خوش منطق والله

الشعب غرقان بالديون و ٢٠ شخص عطوهم ٥ مليارات
انزين واللي ملتزم بالسداد او مو مقترض وبنفس الوقت مو من هال٢٠ شخص
؟

لحظه شوي!!

احمد الفهد: الحكومه ستشتري المديونيات في يناير

المعطيات
واحد: البدو يشكلون غالبية السكان في الكويت
اثنين: احتمالية دفع احمد الفهد لنواب البدو لتقديم ٤ استجوابات وافشلها مما ادى لشحنهم
ثلاثه: لا اعرف ما علاقته بما فعله الجويهل لكنه حتما زاد من غضب البدو الى حد خطير جدا
اربعه: الحقيقه انه لا يألوا جهدا بمشاركة البدو اغلب انشطتهم ورعايته لها

الفرضيه
هل كان وراء مخطط اغضاب البدو بكل الطرق ليوصلهم الى حد تجبر فيه الحكومه على تمرير قانون كبير ومستحيل ومؤثر كالمديونيات..وبالتالي يدعم موقفه وموقعه من الحكم مستقبليا بتأييد تلك الفئه التي تمثل الغالبيه في الكويت؟٩

الاستنتاجات
اذا كان هالكلام صحيح..فهي لعبة خطيره جدا واكبر من مستواه ومنصبه..وتدل على طبيعة من يطمح للحكم مستقبلا ..باستعداده لحرق البلد في سبيل مصالحه!!٩
ثانيا..تؤكد كلامي الذي قلته من سنتين او اكثر حينما تم اخراجه بصوره بايخه من الحكومه..بان انتقام هذا الرجل سيكون خطير ومدروس!٩٩

بوست مخربط

نفسك ان لم تشغلها بالحق شغلتك بالباطل

الناس على دين ملوكهم

انها مضغة اذا صلحت صلح باقي الجسد

دعوها فانها منتنه

كما تكونوا يولى عليكم

الفاضي يعمل قاضي

اذا كان رب البيت للدف ضاربا فشيمة اهل البيت الرقص

Unfair :/

شالحظ التعبان!٩
نزلت موضوع مزدوجي الجنسيه مني ومن نفسي جذي كنت افكر
اتفاجأ والا الجويهل بنفس اليوم امبدع بقناته السور على نفس الموضوع
فصار الموضوع مع عنوانه جني مقلل من حجم اللي سواه
سووووري يالربع والله توارد افكار مو القصد
:(

انسوا الجويهل

سؤال عام
شالمفروض يكون موقفنا في قضية مزدوجي الجنسيه؟٩
كل الجناسي السعوديه والايرانيه والسوريه والامريكيه والبريطانيه و و و و و الخ
؟

مو تبع التحالف؟

يضحكوني

اللي يقولون انتوا شلون تعترضون على بوزيد؟ قريتوله شي والا بس حجي
لا ياحباااااايبييييي
انتوا اللي طابعين له كتبه وحافظينها صم من الجلده للجلده
قممموا زين
:P

يا سبحان الله!

قبل كم شهر منعت مصر الطبطبائي من دخولها بعد ان وصلها
واليوم تمنع الكويت بوزيد من دخولها بعد ان وصلها
سبب منع الطبطبائي هو عبور قانوني او غير قانوني لغزه لتوصيل المساعدات او حتى لو كان بهدف التواصل ومساعدة الارهابيين يالله هذي مني لاصحاب الحجج الضعيفه
وسبب منع بوزيد هو التطاول على القرآن..كتاب الله
بالحاله الاولى لم يحتج احد وبالعكس تشمتوا فيه وزين يسوون فيه
وبالحاله الثانيه اعترض الكثيرون
والحجه ان تم اعطاءه تأشيره رسميه
انزين ما الف واحد عطوهم هالتأشيره من مشايخ وعلماء سنه وشيعه وغيرهم ممن تم ترحيلهم على اول طيارة بحجة تطاولهم على الكويت او تبنيهم فكر ارهابي او طائفي وغيرها من الاسباب وماشفنا احد تكلم
وبعدين يمكن عطوه تأشيره بالغلط خير ياطير شدعوه معاملاتنا ومؤسساتنا الحكوميه الحين كلش ثقه عندكم
امس امس محتجين على رئيس الحكومه بكبره وانه مايصلح
الحين صارت هالمعامله اهي اللي ماشيه صح
لكن ما اقول الا لاحول ولا قوة الا بالله
لمن يلعلع ليل نهار بان الدين لله وليس حكرا على احد وكلنا مسلمين ولحد يزايد ويعلمنا فيه
ثم لا نرا الغضبة لله والغيرة على دينه وكتابه ممن حامى عن ذلك الزنديق وانتفض له
فاي تناقض واي مكابرة
اخيرا كلمة اقولها لمن لم يختم الله على قلبه وسمعه وبصره
اقولها لمن لازال بقلبه بعضا من البصيره
لاتكن امعه
لاتخف من راي البشر فيك وبما تقول
فان كنت اجبن من ان تصدح بالحق فعلى الاقل التزم الصمت
فمن أرضى الله بسخط الناس كفاه الله، ومن أسخط الله برضى الناس وكله الله إلى الناس

اسيل العوضي..شكرا

بالامس اشرتي الى نساء النبي صلى الله عليه وسلم ب هذولا
واليوم تستنكرين منع دخول ابو زيد الى الكويت وهو الذي تطاول على القرآن
فشكرا
على كشف حقيقتك للمخدوعين فيك
وانا اولهم
:)

مييييير انا اقوووووول :P

صباحكم الخير :))

يسآلني حمودي
ماتغير فيك شي من بديت التدوين لي اليوم؟٩
واقول تغيرت فيني اشياء
==============
مثلا الفيديو اللي حطيته في البوست اللي طاف
يعني مع اني لفيت الدنيا واحتكيت بوايد ناس
من كل الملل والطوائف والمذاهب والجنسيات
وسكنت مع بعضهم
ودرست مع البعض الاخر او سافرت معاه
لكن سبحان الله ماتغيرت نظرتي وايد كثر هالسنتين اللي طافوا
هل من العمر او تغير الظروف بصورة سريعه
المهم قمت اشوف الامور بصورة مختلفه
هالفيديو كنت فرحان عليه وايد لما سويته
بس بعدها قعدت اتامل فتره طويله
وفيه امور كثيره ماني فخور فيها
ولذلك عمري مارديت حطيته الا امس
شالسبب؟ مادري
:)
بس اللي اعرفه ومتأكد منه ان الفيديو رمز للكثير من المواضيع اللي تغيرت ارائي فيهم
=====================
احمد السعدون وعلي الخليفه يجمعهم شي واحد
انهم مستعدين يحرقون الدنيا
الاول عشان يرد كرسيه
والثاني عشان ينتقم من كره اهل الكويت له ونعته بالحرامي
=====================
ناصر الدويله
يا اخي اذا حجتك قويه بالرد على سالفة الشيكات
ليش الخبث باستجدائك الفزعه؟٩
الشيك باسمك والا باسم قبيلة الرشايدة الكريمه؟٩
وبعدين اذا انت مظلوم فمافي كويتي شريف يرضى بالظلم
ليش حصرت رفض الظلم في الرشايده وان محد فيهم يرضى فيه؟٩
خبث شديد باستدراجهم للوقوف معاك عمياني
===================
ساحة الصفاة
طول عمرهم مايكتبون الا اذا في طرف اسلامي وانا قايل هالكلام من زمان
وبعد ماسكتوا دهر
وكانوا ينزلون مواضيع فنيه وخرابيط في وقت الدنيا شايله
نزلوا موضوع عن رئيس الوزرا ايضا قمه في الخبث
تجنبوا الاشاره الصريحه لمساندتهم لحملة ارحل لاسباب كثيره
وكانهم ماسكين العصى من النص
وبنفس الوقت ضربوا كل الكويت عشان يطلعون اهم الطرف الشريف والوحيد
====================
سؤال
انا مو متأكد
اسيل العوضي مو كانت نازله مع التحالف؟٩
ليش اليوم تقول انا نزلت مستقله؟٩
مخي ضرب ماقمت اذكر
====================
ياجماعه
الفوتوشوب لاعب لعب
تأكدوا من اي شي قبل لاتصدقونه
====================
اهم شي ايميل ثامر الجابر
اللي راح السعوديه يسأل عن مزدوجي الجنسيه ودقروه
والله كنت متأكد ان جذب
وامس الريال انكر هالشي
:)
====================
ميسي
ياميسي
يحتاج اقول زود؟٩
:)
=====================
ويالله استانسوا بالجو الحلو
انا عيد ميلادي المجيد وعندنا حالة وفاة بنفس الوقت
المشاعر دشت ابعض!٩

وولهت عليكم
بس
:)))

من الارشيف: فيديو اول ايام المدونه :)

LOOOOOL