه..فمع اني كتبت وايد مقالات عن هالموضوع ممكن انها توضخ لك وجهة نظري اللي انت فهمتها غلط لكن مع ذلك انا قلت بالمقاله (اذا انت زين ياشيخ مو كل البدون نفسك)
وصلت؟ :)
كراكاتوا
مو هذا اللي انا ابي اوصله
تصدق..هذي ثاني او ثالث مره تثبت لي انك فاهمني على طول وعلى الخط
خلاص يبا بعينك مستشاري الخاص اذا تسمح
:p
بوحامد
المشكله ياخوي انه تمادى وايد وقاعد يطلع كل البدون ملائكه ومن يعارضهم شيطان أو متأسلم! شدعوه هالاستماته ياشيخنا!
سدرتنا
كلام كبير مائدرش اأول عليه حاجه
:p
بوناصر
لقد أسمعت إذ ناديت حيا
اهو الشيخ ماعليه كلام من ناحية الدوس والله ياجره
بس بهالموضوع مو موفق
مطقوق
ميخالف في ناس عندهم هالنظره وان بلاد الاسلام بلد واحد بس مو لهالدرجه! الريال مو قاعد يطرح فكره وانما مستميت على قضيه وهني الفرق الكبير!
بعدين عجبتني كلمة خلك سيف..اغتريت وانتفخت شوي..زين مانزلت موضوع كله سب
:PPPPPPPPPPP
حلم جميل
مع اني اتفق معاك بس من ياب طاري على البغلي؟ يمكن انت قريت عنوان مقالة نبيل العوضي وحسبالك انا كاتب الجمله؟
مادري بس بكل الاحوال انا ملاحظ عليك بداية معارضه وراح اكتب هالشي بتقريري لأمن الدوله
رحت من جيس أهلك يارجل
:p
فتانا
عشان لاتنغر من سدرتنا
نعطيك نك نيم يديد كشخه :)))
لابس انا مابي اروح بالتعليق لهذا المدى وانما ابين ان الله يهداه مصخها حبتين
ولك حبتين على مرورك الحلو ياحلو
:))
جان زين يكتب اكثر عن البدون لان هالقضية منسية لسنوات طويلة , لا اعني بأني اؤيد اراءه حول هذه القضية ولكن اثارة الموضوع باستمرار اعتقد من الممكن ان يحرك الموضوع .
اما بالنسبة لنبيل العوضي
فأنا سعيد جدا بأنني لست من متابعيه ولا من قراءه
بوحميد
فرق بين ان تتبنى فكر
وبين ان تتبنى قضية
وبين ان تستميت على قضية بشكل أعمى يجعلك تؤيد كل من يأيدها وتختلق له كل الفضائل..وتعارض كل من يعارضها وتوجد له كل العيوب
خاصه اذا كنت شيخ دين والمفروض رمز لبعض الناس
لا للتجنيس العشوائي
يا ناس الكويت غاليه ليش ترخصونها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللهم احفظ الكويت من كل مكروه و رفع قدرها و احمها يا ارحم الرحمين
البصيري ( مجنس ) السايق اليمني ماله :)
واخوانه اثنين
الجنسيه صارت مثل الجنجفه الي يفوز ياخذها مقابل كيلو كنافه
اخوي عرزالة
السالفة صارت تبربس
الجنسية صارت مجرد مكافأة نظير بعض الاعمال و التي بمعظمهااعمال خسيسة
ثانيا نبيل العوضي رجل دين على عيني و راسي ... شكو بالتجنيس؟؟؟
Darkness
بربسه اب بربسه
بوحامد
طبعا ويجنس طباخهم الهندي اذا تبي
الديره ماشيه بالمقلوب
عثماني
مو هذا لب الموضوع وجوهره واللي ابي اوصله
انت اختصرته بكلمتين
:)
عزيزي
من حق اي واحد واولهم حضرتك انه ينتقد نبيل العوضي وغيره خاصة وان نقدك غير ديني بمعنى انك ما تحتاج تكون فقيه علشان تكتب اللي كتبته
معلومة
عوض مدينة ببر فارس يسكنها السنة و من يأتي منها فهو عوضي
اي
مو كل عوضي يصير حق الثاني
الشيء الثاني اني سامع انه متجنس حديثا
لكن بحسب ان نيته طيبة و ينظر للأمور بنظرة انسانية
الا ان هناك الجانب الأمني اللي ما يجب ان يستخف فيه
بس تدري عاد
بعد ما
صكت
السلام عليكم
شنو يعني بعد ماصكت
ساعات ما افهمك
:|
لول
خو ما اقدر اييبها من اولها
يبتها مخربطة
سد خشمك وفكر شوي و فالك البيرق :P
مع احترامي للجميع .. بس صج لاحظت ان وايد متبني قضيه البدون بشكل رهيب وتوني عرفت منك ان كان بدون !
وعالعموم انا اتمنى منه ان مايبالغ بطرحه للحقائق بالبرامج ويناقش القضايا بشكل موضوعي لتحقيق الفائده
Post a Comment